دردشة حوامل مصر - دردشة بنات مصر - تجمع حوامل مصر

somia · 02-17-2011, 10:29 PM

عادي يا لولو والله ..
أنا حماتي زوجي كان اداني فلوس قبل ما يروح الشغل انزلهالهم عشان حلاوة المولد فأمه بتدعيله مع العلم ان الكل عارف اني هموت على بنت بتدعي ان اللي في بطني يبقى ولد وكذا مرة تعملها وده من قبل الحمل فخدتها بهزار فبقولها يا ماما الله يخليكي ادعيلي ببنت انا هموت على البنت فقالتلي في ما معنى كلامها وهيه بتبصلي كده زي ما اكون مجنونة انا مبدعيش الا بالولد ودعت تاني طبعا انا دمي اتحرق فزوجي بيكلمني فلقاني دمي محروق فحكيتله الباشا حسسني انه هوه كمان نفسه في ولد وايه يعني ومش ايه يعني مع انه علطول بيقولي ان نفسه في بنت زيي..
ده احدث حوار مع مامته مع ان المشاكل سلسلة لا تنتهي ..ههههههههههههه
بس عارفة الواحد بقى بيكبر وبيحاول ينسى عشان اللي في بطنه ميتعبش

dr.princess · 02-17-2011, 10:30 PM

ازيك يا نوراااااا

somia · 02-17-2011, 10:31 PM

نورا ازيك عاملة ايييييييييييييه والاستاذ أحمد عامل ايه؟؟

dr.princess · 02-17-2011, 10:34 PM

بصى ياسمية غالبا كل الرجالة بيبقوا عايزين الاول يبقى ولد انا شفت كده فى جوزى واجواز اصحابى حتى توتة قالتلى نفس الكلام

اقولك انا على حاجة حماتى فضلت 5 شهور تدعى انى اجيب حد زى بنت بنتها تطلع عينى وتعمل وتسوى فيا كده فى وشى قال ايه بتهزر وانا ببقى هموت كل مرة لغاية مامرة قلتلها انتوا اللى بتقعدوا بالبنت وشايلنها هى وامها انا اجيب مين هنا يقعدلى بيها من يومها اتظبت ومعدتش كررتها

dr.princess · 02-17-2011, 10:36 PM

وبعدين انا ماشفتش اى حد بيتمنى بنت غير ماما بس فمتستنيش من حماتك انها تدعيلك بالبنت هى دماغهم كده حسسونا اننا جربة الله يسامحهم

نولارا · 02-17-2011, 10:38 PM

احمد مجننى حد عاوزهيلعب بيه شويه

somia · 02-17-2011, 10:39 PM

فاهماكي والله يا لولو بس انا كنت فاكراه نفسي في بنوتة زي ما انا نفسي ..
عارفة انا شايلة هم الولادة ومشاكلها ده من دلوقتي .. خايفة يحصل زي أول أربع شهور في الحمل وزي الحمل اللي فات وزي العملية وانا اللي أشيل نفسي وبالتالي أشيل منهم تاني بس بجد ممكن ساعتها معرفش أسامحهم او حتى أكلمهم تاني وتحصل مشاكل بين أهلي وبينهم والدنيا تتطربق فوق نافوخي أنا.. ربنايسترها يعدي الايام دي على خير ..
صحيح كلمتي زوجك تاني في موضوع مامتك ولا لسة؟؟

dr.princess · 02-17-2011, 10:41 PM

ربنا يخليهولك يانورا
انا ابن اختى عبر الاسلاك وبيضربنى على وشى على شاشة الكمبيوتر امال لو كنت جنبه كان عمل فيا ايه ابن اختى اكبر من احمد ب 5 شهور

somia · 02-17-2011, 10:42 PM

نورا أنا أنا أنا..
لولو أنا فاهمة بس ميبقاش قدامي عشان دمي ميتحرقش كل اما اشوفها لازم الكلمة دي مع انها عارفة اللي نفسي فيه وده دعوة يعني ولا انا بايدي البنت ولا الولد ولا هيه كمان

نولارا · 02-17-2011, 10:44 PM

كل ما سلايفى يحبوا يغيظونى لما اقول المره الجايه ان شاء الله اجيب بنوته
يقولولى انتى مش هتجيبى غير صبيان
لما اقول لجوزى كده يقولى متقلقيش هنشتريها من السوبر ماركت هههههههههه