تجمع الغاليات بنات العراااااق**التجمع الجديد**

[( ام يوسف )]

هلو حنوشه حبي لتخافين معلج بالدكتوره اذا اكثر من 12 مو زين واحنا هسه ب 8 يعني الحمد لله ملائم هيج
اني موعد ولادتي 7 بالرابع حسب السونار
طبعا هسه وصلت بعد عناء من الساعه 12 طالع من البيت ووصلت ب 10:30 بليل
اجيت لاهلي ورح ترجع نهايه الثاني ان شاء الله
سلامتج حبي شجاج من مرض لمرض الله ببعد عنا الامراض يارب
حبي دير بالج من العين
والله اني بس يتحرك اذا اكون كاعده يم ناس وكلت يبطل يتحرك ويلوعني عليه وارجع واكول شحجاني
ان شاء الله تخلص هلفتره بخير وسلامه
دير بالج ع نفسج حبي

[( ام يوسف )]

تسلمي حبي ام همام ربي يحفظلج همام وابوه

[&ام همام&]

المشاركة الأصلية كتبت بواسطة حلمي بطفلي

ام همام منورة حبي مشتاقتلج حبي اني موعد ولادتي كل مره شكل بالسونار بس اخر سونار عود 6 بالرابع انتي شوكت حبي

والله اني مشتاقتلكم كوووووووووووومة
شوفي حساب الولادة بالسونار يعتمد على السونار بالاشهر الاولى لان الاشهر الاخيرة يختلف لان حجم الطفل يكوم يتغير وانتبهي اكو بالسونار الدكاترة يحسبون ع الرجل واكو يحسبون ع الراس ودائما حساب الرجل يكون اقل من الراس بس الاظبط هو الراس
الله لايشوفج اللي شفته جان سالفتي غير سالفة الله يكومج بسلامة وتجيبن طبيعي

[&ام همام&]

المشاركة الأصلية كتبت بواسطة عَ ـيّوِنٌهِ دُنٌيّتُـيّ

تسلمي حبي ام همام ربي يحفظلج همام وابوه

تسلمين حبيبة قلبي الله يحفظلج ابنج وزوجج وتكومين بسلامة يارب

[&ام همام&]

بالمناسبة الرمزية مالتج فظيعة ومعبرة حيل
كللللللللللللش عجبتني

[المهندسة ام تيم]

مرحبا حباااااااااااايب مشتاقتلكم كوووووووووووووووووووووووووووووووومة
ان شاءالله الجميع بخير
ولحوامل حبيباتي الله يعينكم حنوشة وسيلا شدو الهمة مبقى شي ان شاءالله ساعة سهلة وردات
حبيبتي ياسة الله يثبت حملج ويتممه ع خييييييييييييييييييييير وسلامة
ام همام حبي شونج بوسة لحبيبي همومي
علاوي شخبارج حبي ,.. مشتااااااقون جداااا
لماوي مرجعت حبيبتي ا شاااااااااءالله حامل والله يفرح قلبها وقلبكم
ان شاءالله رقو تكون ولدت بالسلامة
اعذروني اذا نسيت احد
منوشة اختفت يمكن ابنها مثل ابني كلشي ممفتهمة منه بس بجي طول اليوم وقيء وكلش نحسسسسسسسس لا اكدر اطلع ولا اطب
حمودي يبوسكم ويبوس نونواتكم

[حلمي بطفلي]

اي والله سيلا حياتي الف الحمدلله على سلامتج يمعوده ابقي بيت اهلج احسن جيبي يمهم حتى يداروج انتي وين بيج حيل ترجعين ديري بالج على نفسج حبي
اني والله ماعرف بس مادري وين اروح يصيحون حلوه ولايكلج الحمل وراها لنطب طبه مو طبيعيه والله من مرضه لمرضه مدري مضادات حيويه مدري تقلصات مدري نشلات ماكو اكولج عبالك بس اني حملت وهمه ماشاء الله عدها خمسه واربعه بس تعرفين الناس من تنق الله يحفظنه ويحفظ اطفالنه

ام همام والله الدورة دكول شكل والسونار يكول شكل معرفت عاد بس المهم داتابع سيلا واني ايامي مثل ايامها ههههه علمود هيج معتمده عليها الله يحفظج ويحفظ همام وزوجج
ام حمودي نيبو حبيبتي مشتاقين شلونه النونو سويتوله اسبوع لو لا يارب بخير وسلامة

[( ام يوسف )]

الله كريم حنوشه ان شاء الله مابقالنا شي ونجيب بسلامه
لا زوجي يكلب الدنيا عليه ميريد ابنه ينولد بعيد عنه لازم ارجع نهايه الشهر
هو من داروح ايكولي حاسس ابني حيجي بعيد عني كوليلي اذا عدج نيه كتله لا والله اصلا ملابسه كولها ابيتي
يعني اذا اسويها واجيب رح ايكولي انتي مقرره من زمان
ف مابيه حيله واول وتالي امي رح تجي يمي وعمتي ام زوجي حتجي يمي والله يجعلها ساعه سهله علينا يارب

[حلمي بطفلي]

اي حقه والله مادام خاله وعمتج موجودات خلص بعد بس الطريق مزعج والاشهر الاخيره تخوف اسم الله بس الله يسهلج ويسهل علينا ونجيب بالسلامه اطفال سليمين يارب

[طوق الياسمينة]

هلو حبيباتي شلونكم ان شاء الله زينات سيلا الحمد لله على سلامتج وشلون اهلج ياربي بخير
حنوشة حبي عندج العافية سويتي سونار تعرفين ولد لو بنية لو لا
ام همام منورة شلونة ابو الهمة
علاية حبي حتى بالعطلة متنورينا اشتاقينالج
نبروسة حمودي عند العافية ياربي
بنات البارحة من دخلت للحمام العفو طلع دم ومااعرف شنو مصدرة من يا فتحة؟؟؟؟ خفت كلش بس انطكع بعدها شتتوقعون؟؟؟طبيبتي مسافرة وترجع السبت الجاي طمننوني عفية