ديوانية حوامل البحرين

بنت الأياويد · 08-31-2010, 04:30 PM

اي بخبر الدكتورة لازم مابسكت

شمس الصباح · 08-31-2010, 04:34 PM

اي معناه انج قربتي وايد من الولادة وخصوصا لما يكون نازل وايد على تحت

أم حماني · 08-31-2010, 04:36 PM

نزل بس مب واااااااايد

شمس الصباح · 08-31-2010, 04:38 PM

مبروك ام حماني قرب حماني للوصول

الحين توقعي الطلق في اي وقت جهزي اوراق المستشفى واغراض البيبي والله يسهل عليج

أم حماني · 08-31-2010, 04:41 PM

امبيه شمس لا لاتقولين جذي ... تو الناس بطني بس شوي نزل ... يمكن يرد يرتفع ماتدرين

شمس الصباح · 08-31-2010, 04:44 PM

شنو يرتفع ههههههههه ام حماني لا تخافين الوحده من ينزل بطنها معناه انها قربت كلش على الولادة افرحي ولا تحاتين وذكري الله

أم حماني · 08-31-2010, 04:48 PM

لا اله لا الله ... الصراحه خفت شوي هههههههههههه .... بس يمكن بعد اتخيل ما ادري ,, اذا اقعد شكله عادي بس اذا وقفت ينزل خخخخخ
مادري اشفيني شكلي خرفت

بنت الأياويد · 08-31-2010, 04:50 PM

يمه شمس لاتقولين هلون انا خفت هههههههههههههههههه ، انزين ام حماني يعني الحبة بجم حسبوها لج ، اذا ماعليج امر تعطيني رقمهم ويوصلونه بروحهم لي البيت؟

شمس الصباح · 08-31-2010, 04:55 PM

عادي انه ينزل بطنج الحين لانج بنهايه التاسع وتوقعي الطلق في اي لحظة وتركي عنج الخوف وتذكري حماني وهو بين يدج اش حلاته

تدرين انه جوعااااااااااااااانة حدي لاني اتسحر الساعه 12 بالليل ما احب اتسحر متاخر واحس اني بمسح الطاولة من الأكل اليوم وما بخلي شي

مع اني بس اكل شوي واقوم على الفطور حتى زوجي يقول انتي بس جوعانه ومن تاكلين شوي تقولين خلاص بس جوعانه وجوعانه وقت الجد ما تاكلين اكلي خلي بنتي تصير قويه خخخخخخخخ

يالله ضحكي ام احماني

أم حماني · 08-31-2010, 04:56 PM

مادري والله بجم تصير الحبه ... يمكن 200 فلس وشوي .. بعطيج رقمهم بعدين لانه تلفوني داخل الحجره .. يوصلونه للبيت وياخذون دينار ع التوصيل . محلهم اظن في ستره اسمه دوحة الروائع .. انا شفت اعلانهم بالمنتدى بس اللي يوصل طلع عيني وانا اوصف له البيت ... هههههههههههه اقوله ثالث بيت يروح لاخر الشارع ,,, اقوله ارجع ويروح لاخر الشارع الصوب الثاني ,, عصبني والله بغيت ازفه بس يودت روحي فشيله ازف ريال