تجمع حوامل الأشهر الوسطى(الرابع,الخامس,السادس)

do0odi s · 03-03-2013, 11:56 PM

مسااائكم فل .. بالنسبه لضيقه النفس الله المستعان مررره متعبتني ورحت لدكتورتي وقالت طبيعي وصرفت لي دوا للحرقان الي بالمعده لكن المشكله راجع لي غثيان ما ادري لييش ..؟؟

محبوبته · 03-04-2013, 12:04 AM

اهلن شوق
انا طلعت السوق اليوم عندنا 3 زواجات بهالعطلة القريبه وكلهم قراب حيل « اهئ مو وقتهم ابد مع الكرشه
عاد قررت افصل فستان لزواج حماي والباقين من قرايبي بلبس من فساتيني القديمات
شرريت لي قماش اسود ودخلته بمشغل وبضيف عليه زي الزيركون والاحجار الملونه
ع منطقة الصدر وبس .. ناعم وفخم بنفس الوقت ياارب يطلع حلو عاد لانه مكلف

ايووه اخباركم يا حلوااات
تعبانه من بعد فرة السوق على اني رحت ساعة بس هدت حيلي ._.
الحمدلله اني خلصت اغراض البيبي قبل فترة لاني كل مالي اثقل زيادة .. باقيلي اغراض الصيدليه بس
لقيت لي جلابيه ع الطريق حلوه مرره لونها عنابي حقت نفاس ساتان واكمامها دانتيل عجبتني مررره
باقي لي 3 قمصان قطن وكم ستيانة رضاعه وكلوتات قطن والاستخدام الواحد
ومفرش الاستقبال واخللللص تقريبا الاشياء الاساسية .. لازم اخلصهم ببداية الثامن
مالي خلق اثقل زيااادة :(

يافا2 · 03-04-2013, 12:26 AM

اهلييين

اخباركم جميعا

بناااات حركة الجنين فوق المهبل بشوي من جد خاااايفه
وانا بنهاية الخامس اونصهه

صباروحي · 03-04-2013, 01:12 AM

شكرا شوق الامومة هلابك زود

وهج21 · 03-04-2013, 01:37 AM

بنات قبل 3 اسابيع الحركه كانت مرا تحت احسو شوي ويخرج رفعت رجولي يومين وريحت نفسي وحسيت الحركه طلعت فوق دحين الحركه رجعت تحت مرا نيه ورفعت رجولي ومرتاحه لي كم يوم بس باقي الحركه تحت معقول حتستمر تحت لين التاسع !!! ?ن إذا استمرت تحت الحركه مقدر اوقف كثير مقدر امشي كثير

do0odi s · 03-04-2013, 02:53 AM

يا اختي مرره عادي انا حسيتها كثير وسألت دكتورتي قالت طبيعي في الخامس الجنيين ماثبت حركته زي السباحه في البطن كلها بس انتي ارتاحي وعواااافي ياقمممر ماتشوفي شر

ثلج الشتاء · 03-04-2013, 03:04 AM

محبوبته موزينه الفرفرة في السوق والمشي الكثير لك لانه كثرة المشي في ذا الوقت تنزل الجنين تحت وتسبب ولادة مبكرة لاسمح الله
اركدي واهجدي لين الشهر التاسع. ههههههههه. وخاصة كانت عندك مشاكل في بداية الحمل مثلي الله يحمينا ويستر علينا بس بجد خطر الفرفرة ذحين وكثرة المشي

الا بسألك متى تركتي حبوب التثبيت دوفاستون اناا محتارة متى اسيبها أخاف يرجع لي النزيف اناا في الرابع ذحيييين والإفرازات بنيه خفيفة وأحيانا صفرا :(

وهج21 · 03-04-2013, 03:22 AM

اول ثلاث شهور دوفاستون بعدين ماتنفع قلي دكتور بعد 3 شهور تاخذي يوتوبار مثبت اقوى من دوفاستون

