ديوانية البحرين - دردشة حوامل البحرين - البحرينيات

[حروف عاشقة]

هلا شمووس

عجل متعلقه فوق ها هههههههه .. المهم ادا تبين تروح الريحة سوي شبة تخفف من الريحة وادا ما تقدرين عليها تخلين فحمة بروحها في المبخر وهي تمتص الريحة هذا إلي اعرفة .. وعلى طول خلي درايش الغرفه مفتوحة عشان تتهوى ..

[نورالدنيا]

المشاركة الأصلية كتبت بواسطة طفلي حياتي

خيو نور الدنيا اطلبي من ادارة المنتدى يعدلون اسمش روحي قسم الشكاوي والاقتراحات واطلبي تعديل الاسم

مشكورة أختي

[om khalil]

سلام خواتي شخباركم جميع
مادخلت ماليي خلق مشاكل الدنيا ملوعه جبدي

أحلام أم
الله يعينش على اليهال بروحش ويرده لش بالسلامه ان شاءالله صبري روحش والله يعينش

حنين الماضي
الحمدلله بخير دامش بخير ان شاءالله

حروف عاشقة
ماباقي شي الله يسهل عليش ان شاءالله

أم كرار
ماعندي فكرة اختي وسلامتش الف سلامه ان شاءالله

أم عايشة
الله ياجرش اختي ويصبرش ان شاءالله وعسى ان تكرهوا شيئا وهو خير لكم
جربت احساسش هذا باثنين قبل، الله يعوضني عنهم ان شاءالله
ويارب يارب يارب يمدش بالصحه والسلامه وتيين عقب كم شهر تنضمين لنا
بحمل طبيعي من الله ان شااءلله... قلوبنا وياش.

شمس الصباح
مااشاءالله كل عام وانتي بخير والله لايغير عليكم ان شاءالله

فجوره
اذا ياش الطلق يسوون الفحص، عادي لا تشدين روحش واخذي نفس عميق متواصل

طفلي حياتي
الله يعينش ان شاءالله اني بعد للحين مارحت لنتيجتي موعدي خلف يومين
خففي اكل العيش، المعكرونات، الاكلات بشكل عام وبسش حلويات
اكلي جبن قليل الدسم، حليب قليل الدسم، سكر قليل، ابعدي عن الدهون
اكلي فواكه بس لاتاكلين اللي فيها سكريات مثل الموز والهمبا
وصدقيني بسرعه بينزل اهم شي تواصلين لا تحبطين روحش مع كل اكله تاكلينها ماتشتهينها قولي الحمدلله، صدقيني بتهون عليش لاني مريت بالسكر بولدي يارب مافيني هالمره يارب. ماقلتين جم كانت نسبة ارتفاعه؟
قعدي شوي في السياره عقب سحب الدم لا تسوقين مباشرة خليش مريحه شوي وبعدها توكلي على الله.

[بنت الأياويد]

السلام عليكم خذلي نص ساعة بس اقرى السوالف الي طافتني ماشاء الله عليكم ياما تدشون ياتدشون مرة وحده هههه الله يزيدكم ، ابشركم راس الياهل صار تحت بفضل الله ودعواتكم والله يثبتها ان شاء الله يارب لي التاسع ومشكورين على دعواتكم

[طفلي حياتي]

سلالام
مشكوره ام خليل طمنتيني لاني ما اكلت شي من رجعت غير توست وجبن وبس والحين ارتجف من اليووع قمت قليت نجت وشربت حليب قليل الدسم ماقدر مت مت وضايق خلقي خاطري في حلوى وامس موزعين بيت خالتي وعاطيني قطعه ويش حلاوتها وعن ببدأ فيها اليوم ومالمستها
بس باكل شوي منها عن خاطري
وباشوف لي صرفه ويى طريقة اكلي من الحين لاعاده التحليل وربي يسهل امري وامركم ولا يطلع فيش ان شاء الله

