تجمع حوامل اللي موعد ولادتهم في شهر جمادى الثاني1433 ‏ه

[نايت كوين]

يعطيك العافية بدور ايواالمفروض أني بالعاشر لو بالحساب بس عرفت بالسونار وسوت تحليل هرموني في اول شهر وأكدت لي أني ولادتي تصير في 22 / 6 وفي حملي بالبنت الحمل الاول دخلت بالعاشر 15 يوم وولدت بالطلق الصناعي اخذت سته تحاميل طلق صناعي والحمدلله البنت سليمه وبالولد 8 ايام وأخذت ثلاثة تحاميل وهو صار عليه نقص اوكسجين وكان كل شي تمام يعني الاشعة والحوض والتخطيط والحين افكر ما أخذ تحاميل لو اتاخرت اسوي عمليه والدكتورة وافقت بناء على طلبي

[قشطه وعسل]

السلام علييكم ورحمة الله
يسعدلي صباااحكم
بدور
الدكتوره قالت لي البيبي راسو تحت ومستعد للولاده
عشان كذا تقول احتمال تولدي باي وقت
بس انا مقصره بالمشي لاني احس بشد في افخاذي بعد مااخلص مشي
وامي تقول يوم السبت بتاخذني معها الحرم عشان امشي
لان موعد ولادتي الاربعاء 10\6 واحس بطني يتحجر يقولون التحجير بعد من علامات الولاده يلا ياااارب مااطوووف
,,,,
نااايت كوين
ليش ماتروحي لدكتوره ثانيه معليش احس دكتورتك هبلا مفروض تحسبلك على موعد الدوره بما أن الدوره ماجاتك في رمضان يعني انتي
قد حملتي والله ماادري يااختي بس روحي مستشفى ثاني واتطمني على نفسك ترا السونار كذاب حتى اناكان مأخرني اسبوع بس دكتورتي تحسب لي على دورتي
الله يكتب لك الي فيه الخييير

[رذآذ آلمآس]

لين جده والله قلت لك اتوقع الدوخه من فقر الدم انتي روحي لموعدك وطمنينا عنك انشاءالله يكون كل شئ طبيعي

عاشقة الجنه انتي مثلي من دخلت الثامن وانا احس الجنين جاي على الجهة اليمين واضح حتى اذا لمسته بيدي والحركه كلها على الجهة اليمين سبحان الله مادري ايش السبب ولا حاولت اسآل الدكتورة

نايت كوين ليش دكتورتك طوفت عليك شهر كامل غريبه من جد اول مره اسمع كذا وش تحس فيه
يمكن غلطانه واكيد بعد
والسونار فعلآ يخربط عليك مثل ماقالت قشطه وعسل الحساب ديماااااااااااا يعتمد على الدورة بسس

[قشطه وعسل]

لين جده
يمكن الدوخه فقر دم مثل ماقالت رذاذ

ويمكن انخفاض في الضغط
وعادي ترا الضغط مع الحمل يلعب لعب ههههههههه انا مره يرتفع معاي واحس بحراره وجسمي ينمل وراسي ثقيل ومرات ينخفض
وادوخ واطيح وما أشوف شي احس الدنيا تدوروكل مراجعه يقيسون ضغطي يلقونه غير شكل هههههه مره نازل مره طالع ومره تمام
وكل هذا يرجع للأكل انتبهي لأكلك
ومااافيك الاالعافيه يااارب

[نايت كوين]

يعطيكم العافية قشطة ورذاذ انا رحت في بداية حملي عند دكتورة ثانية وحكيتها اللي صار وقالت خلاص نمشي على كلامها

[قشطه وعسل]

امممم في وحده قريت انها خذت الحديد في مغذي
اتوقع رذاذ
انا لمادخلت التاسع قبل ثلاث اسابيع سوت لي تحليل
ولقت دمي 8 وقبل كان 8 مع اني كنت اخذ حبوب الحديد
حبتين يوميا بس عندي الأمتصاص بطيء
وكتبت لي خمس انبولات حديد اخذها في المغذي
على ثلاث جلسات واخذت الجلسه الأولى حطت المغذي في عرق في كفي
حسيت ان عروقي بتنفجر لانه ثقيل وقلت للدكتوره قالت خلاص المره الجايه نحطو فوق هنا عورك لانو بداية العرق والمحلول اساسا ثقيل
المهم خلصت الجرعات كلها وحللت قلت يلا يارب وصل العشره
تخيلو كم طلع 8,9 حتى ماكمل العشره وقالت لي تعالي الليل اعطيك
جرعتين ثانيه قلت طيب وانحشت ماعاد رحت لها صرت اخذ حبوبي
واخذ الزبيب اليماني الاسود يقولون حلو

[بدور 123]

المشاركة الأصلية كتبت بواسطة نايت كوين

يعطيك العافية بدور ايواالمفروض أني بالعاشر لو بالحساب بس عرفت بالسونار وسوت تحليل هرموني في اول شهر وأكدت لي أني ولادتي تصير في 22 / 6 وفي حملي بالبنت الحمل الاول دخلت بالعاشر 15 يوم وولدت بالطلق الصناعي اخذت سته تحاميل طلق صناعي والحمدلله البنت سليمه وبالولد 8 ايام وأخذت ثلاثة تحاميل وهو صار عليه نقص اوكسجين وكان كل شي تمام يعني الاشعة والحوض والتخطيط والحين افكر ما أخذ تحاميل لو اتاخرت اسوي عمليه والدكتورة وافقت بناء على طلبي

طالما انها اعتمدت على التحليل الهرموني فاحتمال يكون صح كلامها هيا دكتورة واعرف .


وكل شي مقدر سبحان الله إنتِ اطمني لا تفكري كثير وخليها على الله وإن شاء الله ماتحتاجي لا تحاميل ولا عملية وتشوفي ابنك بصحة تامة يارب

حاولي تسمعي للرقية الشرعية افتحي موقع الشيخ خالد الحبشي الرقية العامة واقري على موية وزيت وادهني جسمك وخلي الموية شطفة اخيرة بعد الاستحمام وكمان اشربي منها ,معظم التعقيدات اللي تصير في الحمل والولادة علاجها بالرقية (كلام وحدة مجربة)

[رذآذ آلمآس]

قشطه وعسل لالا مو انا الي اخذتها غلطانه هههههههههههه يمكن وحده تانيه

عاد والله على هالصبح شهيتيني على القشطه مع العسل

[قشطه وعسل]

اجل اتوقع همسات لاني بصراحه الخبط بينكم ههههههه
الحلو مايشتهي الاالحلو
يلا قومي اكلي العسل زين يقولون يسهل الولاده والقشطه كالسيوم
ههههههههههه

[همسات قلبي]

أنا من يأخذ يأخذ ابر حديد بس مازاد عندي غير 9 من عشره
باقي ماوصل عشره
والحين رجعت الدكتوره تعطيني ابر من جديد ع 4 جرعات يوم ويوم واذا مازاد ح يستمر لحد ماتجيني ولاده



الله يعين
ويسهل