كبرياءه طوره · 03-04-2013, 03:27 AM

صباح الخيرات بطااات

شوووووق < انتببببببببببببهي من الاثيوبيات لو ايش مايصير لاتجيبينها
واذا على الاندونيسيه تحب الشغل بس السيلانكيه تمووووت بالاطفال شوفي الي عند اهلي بس مع البزران تلعب مع أنها كبيره بس تحبهم وترحمهم
وبالنسبه لبطنك انه نازل انا مثلك اهلي يقولون بطني نازل بس بعد أسبوع قالولي لا ارتفع هههههه

محبوبته < لاتفرفرين بالسوق اركدي اذا على الزواجات مولازم تحضرين الزم ماعليك صحتك
انا خلاص احس السابع غييييييير احس مره ثقيله والسوق مو زي كل مره اقدر ادور لا
اليوم رحت سوق واحد ومشيت فيه يمكن نص ساعه ورجعت البيت وانا معي شد ببطني احسه متحجر

شوق الامومه · 03-04-2013, 07:58 AM

السلام صباح الخير ياأحلى حوامل ههه شرايكم مدلعتكم بعد

هلا فيكم اخباركم محبوبته الله يعينك زين خلصتي بس زي ماقالوا البنات ارتاحي
لو تحسين باي تعب طلعي من المحل وارجعي البيت الاشهره هذي اشوي خطيره في اشياء قالي زوجي خليها بالتاسع اذا ماقدرتي لانه
خلاص قرب العد التنازلي الحمدلله

انا وانتي وعبير وعروسه ومااذكر بعد مين معي كلها اسبوع
وندخل الثامن وكبرياء بعدنا صح بسبوعين يعني خلاص نشيل كرشنا ونروح التجمع الثاني

كبريا اخبارك صادقه السلنكيات حنونين على الاطفال بس وصخين وصياحين انا صدقتي عندها وتحب ولدها وبنتها ماتحبها تقولها مدام انا مافي حبي بنات بس حبي اولاد بس ماتنظف الا بقول وودها بس كلا تشيل الولد وتدور فيه حتى متعلق بالخدامه اكثر من امه وععع

يضمها ويشم ريحتها الله يعينها اذا جات بتروح

وهج بسألك انتي باي شهر وارتاحي اذا معاك تعب انا للحين اخذ مثبت ابر كل اسبوع ابره واخذت ابرة الرئه عشان لو انولد مبكر تكون الرائه افضل بس الولاده بالتاسع احلى شي يكون معك وتتفادين اي خطر للنونو بسم الله عليهم الله يحفظهم ربي يتمم علينا طيب انا الحين بالسابع ماادري عادي ارفع ارجولي
وحتى ثلج الشتاء انتبهي على حالك اي شهر انتوا ماادري مش حاطين توقيع او يمكن مش واضح
الله يتمم علينا يارب ويهونها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشهر السادس من الحمل أفضل الأشهر	طيور الحب	إستفسارات حوامل من الشهر الرابع إلى الشهر السادس	84	03-20-2013 01:08 AM
نزيف في الأشهر الوسطى للحامل	قحطانية	إستفسارات حوامل من الشهر الرابع إلى الشهر السادس	15	03-08-2012 02:16 PM
هنا تجمع حوامل الشهر (الرابع والخامس والسادس)	سماسم	إستفسارات حوامل من الشهر الرابع إلى الشهر السادس	32655	01-01-2012 06:32 AM
أهم المواضيع المميزه في قسم حوامل من الشهر الرابع إلي الشهر السادس	سماسم	إستفسارات حوامل من الشهر الرابع إلى الشهر السادس	0	09-25-2011 10:34 PM
هنا تجمع حوامل الشهر (الرابع والخامس والسادس)	عزيزة النفس	إستفسارات حوامل من الشهر السابع إلى الشهر التاسع	9772	07-27-2010 08:57 PM