دردشة بنات فلسطين, دردشة حوامل فلسطين, تجمع بنات فلسطين

[حيفا]

مسا الخير حبيباتي
کل عام وانتن بخير يا امهات وينعاد عليکم بکل صحه وسعاده يارب
وکل عام وامياتکم بخير يارب ويبارک باعمارهم يارب

[جارة القمر]

مساء الخيرررر
كل سنه واتتو سالمين
بنااااات من فضل الله اليوم اخذت التثبيت بشغلي بهالنظام الصعب اللي بعيشوووو الموظف فيه ربي لك الحمد كما ينبغي لجلال وجهك وعظيم سلطانك

فعمت حلوياااات وعزمت عندي اهل العمار ة لانه كلناعيله وكمان عشان يوووم الام شاركت سلفتي كمان بنوعين حلو ووو لانها ما شالله تحجبت فكانت جمعه
رووعه انبسطنااا مع بعض



ام عبدلله

الله لا يحرمك من عزيز ولااا غالي ويحفضلك زوجك وجنينك

[فوفو89]

مسا الخير

كيفكم صبايا

قال شو سلفتي بدها تحتفل بعيد زواجها السادس اليوم .. انا بعيد الام ما احتفلت تا احتفل بعيدها .. ولذلك هربت وما شاركت بالحفلة

شو رايكم ؟ علي حق ولا لا ؟

[جارة القمر]

فوفو
هههههههه تحتفل هي وزوجهاااا ضروري مع الكل هههههههههه بس ازا الكل معزوووم وانتي ما رحتي ممكن تفسرهااااا بشي تاني


بنااااات
ا
والله ما بكزب في الدكتور محمد نووووح اشهر من ناااار على علم بجيب برامج بالراديووووو وقناة اقرأ وهو من الاردن
قال يا جماعة بما انكم بتهتمو بأمياتكم طول السنه وهااااد يوم من السنه وما فيها شي لو كرمت امك فيه وجبتلهاااا هديه ما فيهاااا حرج
واناااا احترمت رأيووووو وانااااا من النوع اللي بحب اهدي امي ورح. اهديهااااا بيوم الام لانه مو الاميات اللي اولادهم بيهدوهم بهاد اليوم امياتهم احسن من امي
فاااااناااا بهتم فيهااااا كل يوم وهاد اليوم كماااان.

[حواء مثالية]

وانتو بخير جارة وحيفاااا

انا كمان شريت هدية لحماتي ولامي


جارة الف مبروووك التثبيت منها لاعلى يا رب

[فوفو89]

جارة

هي حكت قبل بيومين انو انا وسلفاتي الاربعه نعمل كل وحدة نوع حلو عشان عيد زواجهم
وهي اجت من اسبوع من اميركا وقاعدة عند دار حماي .. وجاية تتفلسف علينا وتعمل حفلة ع حسابنا

واليوم ما فضيت لا انا ولا سلفاتي نعمل حلو .. لانه اجو اهلها يسلموو عليها وانشغلنا فيهم ضيافة وغدا وهم

بس في وحدة من سلفاتي عملت كيك ومبروشة .. وصارت ترمي حكي وتكايد

عشان هيك انا اختصرت وروحت ع بيتي قبل الحفلة

فهمتي شو القصة ؟

[لولو الفلسطينية]

صباااااح الخير
جمعة مباركة و كل عام و انتو بألف خير
شكرا الكم يا بنات الله ما يحرمني منكم
جارة مبروك التثبيت و ان شاء الله منها للاعلى منها يا رب \
فوفو ههههه جد ضحكتيني و الله صحيح انا رأيي هاي المناسبات خاصة الها و لزوجها انتي شو دخلك بس اذا عزمتك الافضل تروحي و لو بي اثبات وجود هههه
كلكم ربنا يسعدكم و يحقق امانيكم يااااااا رب

[حيفا]

صباح الخير وجمعتكم بركة ونور على نور

جارة الف مباااارك حبيبتي والله عاللي بسمعه انه انجاز ماشاء الله تتثبتي ههههههه
اخوي ضل يمكن خمس سنين لفكرو يبعتولوه التثبيت ، لانه ن جامعه عربية ، كان لازم يعمل سنتين بكلية مشان يقبلو يثبتوه هههههه يخرب بيتهم
كان كل سنة بشهر 9 يعمل عقد جديد
وبالنسبة ليوم الام انا بحبه وبحسه مناسبة حلوة للمه والسهرة الحلوة بغض النظر عن اهتمامي بامي خلال السنة ، وفي ناس فعلا ما بتذكرو امياتهم الا في هاليوم فيخلف عليه بجد ههههههههه

فوفو يا حلوة ولا يهمك هم هيك بامريكا بشوف بالافلام عيد الزواج بيعملوه حفلة واعاده عهود وما بعرف شو هههه
ودام عزمتك بتروحي عادي ربع ولا نص ساعه وبتروحي عادي بلاش يقولي عليكي شي

حواء يا عمري كل سنة وانتي احلى ام ، وعقبال ما بعيد الام الجاي يكون عزو يناديكي يا ماما :)

لولو صباح الورد ومبارك عليكي تمام الصحة والعافية يا حلوة :)

ما قرأت الصفحات اللي قبل مع المرض بكسل هههههه
بس انا اشتقت لغموض ودودو وعسولة وبينك ، و ام عبد الله ، ام محمد ، وانبثاقه ، وام جودي ، وام عمر وام عمر وحلا وعيون ومسك وهبوشة ، وللجميع الجميع والله حاضرين ولا غايبين ، تعو طمنونا عنكم
اسفه لو نسيت حداااا

نهاركم سعاده وراحه بااال :)

[~{{ DoDo }}~]

صباح الخييييير

جمعتكم مباركة احلى صبايا
وان شاء الله ايامكم كلها خير ومحبة

جارة
مبروووك التثبيت ومنها لاعلى ياااارب
ومتل ما قلتي عن عيد الام مزبوط
حلو الواحد كل يوم وبهاليوم يهتم بامه
وطالما مش مقصرين باقي السنة يبقى لا حرج

حواء
يسعد صباااحك ومساااكي يارب

فوفو
امممم انا من راي البنات لو رحتي ربع ساعة بدون ما تعملي
لا حلو ولا شي ، قضاءواجب احسن عشان العتب
ويسعد صباحك

لولو
يسعد صباحك يا قمر
الحمدلله انك بخير انشالله دايما

حيفا
وانا اشتقتلك اكتر يا قمر
طمنينا عنك انشالله كله تمام وما في اوجاع
جمعتك مبارك وكل عام ومامتك واللي بتحبيهم بالف خير ؛)

[حيفا]

اهلا دودو النشيطه صباح الورد
مافي اوجاع كبيرة يعني وجع بالحق مع كحه بس ههههه الحمد لله

بتصير عندي اوجاع متل الدورة وبتروح وما نزل منى الا افرازات بنية خفيفة وما نزل دم ، ما بعرف هاد شي طبيعي ولا الدنيا خربانه جواي هههه ، كان موعدي يوم الاربعاء عند الدكتورة بس كانت ذروة المرض والتعب وكمان كان في تسكير في طرق مشان زيارة اوباما ، لهيك اجلت موعدي للسبت وان شاء الله خير


كيفك انتي وكيف عمووووورة :)