.·¤ تجمع الحوامل اللي ولادتهم في محرم¤·.

[Noga88]

برررب صبايا ارجع لكم بعد ساعه تقريبا

[انا المستحيل]

سلام بنات اخباركم
على طاري الوحام انا كل وحامي حوامض وللحين الجوع ذابحني

[Marawy]

نوقا ،، اي فديتج انا خايفه اسوي هالحركه ،، اخاف البيبي يتخرع من الغازات فديته ههههههه ما يستوعب وش اللي جاله ،، خصوصا انني من عرفت اني حامل ممنوعه من هالشغلات ،،
بجرب الشوكليت وانا في المستشفى باكل حبة شوكليت ،،

البقدونس كثير وصفوه لي والدكتورة عطتني هالطريقه ،، وطعمه يطلع حلو مثل السلاش وتحسينه منعش هههههه دعاية !!
لا تكثرين من الكبدة يقولون كثرتها مش كويسه ،، والله اعلم ،، بس هذا الكلام بأول الشهور بس ،،
الدكتورة قالت لي اكلي خضروات كثير ،، كثري من سلطة الجرجير و التبوله وغيره ،، ؤاضبي على حبوب الحديد والفوليك اسيدحتى بعد الولاده ،،

بالنسبه لهالدكتور الفلته ،، صج يقهر ،، لو انا منج اقول له تعال هو البيبي لي والا لك !! انتي لازم تشوفينه ،، انا دكتورتي القبليه مصريه كانت تسوي لي نفس الشي وكانت لما تشوفني اضحك وانا اشوف البيبي تفر عني الشاشه !! لين زفيتها !! والحين تركتها لانها ماديه ،، تخيلي اتصلت عليها يوم الجمعه اقول لها ينزل علي ماي ،، تقول لي انا ما بايي ولو باجيج بيكون المبلغ مضاعف !! تبي تاخذ علي عشان السونار بس 100 دينار يعني 1000 ريال سعودي ،!!

الحين غيرتها ورحت لدكتورة عراقيه مسيحيه لكن من جد روعه وحبوبه ،، وهي بالحكومي يعني لا فلوس ولا هم يحزنون ،، وما تتطمن الا لما تخليني اسمع دقات قلب البيبي ،،

[انا المستحيل]

تخيلوا يابنات زوجي ضربني الليله وانا الحين عند اهلي

[Marawy]

اعز الناس ،، اي والله هذا كلام زوجة اخوي ،، وهي كان ولدها البكر ما يتحرك الا نادر ،، فالدكتورة قالت لها اشربي شويه بس وتعالي لي وبتشوفينه يتحرك ،،

بس اخاف اجازف ،، هالبيبي نطرته 6 سنين هههههه ما اقدر اسوي شي اندم عليه بعدين ،،
تراه هو ما يضر كثير ،! زوجة اخوي الثانيه مدمنة على البيبسي ! لدرجة ان كل وجبه لازم تخلص علبه كامله !!! وحتى وهي حامل ! والحمدلله اولادها مثل الفل ،،

ربي يتمم علينا يارب ،،

[اعز الناس عافوني]

وعليكم السلام
المستحيل مثلي وحآمي حوامض بس يقولون الحوامض ولد وانتي شكل معك بنت
بس خييييير يضربك زوجك وانتي حآآمل @@
لاتتضايقين وخليك رايقه لاتضايقين البيبي معك حرآم ماله ذنب
والله يهدي زوجك

[Marawy]

انا وحامي كله في الحوامض والموالح ،، وما احب الحلويات كلش ،،

قبل لا اكتشف اني حامل ،، كان يصير بخاطري بمحاشي كل الانواع ،، والكوشري ،، >>> ابني شكله مصري !
لكن ما كنت اشتهي اكل ،، بس اخليه على السرير وانام جنبه ،، ههههههههه حتى زوجي كان يضحك علي وبنفس الوقت يعصب ،، يقول اشتري لج وبالاخير ما تاكلينه !! وفعلا كنت بس ابي اشمه واشوفه قدامي ،،

[اعز الناس عافوني]

مروي اشربي شويه سفن ماتضر واخف من البيبسي وكلي حبه شوكولآ هههه عشان يتحرك مضبوط
اخر مره يوم اشوفه كان يناقز هههه فديته


يلا عن اذنكم بخليكم اشوفكم على خير
وربي يتمم لنآعلى خير

[Marawy]

لا حول ولا قوة الا بالله !! ليش يا المستحيل ؟؟
عسى ما شر عسى خير يارب !!
ربي يهديه ويسخره لج يارب ،،

اهم شي لا تضايقين نفسج ،، وديري بالج تكتمين شي بقلبج مو زين للبيبي ولا لج ،، خلج قويه ،، واستحملي عشان البيبي ،، وادعي ربج ان الله يهديه يارب ،،

ان شاء الله راح يحس بغلطه لو هو غلطان ويرجع يراضيج يارب ،،

فديتج ياقلبي قطعتي قلبي والله :(

[اعز الناس عافوني]

قبل لآااروح وحآآمي كنت معيده بالبطيخ بكل انوااااعه والمشمش وحوآآمض ^^

يلآ مع السلآمه كروشآآت