دردشة بنات ليبيا , دردشة حوامل ليبيا , تجمع بنات ليبيا

[ام معاد]

راجلي مهناش مش مدايرة

[ام معاد]

وانت شن عشاك

[أم ورد]

الضي هرب توى كيف جي بندير بيرغر إن شاء الله

[ام روفيدة]

السلام عليكم ورحمة الله وبركاته
كيف حالكم اليوم كلكم؟

[ام معاد]

رغودة كيف حالك

[زهرة2000]

السلام عليكم
ليبيا لاباس عليك شكله عندك التهابات لان هدى اعراض التهابات وجع الظهر وحكه
ميمو هدى شكلها حلمتى هههههههههههههه ربي يسهل عليك انت توكلى ع الله واستخيري وربي يسهل والدنيا فيها الزين و الشين بس انت اسالو عليه كويس
ام اجنادين شوفى القطعه هدى مش لازم تكون اجهاض ممكن تكون بطانه الرحم لان تزيد سمكتها لما يقرب موعد الدوره استعداد للحمل هدى معلومه من دكتوره

[زهرة2000]

خيرات رعوده وام الورد ام معاد وام رفيده كيف حالكم

[ام معاد]

اهلا زهورة كيف حالك وحال الحمل

[ام روفيدة]

أختي ميمونة الله عز وجل يقول (( وما ينطق عن الهوى إن هو إلا وحي يوحى )) أي أن الرسول عليه الصلاة والسلام ما يقولش شيء من عنده سواء من القران او من الاحاديث كلاهما وحي من عند الله عز وجل والنبي عليه الصلاة والسلام يقول : (( من ترك شيئا لله عوضه الله بخير منه )) وإنتي تركتي زوجك الاول لأن ماله يخالطه الحرام و غيره من الامور المحرمة وفعلك هدا يدل على إنك تركتيه لله وما رضيتيش بالحرام فلهدا إمضي على بركة الله في موضوع الخطبة لأنه بإدن الله رح ايكون أحسن من زوجك الاول وتوكلي على ربي قال تعالى (( ومن يتوكل على الله فهو حسبه )) وما اتخافيش من شيء وحاولي تنسي الماضي وابدئي حياة جديدة واللي فات فات احني ولاد اليوم كيف ما ايقولوا .
ثانيا ضروري تسألوا عليه كويس كويس
ثالثا مسئلة إنه جبالي العرق أو الاصل مش مقياس للرجل أو للإنسان إنما المقياس بالدين والخلق قال عليه الصلاة والسلام : (( إدا أتاكم من ترضون دينه وخلقه فأنكحوه ألا تفعلوا تكن فتنة في الارض وفساد كبير )).
وأني زنتانية ومتزوجة أمازيغي من تاغمة وعايشة حياة سعيدة ماشاء الله تبارك الله ولله الحمد والمنة والعيلة حتى هما كويسين اتصير منهم لقطات لما نتكالموا في التليفون مرات لكن اللقطات هدي ايديروهالك مرات أهل الزوج حتى لو كانوا مش جبالية يعني شيء طبيعي, وبدات الجبالية يلي عايشين في طرابلس ما يعتبروش جبالية راهم والباهي والعافن والواعر والساهل في كل مكان جبالية صيعان عجيلات زنتان وغيرهم تلقي فيهم الباهي والعافن فهمتي يعني مسألة إنه جبالي هدي أنسيها وما عاش اتفكري فيها بكل بكل .

وحاجة أخيرة انحب انقولهالك يلي زيك إنتي تفتخر بنفسها وترفع راسها فووووووووووق لأنك مارضيتيش براجل ما يخافش ربي يعني ما رضيتيش بما يغضب الله عز وجل .
وأسأل الله العظيم رب العرش الكريم أن يسر أمورك ويرزقك باللي يخاف الله عز وجل فيك ويسعدك ويهنيك واديري معاه صغار يملئوا عليك حياتك اللهم اااااااااااااامين

[ام معاد]

توينكم خيركم امكسدين اني بروووووووحي