ديوانية حوامل البحرين

[حروف عاشقة]

الله يعطيكم السعادة :)

احس روحي ضايعة لما شفت اغراض البيبياااات ، مو عارفه شلون اروح ابتدي اشتري لي اغراض لاني كلشي بشتري دبل :) بس حق بنوتات احس علي اشياء واااااااااااايد ..

بس عن جد وااايد حلوين يلبسونهم بالعااافية ..

[أم حماني]

المشاركة الأصلية كتبت بواسطة حروف عاشقة

الله يعطيكم السعادة :)

احس روحي ضايعة لما شفت اغراض البيبياااات ، مو عارفه شلون اروح ابتدي اشتري لي اغراض لاني كلشي بشتري دبل :) بس حق بنوتات احس علي اشياء واااااااااااايد ..

بس عن جد وااايد حلوين يلبسونهم بالعااافية ..

الله يعافيج ... اهم شي لاتشترين عشوائي .. بقولج انا شنو سويت .. سويت قائمتين . وحدة لاحتياجاتي و وحدة لاحتياجات البيبي ويفضل لما تتسوقين يكون معاج احد خبره .. انا مسكينه اختي وراي وراي وين مارحت

[حروف عاشقة]

يا هلا بأم حماني

اي والله يبيلي اسوي مثلج اسوي لي قوائم مشتريات قبل لا اروح واشتري المحل بكبرة :)

[أم حماني]

الله يعينج ... ناويه تسوين طقم للنفاس ولا لا ؟؟

[حروف عاشقة]

اي ودي اسوي وادا سويتي لج ورينا او دلينا على المحل إلي شريتي منه ..

[أم حماني]

انا سالفتي سالفه والله مع هالطقم ... متردده اسويه ولا لا ..؟ ولا تم مكان بالبحرين مارحته ولا احد ماسألته .. المشكله تسوينه غالي بحدود 500 دينار وفي محلات اقل .. وماتستفيدين منه وايد ... قررت ما اسوي وبالنهايه سويت طقمين هههههههههههههههه

[حروف عاشقة]

هههههههههههه حلوة سالفتج ما بتسوين شي وبالاخير ثنين :)

عليج بالعافية بس ما قلتي من وين شريتهم او فصلتينهم ؟؟

[أم حماني]

في محل في بوكواره اسمه فارنا ... وفي محلين بمدينه عيسى تقدرين تشوفينهم شغلاتهم وايد حلوة ... اللي اهوة بيت الحوامل وكوخ الامومة ... انا سويت طقمين بس مب كاملين .. يعني الطقم الأول سلة البيبي مع الستاند ومفرش وشنطة وجلابية لي وكيس الطفل وطقم الثوب مع القبعه والمهاد والثاااني مفرش لي وشنطة ومفرش للبيبي وغطا للكلينكس وللمرضعه وثوب ومهاد وقبعه

[REEM87]

مساء الخير
فيدوني يا بنات البحرين وين بلاقي ستوديو اتصور فيه مع زوجي صور للذكرى بالمنامه
والله انا غريبة بلاد و ما بعرف شي لسه بليز ساعدوني

[الفتاة الذهبية]

حلوين صور ملابس البيبيات

يا ريت تورنا تجهيزاتكم الباقية فيدونا خخخخ

REEM87

انا ما اعرف استديوهات بالمنامة بس ان شاء الله باقي الاعضاء يفيدونج