تجمع حوامل المدينة المنورة

[ايس كريم]

السلام عليكم وصباحكم عسل
انا دوبي مسجلة بالمنتدى عشان بس تجمع حوامل المدينة
انا حامل لي شهر ونص بس ولا تسألوني عن الوحم اففففففففففففففففف مجنني
المهم حبيت اسألكم عن مستشفى النساء والولادة كيف ولادتهم وتغيروا بعد ماغيروا المبنى والا لسا زي ماهم ؟ لاني ولدت بالمستشفى القديم وبصراحة شفت البلاوي يكفي انهم خلوني لين ولدت على الكرسي تخيلوا ولما نزلت بنتي ضرب راسها بطرف الكرسي وصار براسها طعجة بس الحمد لله اختفت بعد شهرين الله لا يوفقهم على اهمالهم
وكمان هل التمريض هم هم ماتغيروا ؟ لان الممرضات اللي بالستشفى القديم ما يسوون لك خدمة الا ويطلبون البخشيش
اسفة طولت عليكم بس مرة شايلة الهم من جد

[بذخ~]

أهلينـــــ }

أم ماهر والله انا ما عندي خبرة بالأعشاب بس اسمع انو الحلبة كويسه اول 20 يوم والرشاد بعدها ..
وبالنسبه للمحلات انا حطيت في بالي كم محل ان شاء الله حرحلها
سنتربوينت - مذركير-مامازوباباز .. وفي محلات في طريق الامير محمد منها بيبي هوم ..
وكمان كم محل في قباء ..(:

هلا أم عبودي ..ايوة كثير يقولوا الشهر التاسع طويل وممل .. يلا ربي يهونها عليك ويقومك بالسلامة ..انا أول حمل لي وتوي بالخامس الله يعيييين لسا باقيلي مشوار.):

هـلا ايس كريم .. حياااكِ ياقلبي معانا والف مبروك الحمل وربي يتمم لك على خير
والوحم لااازم منه بس الين الثالث وبعدها حيخف ان شاء الله ..
والله مستشفى الولادة زي اي مسستشفى في ناس تمــدح فيه وناس لا ..بس انا أشوف انه افضل مستشفى في المدينة متخصص بالولادة سواء امكانات او دكاترة بس اللي تخافي منه المعامله ..
وربي يسهل ليكي ولكل الحوامل يارب ~

[منتهى أحلامي]

بذخ

هلا فيك حبيبتي بالنسبة لشارع الامير محمد اللي سألتيني عنه
هو الشارع اللي فيه مركز ساري للملابس لو تعرفيه
وهذا وصفة
طريق المطار بعد سوق البدر اول اشارة تأخذي يمين امتداد الشارع الى شارع الملك عبدالعزيز كلها محلات تجارية على الشارع من الجهتين

ام ماهر
بالنسبة للاعشاب
المستخدمه في النفاس كثيرة
شوفي عالم حواء قسم الحمل والامومة في عضوة اسمها ( قشر قهوة ) لها مواضيع كثيرة واشياء حلوة عشان تهتمي بنفسك وقت النفاس والدورة وفاهمة ماشاء الله عليها وكثير بنات جربوا وصفاتها ويمدحوها وهي تبيع كمان لو تبغي جاهز من عندها
انا عني راح اشوف الاعشاب اللازمة وانا اشتريها واجهزها بنفسي بإذن الله تعالى
نصيحة شوفي مواضيعها راح تستفيدي كثيييير وراح تطلعي من النفاس بإذن الله تمام التمام
وفيه كمان تاجرة اسمها (ام عبودي) كمان تلاقيها هناك وعندها برنامج متكامل ولها مندوبة في المدينة
كمان ماشاء الله سمعتها ممتازة

ولو حبيتي انزلك روابط مواضيع تستفيدي منها ماعندي مشكلة

ام عبودي
ياللا هانت ان شاء الله يطلع على خير وتجي تبشرينا وتدعي ربنا ييسر لنا
وانا مو ناوية اغيرها بس زي ما قلت لك ما ادري عن الظروف وكله بعلم الله
والله يتمم لنا على خيرويرزقنا الولادة السهلة الميسرة ويسخر لنا عباده

[دودي باشا]

هلا ام عبودي كيفك حبيبتي

[تقوي الله]

بنات في اي مكان يوجد عندة التصوير الرباعي ؟؟

ممكن تدلونني اناتعبت من كثر ماادور علية في المدينة

[دودي باشا]

انتي فين ناويه تولدي انا اراجع في المواساه وخايفه اخلص التاسع وما اولد وانتي كمان باقيلك كم يوم وحتخلصي اش حتسوي ادا ما ولدتي واش قالولك الدكاتره في اي مستشفى تراجعي وعند مين

[منتهى أحلامي]

تقوى الله
التصوير الرباعي موجود في عيادات العقالي سواء اللي بقربان او اللي في السبع مساجد
وموجود كمان في المطبقاني وصفا المدينة واعتقد كل المستشفيات الكبيرة الالماني او المواساة
ويتفاوت سعره من مكان للثاني اعتقد صفا المدينة ارخص من غيره حسب كلام البنات

[تقوي الله]

المشاركة الأصلية كتبت بواسطة منتهى أحلامي

التصوير الرباعي موجود في عيادات العقالي سواء اللي بقربان او اللي في السبع مساجد
وموجود كمان في المطبقاني وصفا المدينة واعتقد كل المستشفيات الكبيرة الالماني او المواساة
ويتفاوت سعره من مكان للثاني اعتقد صفا المدينة ارخص من غيره حسب كلام البنات

الله يعطيك مليوووووووووووون عااااااااااااااافيه

[ايس كريم]

بذخ مشكورة حبيبتي على الرد ربنا يسعدك

[لووووولي]

مرحبا كيفكم ,,,

حابه استفسرعن مستشفى المدينه الوطني كيف الولاده عندهم

لاني باراجع عند الدكتوره هاله وان شاء الله ناويه اولد عندهم

يريت الى عندها اي خلفيه تفيدني

واكون شاكره لكم ..............