[طفلي حياتي]

بنت الاياويد الحمدلله رب العالمين الله يطمن الجميع ان شاءالله ويعوض ام عايشه بحمل سليم ثابت ويرزق كل محرومه

[طفلي حياتي]

ام خليل مادري جم نسبة ارتفاعه سألتها وايد مرتفع لوشوي؟؟ الا تقول فيه ارتفاع شوي بس لازم نتأكد من خلال اعادة التحليل والله كريم

[فلونة]

سلام

داشة على السريع ،، حبيت اسلم عليكم

وانا اليوم رحت حق التراسوند وهذي المرة الثانية الي اسوي فيهاا

كنت احاتي من البارحة ومارقدت عدل،، سبحان الله مادري ليش

موعدي الساعة 10 وانا من ثمان ونص قمت من النوم

دشيت على الدكتورة وكان ما لها خلق كللش وبسرعة بسرعة تبي تخلص

كانت تجوف البيبي واهي ساكتة انا استغرربت ،، شوية وراحت يابت معاها

دكتورة ثانية ويتحجون انجلينزي عبالهم مافهم لهم ،، سألتهم شصاير ؟؟؟

الا تقول لا مافي شي ،، سألتني عندج آلام قلت لها لا ,, ينزل عليج ماي او دم؟؟

قلت لها لاا ،، اسألها شفيه البيبي الا تقول توج داشة السادس والبيبي وايد

نازل تحت ،، اقولها يمكن لاني ضعيفة وطويلة الا تقول لي مادرري

وبس قمت وانا حدي متوترة وماعرف شسالفة وما عرفت شنو اسألها كللش

طلعت ويا زوجي حدي خايفة يعني شنو البيبي وايد نازل ،، يمكن من الم المثانة اللي

كان يصيدني وكنت احس بضغط تحت والله ألف فكرة وفكرة ترووح ولا ادري

شااسوي ؟؟؟

بنات ادعووا لي ان البيبي يرجع وضعه الطبيعي واذا احد عنده اي فكرة او سمع من

قبل عن شي اقدر اسويه علشان يرتفع البيبي شوي لا يبخل علي

لانه هذا اول بيبي لي وماعندي خبرة في هل سوالف ؟

امي تقولي ارتاحي و خالتي تقولي ماعليج من كلامها وزوجي وداني مستشفى ثاني

وحزة الي رحنا علشان نعيد الالتراسوند كان الي يغطي قسم النساء دكتور

وطبعن ما خلاه يسوي لي ،، وبس هذاني على حالتي ماعرف وين اروح ولا

شاسوي ؟؟

والله البارحة كنت مستانسة اقول في خاطري اعرف شنو نوع البيبي؟ واليووم

ولا على بالي اهم شي الله يثبت حملي ويكون كل شي طبيعي وو يعديها على خيرر

سووري جني وايد طولت السالفة بس احس روحي بانفجر من التفكير

ادعووا لي بناااات

[طفلي حياتي]

ماتشوفين شر فلونه وان شاء الله يارب يثبت لي ولش وماعليش الا العافيه ان شاء الله يرجع لوضعه الطبيعي
ليش مارحتي لفهيمه المطوع فنانة التراساوند حدها عشان تطمنين
ماعليش شر

[بنوتة حلوة]

مرحبااااا حوامل شخباركم شمسوييين ؟؟ من زمااااان ما دشيت لأن صادتني ظروووف .. رقدوني في التخصصي لأني فجأة جاني مغص كلش قوي وبعدين نزل الألم عند الخاصرة اليمين ودشيت على دكاترة ومحد استوعب شنو المشكلة ..

المهم قالوا ليي لازم منظار ومانقدر نسويه أحين مافي إلا عقب الولادة .. وعايشة على مسكنات الألم :(

شخباركم وشمسويين ؟! وحشتني سوالفكم ومافيني شدة أقرأ مادري جم صفحة واجد فاتوني .. :(