دردشة بنات العراق, دردشة حوامل العراق , تجمع بنات العراق

[sarabaghdad]

الف الف مبرووووووووووووووك حياتي نورا
الله يخليه الج والحمد لله ع سلامتكم
ياربي يوم الاليه وكل البنات الحوامل ونخلص انشاء الله

[sarabaghdad]

بنات اريد اسال ليوم نزل عليه دم وعندي الم مثل الم الدوره ووجع بظهري
بس الدم مو مثل دم الدوره يعني مو هوايه شسوي خايفه حيل

[ام نورهانه]

هلو حبي سارة وج هذا الدم علامة الولادة
انتي سويتي وكاحة انتي وزوجج لان هاي البكرية على غفله تصير عدها ولادة بس لان بكرية يمكن اطولين يعني اني ذبيت العلامة وره 8 ايام ياله جبت

[sarabaghdad]

هلاو حياتي لا والله اصلا زوجي مو يمي اني بيت اهلي
بس شنو ليوم رحت للدكتوره وردت اعرف عمليه لو طبيعي اني
فحصتني داخلي كالت هياته طفل نازل بالحوض وتوسع اصبع وانشاء الله باجر لو عكبه تجيبين وكالت اشربي هيل وامشي ليوم مشيت شارع البداله كله بحيث من رجعت شفت الدم بس شنو الدم لونه احمر على جوزي
وكالت من ليوم رح تصير عندج اوجاع ودم طلع ويه الافرازات ؟؟

[ام نورهانه]

اها اي ولج عادي هذا مال فحص وان شاء الله منا اليومين انتي والدة بالسلامة ويارب يسهلج اكلج انتي يم منو تراجعين

[sarabaghdad]

والله ماعرف الله يسهلي ادعولي
اراجع جنت يم دكتوره جميله الساعدي
وليوم رحت يم وحده بالطوبجي اسمها سلامه هم خوش دكتوره

[موني حبي]

مرحبا بنات اني جديده هنا وحبيت اتعرف عليكم اني حامل بنص السادس وهذا اول طفل الي .. الله يتمم عالجميع بالخير يا رب..

[فوفو العراقية]

مساء الخير
شلونكم بنات
اشتاقيت الكم هوااااااااااااااااااااي هواي
عسى الكل بخير
اني اشكر كل وحده دعتلي بالصحة وسألت عني وردت على اسألتي بفترة دخولي
الحمد لله البارحة الضهر طلعت من المستشفى وحالي تقريبا مستقر
وان شاء الله اكمل بس هالشهر على خير...

ماقريت كل الصفحات بس سمعت ان نورا ولدة بالسلامة
حبي نورا الف مبروووك والف الحمد لله على السلامة
ويتربى بعزكم البيبي يارب...

باقي البنات شلونكم وشخباركم؟
طمنوني عنكم...؟

ترى تعذروني لقلة دخولي لان كلش احس بالتعب والضعف الجسدي
يارب يهوون علينة جميعا يارب.

[فطومة دوت كوم]

سلااام عليكم بنات اني جديدة بالمنتدى وحبيت اليوم ادخل واستشيركم الدورة متاخرة اسبوعين وسويت تحليل منزلي وطلع سالب
اكو وحدة مرت بحالتي وطلعت موحامل خصوصا انه الدورة عمرها ماتاخرت الا اذا كنت حامل وبحملي الاول والثاني راسا يبين بالمنزلي للمعلومة اني مسوية مانع خارجي وصار غلط مرة وحدة

[**نورا**]

الله يبارك بيكم حبيباتي ويوم الالكم تكومون بالسلامه انتو والنونوات