دردشة بنات فلسطين, دردشة حوامل فلسطين, تجمع بنات فلسطين

[جارة القمر]

حواء :

ازا امكانياتك بتسمح اشتري لانه انتي مو زايده بالحمل يعني رح تستفيدي منوووو بالمناسبات الجاي
في شي اسموووو ملكه بتوقع بيبدا السعر من 400 شيكل ........انا بعرس اخي جبت وحده من الاردن 1500شيكل
والبستهاااا بحنة سلفي وهلا عندي......
تعرفي اناااا شو حابه اشتري بعرس سلفي او حتى بحنتوووو لانه هلا في محلات متخصصه بهالشي رح اشتري

لبس هندي في محل بالخليل ومحل برام الله وبالعيزرية ...........رح اعمل لفه بس ليتحدد العرس ....... ازا اعجبتك الفكره
هيك بتكوني مميزه.........

[حواء مثالية]

انا لبست لبس هندي بحنة اختي قبل سنه ونص وكانت روعة من الخليل اشتريتها من الهيبرون سنتر وسعرها 600

بتجنن طلعت علي

المشكلة عرس سلفي وعرس اختي وعرس اخوي بنفس الفتره لو القى محلات باجروا ثياب

[ام عبدالله لولو]

صباح الخير يا كروشات هههههههههه
تسلميلي يا جارة لا عادي بس الواحد بيعز عليه شوية بس الحمد لله زوجي عوضني عن كل شي ما تحطي ببالك .. اسفة ازا كلامي ازعجك بس هي شوية بتيجي ببالي لانو مالها غير سنة الكل بيحكي ع عيد الام وهيك شغلات
حلا امبارح اسنماتك للعصر لحد ما روح زوجي من الجامعة ههههههه بعدها بيخلص دوامي هووون يلا بستناكي اليوم يا عسل
لولو يارب تكوني بخير تعي طمنينا عنك وعن الحلوة
دود يسعد صباحك يا قمر
حيفا تعي ما تغيبي الدردشة بتتور بكلامك
بكراااااااااااااا بفوت بالخامس ادعولي يا كروووووشات هههه اتعلمته من كثر ما بقرء بالمنتدى
عقبال كل الصبايا يااااارب
صباح معطر بالياسمين لكل الحلوات والي ما دكرتهم سامحوني شكلو الزهايمر ع بكير

[beboo]

صباح الخير صبايا كيفكم وشو اخباركم

اليوم الجو كتيير حلو ان شاء الله يضلو لاخر لنهار هيك لانه بدي روح عند اهلى

هو اوك انا مابعترف بشي اسمه عيد ام بس انه تجمع الاهل مع بعض حلوة

الله يخليلنا امهاتنا وامهات المسلمين كلهم

[حلا الماس]

ذهب الليل ..
طلع الفجر ..
والعصفور سو سو ..

صباااااااااااااح الخير ..

يسعد صباحهم النشيطات الموجودات هون من بدري ..

ام عبد الله .. سوري حبيبتي .. والله انا بحكم اني طبيخي على ال12 ونص لازم يكون جاهز ما بدخل الصبح كتير .. وبعدها بيرجعوا بناتي من الروضة وبنشغل فيهم .. يعني معاي الصبح ساعة ادخل هون
ربي يخليلك جوزك ويديم المحبة بينكم مع انو الام ما في حد بيقدر يعوضها .. بس ازا كان الزوج حنون وطيب اكيد بيملي الدنيا على زوجته
مبروك دخولك بالشهر الخامس وعقبال قيامك بالسلامة انتي وعبودي الزغنون .. وئتيش الك مراجعة عند الدكتور عشان اتطمنينا عنو هالازعر :)

بيبو .. كيف يا حلوة شو اخبارك ؟؟ وكيف بيان .. كم صار عمرو هلأ ؟؟ ..
وحنا اليوم بدنا نجتمع عند ستي امي وخالاتي وبنات خالاتي كلنا .. الله يطول بعمرها ويخليلها صحتها .. رايحة بعد الضهر عليهم انا ان شاء الله .. تتهني بحمعتك عند اهلك .. والله يخليلك اياهم :)

لولو .. ما دخلتي طمنتينا عنك حبيبتي .. شو اخبارك ؟؟ يا رب خير

حواء .. الله يسمعك منك ويفرحنا بشوفتهم في احضاننا .. اي انا بكمل شهري كلو وبولد على الموعد الي بتحددو الدكتورة يعني بكمل ال 40 اسبوع كاملين .. بس بالبكر اخدت 5 ايام بعد شهري .. اظن انو اول وحدة بتولد هي لولو لانها هل بنص السابع .. ربي يتمم للجميع بخير يا رب وعقبال الي منتظرات الحمل

باقي البنات كل وحدة باسمها .. صباحكم متل السكر بالزبط ♥

[beboo]

هلا حلا حبيبتي كيفك وشو اخبارك وشو اخبارك العصفورتين بناتك وابنك والبيبي

الله يخليك ويخليلك اهلك ان شاء الله وبيبو بيسلم عليك الحمدلله بخير بكرة بصير 6 شهور ان شاء الله العمر كله لكل اطفالنا

شو جبتو لامهاتكو

[حلا الماس]

هلا فيكي حبيبتي ..

الحمد لله انا وولادي بخير .. عقبال ما تكبر عيلتك وتصيري مش ملاحقة عليهم متلي حاليا .. 3 والرابع بالطريق اتوقع اني بعد ما اولد ما رح تشوفوني الا بالنادر هههههه

ما شاء الله .. الله يحميلك اياه ويخليه وتشوفيه عريس يارب

[ام عبدالله لولو]

هلا هلا بالنشيطات يسعد صباحك بيبو والعمر كلو لابنك
حلا يسعد اوقاتك وتفضي يوم حلو يارب تسلمي يارب الله يخليلي ويسعدك يا ام خليل والتاني شو ناوية تسميه
اظن انا وياكي وحواء بنولد بنفس الشهر ههههه موليد المنتدى الله يجبر خاطر الصبايا بالحمل يارب
لوووووووولو يلا فوتي طمنينا غنك

[حلا الماس]

اهلين فيكي يا ام عبد الله ..

تسلميلي يا حبيبتي .. اها مزبوط انا وانتي وحواء بنفس الشهر

بس انا سابقتكم ب 20 يوم تقريبا .. انا كمان 10 ايام بدخل الشهر السادس ... والله بسرعة الايام بتعدي .. حاسة حالي بحلم كانو امبارح لسه اعملت فحص الحمل .. هيني بسرعة رح ادخل السادس

والله يا ام عبد الله ما قررت شو بدي اسمي البيبي .. انا حابة قصي ومحتارة باسم يوسف .. وجوزي بيقلي لما تدخلي التاسع بنفكر بالاسم خخخخخ .. مجنني وحاسستو مش متفاعل معي بقصة اختيار الاسم :(

[beboo]

حلا حبيبتي الله كريم ياعسل تسلميلي

ام عبدالله يسعدلى هالصباح الهي الله يخليلك يارب عبود ان شاء الله متل اليوم بتيجي وبتحكيلنا شو اطعميه وكيف اعمله وشو اسويله ههههههه