مرحباااا..
قرريت نص الواااجب لان فاتني كثييير
مشكورين كل الي سألوعني وفقدوني ماتفقدون غالي يارب..
بقوووول لكم رواية ولادتي لأنها جد روااايه،،الحمدالله على كل حال
طبعاً كان عندي موعد تنويم يوم الثلاثا العصر ورحت وتنومت بقسم النساءوالولاده
وحطو علي جهاز التخطيط وجت الدكتوره فاليل وقاست الرحم وقالت فاتح 2سانتي
وفاتح2من السبت تخيلو مع التحريض مازاد حتى نص!!
وطول الليل يحطون التخطيط ويشيلونه واذا شالوه رحت امشيييي بالممر
ويوم جات 6الصباح نزلوني لغرفة الولاده وانا امشي كنت ابكي خايفه ماادري
ايش قدامي وكلمت زوجي واستعجلته..
دخلت غرفة الولاده غرفه خاصه هي غرف جمب بعض تسمعين اصوات الحريم،،
طبعاً غرفه بحمامها وسرير الام وسرير الطفل وطاوله فيها الاشيا الي بيستخدمونها
وجهاز تخطيط ،،دخلتني الممرضه الحمام وقالت البسي الروب قلت طيب ودخلت قفلت الباب الا تطققق بقوه تهاوش وافتح قلت ايش فيه !! قالت مافي سكر باب ممكت انتي دوخ ههههه .. شبكو جهاز التخطيط وجت الدكتوره وفحصت وقالت2سانتي
قلت يااارب ترحمني وخلوني الى10وعطوني طلق صناعي تحاميل وقالت هذي اول جرعه
وجلست بغرفة الولاده والتخطيط علي طلق مازال بارد يرررتفع مرتين ثلاث ويرجع ينزززل اغلب شي
وزوجي كان معاي وكنت اسولف عادي ابي انسي نفسي الخوف والتفكير وللحين ماجاني الم ،، بس
كنت انحشرررر بشكل فضيع واروح الحمام مافي الاشي بسييييط ورايحه جايه الحمام وفاكين الجهاز ومركبين الجهاز
وجهاز الضغط ماشالوه بيدي طووول الوقت لدرجة يدي تصلللببت تو امس خفت .. المهم استنى الالم استنى مافي فايده
واطلبهم يفكون الاجهزه شوي واطلع امششششي بالممر وارجع اركب الاجهزه وعلى هالحااال ليين الليل ومصوميني تخيلو بموووت يوم قاسو السكر
جابو لي عصير وبريده بسسسسس.. ولما جات الساعه 12الليل يوم الاربعا بديت احس بمغص ببطني خفييف وشددد على شوي شوي
وصرت ابكييي الساعه قدامي واحس مر وقت طويل وانا ماتغير شي عندي وربي مافيني طااااقه انهرت وامشي وادعي واجهزه وكشفيات ولافي امل
ولما جا الفجر حطو الاجهزه وعييو يفكونها ابددد ويجي المغص ببطني وربي اضغط ع الحديد حق جهاز الضغط جمبي واكتم صرختي واقول ابي الحمام
تقول لامافي يبغى حمام سوي سرير انا غير بعدين تخيلووو لوين وصلت!!!! ومن الفجر لين الصباح وانا علا هالحال وجت الدكتوره كشفت قالت لسى 2هنا انهرررت
كملت يوم دخلنا الخميس!!واخر شي جابت الممرضه قسطره طويله بلاستك للبول الله يعزكم وتحطها وانا بالسرير تعووور واقول خلاص خلاص تقول لازم عشان فضي مثانه وتسويها مرتين بس مو ورا بعض ..وشوي جات الدكتوره شافت الطلق في استجاابه بجزء وجزء لا ناااازل من 6صباح الاربعا الى6صباح الخميس
يوووم كامل مافي تطور غير الالم والتعب والارهاااق ..واسمع حريم يصرخووون وشوي الاصوت بيبياتهم ونقعد انا وزوجي ندعي لهم هههههه ولدت يمكن خمس وانا صامده هههههههه..المهم جات الساعه 10الصباح جات الدكتوره ومعاها مساعده وممرضات وشافت التخطيط ويسوون مؤتمر على راسي ويتكلمون انجليزي بسرعه بسرعه واحسهم انربشوو قالت خلاص لازم عمليه طبعاً بها الوقت انا صرت نص وعييي اسمع بس كني بحلم وكنت اسوف التخطيط الطلق شبه معدوووم ونبضات بنتي توصل صفرررر وترجع ترتفع فجأه .. الباقي برواية زوجي لاني صرت افقد واصحى كني بحلم يقول القسطره ركبوها بدون بنج يقول وانتي تتوجعين بدون صوت ونقلوني من سرير لسرير ماحسيت!!ودخلوني غرفة العمليات فقت شووي ويسألني الدكتور عن البنج نصفي ولاكامل قلت كامل مابغى احس فيكم مااتحمل قال لاالنصفي احسن ووو قلت ابي انام قال خلاص نصفي ونومك ونومني بالكمامه ودخلت العمليات اذان الظهر وجبت احلا بنووووته الي تعبتني وطلعت عيني فديتها
وللحين بالمستشفى الم العمليه ياااارب رحمتك القومه والجلسه والحركه مره متعبه ومغذيات كل شي جربته بس ان شاالله تكفير ذنووووب وان شاالله محد يشوف الي شفته يارب..
معليش طولت عليكم بس هذي روايتي هههه
دعواتكم لي وربي تعباااانه والنفسيه عدمممم ..
الحمدالله على كل حال..