دردشة حوامل الأحساء- تجمع بنات الأحساء - الحسآويآآت

[اعشق همساته]

انا اسولف واسولف وما اشوف احد يرد و ازهق

الله يستر كان ما يجون ضيوفك وتخليني لحالي و ازهق

[عذبوك ياقلبي]

المشاركة الأصلية كتبت بواسطة اعشق همساته

ههههههههه معليه حلاتهم بالجمله
<< تتكلم وهي خايفه تحمل بعد ولادتها
الا بسألك عن افضل مانع
انزين وليش ما عزمتينيه هاااا

حلفي حلاتهم بجمله لاتخليني ادعيلك تجبين اربعه وراء بعض تري دعوتى مستجابه ..................براااا
الموانع مافي شي مضمون كل شي بيد رب العالمين في ناس تقول الحبوب اظمن وناس تقول اللولب اظمن وناس تقول خلك على الطبيعي احسن انتى اذا تظمنين زوجك خليها طبيعي


هذره حدي صح مايسوي عليك سالتيني هع

[عذبوك ياقلبي]

المشاركة الأصلية كتبت بواسطة اعشق همساته

انا اسولف واسولف وما اشوف احد يرد و ازهق

الله يستر كان ما يجون ضيوفك وتخليني لحالي و ازهق

لاتخافين لجاو ضيوفي اكيد بسحب عليك هع ذول صديقاتى من ايام ابتدائي تخيلى يعني عشره مو يومن ولاه يومين

حياك تعالى تعرفي عليهم هع

[اعشق همساته]

هههههههههههه
احد قالك كتبي لي كل الموانع ؟؟
انا سالتك عن الافضل
لا عاد مابي عيال ,, والله احاتي ما اعرف اعتني بالأطفال ما مرة صار في بيتنا طفل
اخوي الصغير قريب عمره مني
والله ما ابالغ لو قلت لك ما اعرف اشيله شلون بحممه واعتني فيه

[عذبوك ياقلبي]

لا تحاتين مع الايام تتعودين انا مثلك مامره شلت اطفال واول طفل احممه بنتى وكان عمري 18 سنه وهذانا ربت منزل وعين الله على وشحلاتى .........اقول سكتى احسن هه

[اعشق همساته]

الله يخليكم لبعض
ما عندي صديقات كل وحده راحت في حالها وحياتها
ولا حتى احد يسأل او يتصل
حضرت زواجاتهم و ولاداتهم .. ولما صار زواجي محد جا
الله يسامحهم

[عذبوك ياقلبي]

اوووف كل هذا انشغل والله احلى صداقه صداقه المدرسه فيها ذكريات وناسه
مستحيل نبتعد كل فتره حنا نسوى جمععا في بيت وحده منا ونجلس ونستانس والله وناسه

[اعشق همساته]

انزين بالمختصر اذا عندك ورق عنب بجي
<< تتحلم بورق العنب طول الوقت

[اعشق همساته]

شكلهم ضيوفك وصلوا
عن اذنك بقوم اتعشى وبرجع

[عذبوك ياقلبي]

لا غناتى ما في ورق عنب ورق العنب يبيله رواق في الف مو انا معرف الف من وراء بناتى
سويت كيك مالح وسويت دونات والباقي حب ومكسرات وفاكهه وفشار ولفائف جوز الهند اممممممممممممم وشاى وقهوه
لايكون مشتهيه ورق عنب ترى اعرف اسويه مررره طيب من عندي بس زوجي مايحبه يقول انى اسويه حامض وهو حلاته حامض هو مايحبه حامض ....قلت قصه حياتى