.·¤ تجمع الحوامل اللي ولادتهم في محرم¤·.

[Marawy]

مامة اولادي ،، الحمدلله بخير وسلامه ،، ربي يتمم علينا ويقر عيننا بهم يارب ،، مافيني صبر اشوفه او اشوفها هالنتفه ،،

انا بعد خاطري اعرف جنس البيبي ،، بس اخر مره كان نايم فديت قلبه وما يتحرك كثير بنومته ،، بنات زوجة اخوي تقول لي لما بتروحين تكشفين سونار اشربي شوية بيبسي او سفن اب ،، عشان يتحرك البيبي وتقدر الدكتوره تشوف جنسه ،، اخاف اسويها ،، خصوصا اني مانعه نفسي من المشروبات هذي ومن القهوه والشاي ،،

وش رايكم ؟

[Marawy]

روح الورد حياتي انتي ،، غيري جو شوي اطلعي ،، حتى لو تتمشي يوميا نص ساعه بره البيت ،، هو الجو ما يساعد ادري بس اهون من قعدة البيت ،،

انا اليوم رحت شوي زرت اهلي وخواتي ،، وغيرت جو معاهم وقعدنا نلعب شوي العاب ذكاء ،، بس احس نفسي صرت غبيه مع الحمل :( مادري ليش ،، ههههه




عيش الحياة ،، حبيبتي ديري بالك من نفسك وما عليج شر ان شاء الله ،، وهذا عادة يصير للاطفال اول ما ينولدوا اللي هو يبان باللي نسميه ( بو صفار ) اشربي ماء الينسون والزموته يقولون زين لنقص هالفيتامين ،، ربي يطمن قلبج يارب ويقومج سالمه انتي والبيبي ،،

[Noga88]

انا اذا جتني بنوته بسميها سارة واذا ولد يبي يسميه على ابوه سعد
مو حابه الاسم بس ابوه يستاهل والله
وش رايكم؟؟!!

[Marawy]

دلع الاحساء ،، لا تخافين فديتج ان شاء الله ربي يتمم لج على خير ويقر عينج بضناج بين احضانج وتسمعين صياحه من اول ما يطلع من بطنج ،، يارب ،،
اطلعي شوي بس حاولي تقعدين كل شوي ،، الحين كل المجمعات ما تخلى من الكراسي ،، كل شوي ارتاحي حتى لو ما تعبتي ،،
وفعلا هذا هو اللي احسه به ،، لما احط ايدي ما احس شي يتحرك تحتها ،، بس زوجي يقول انته يحس بطقطقه خفيفه ،، انا انا احسها داخلي ،، مب خارجي ،، ههههه >> متعوب عليها

وعلى طاري الرمان ،، وش هالطربه ،، !! ههههه رمان وليمون ،، بس شكله بيطلع حلو ،، جربي وخبرينا ،،

يارب يكون جنينك بخير وصحه وسلامه ،، طمنينا عنج وعن البيبي ،، ربي يطمن قلبج ،،

[Marawy]

ام ريم ،، خواتي الله يحفظهم يقولون لي ان الحامل تصير مثل الطفل سبحان الله ،، دوم تبي الناس حواليها وتبي حنان كثير ،، وتحسين انك محتاجه شي ماتدرين وش هو ،،

ام اسكندر ،، فديته ماعليه شر ان شاء الله ،، ربي يحفظه لج ،، ويعينج على تربيتهم يارب ،،

[Marawy]

اعز الناس عافوني ،، بسم الله عليج غناتي ،، حطي لك مسحة فكس شوي على جبينك ،، وحاولي تغمضي عيونج ،، وان شاء الله راح يطيب ،، ماعليج شر

العمر كله فديتج ،، عقبال المليوون يارب ،،



نوقا ،، ماعليج شر يالغاليه ،، اجر وعافيه ان شاء الله ،، بالنسبه لدمج لازم تخلين بالج عليه ،، عشان ياخذ البيبي كفايته ،، والا كذا بتتعبين وايد ،، انصحج بعصير البقدونس مع ليمون ،، بعد ما تنظفين البقدونس خليه بالخلاط وحطي علي ليمونه او ليمونتين ،، وبعدها صبيه في كاسات وخليهم بالفريزر او بالثلاجه واشربي كل يوم كاسه ،، طعمه حلو مثل عصير الليمون بالنعناع ،، هذا يوصل دمج 13 ان شاء الله ،،

[Noga88]

مراوي...اول مره اعرف عن البيبسي والسفن اب دايم يقولوا شربي ماء كثيييير..لاتشربي سفن كولي شوكلت احسن
والشر مايجيك بس اول مره اسمع عن البقدونس انا اعرف انه للمسالك مره طعمه مو حلو ..
الحين اكل فواكه واشرب عصير رمااان..وزوجي غصب اكل لحم مع اني مو حابته بس غصب عني طبعا مع كبدة

[Noga88]

المشاركة الأصلية كتبت بواسطة اعز الناس عافوني

يقهرووون الدكاتره اللي كذاا كنك جايه تشحذي منهم استغفر الله
هههه كآآن قلتي له ابي اشووف انااذا ماخلوني اشوف ارفع راسي عشان اشوف
وتضططر هي تفر الشاشه لي ^^

هههههههههههههههه
راحت عني يعنني مستحيه بس المره الجايه بجننهم بروح نهاية الاسبوع ناويه عليهم

[اعز الناس عافوني]

الشر مآيجيكـ مروي^^

Noga88 حلو اسم سعد ولآسميتيه بتتعودين عليه
اناحاطه ببالي ان الشخص هو اللي يحلي اسمه

انامثلك مابي اسمي سعود على اسم ابوه خخ بس حكم القوي خخ
اذا بنت نفسي بأسم منار بس زوجي ماعجبه :/ مدري ليش

الا على ططاري الرمان صار نفسي فيه بس ماعندي

بنآت وش توحمتو عليه هع -)سؤال شاطح

[اعز الناس عافوني]

المشاركة الأصلية كتبت بواسطة Marawy

مامة اولادي ،، الحمدلله بخير وسلامه ،، ربي يتمم علينا ويقر عيننا بهم يارب ،، مافيني صبر اشوفه او اشوفها هالنتفه ،،

انا بعد خاطري اعرف جنس البيبي ،، بس اخر مره كان نايم فديت قلبه وما يتحرك كثير بنومته ،، بنات زوجة اخوي تقول لي لما بتروحين تكشفين سونار اشربي شوية بيبسي او سفن اب ،، عشان يتحرك البيبي وتقدر الدكتوره تشوف جنسه ،، اخاف اسويها ،، خصوصا اني مانعه نفسي من المشروبات هذي ومن القهوه والشاي ،،

وش رايكم ؟

اول مره اسمع بسالفه البيبسي ولاالسفن اب يخلي البيبي يتحرك اناببدآيه حملي صرت مااشربها بس الحين من اتغدآ على ططول بيبسي ولاسفن اب صايره مهمله هالشهر