دردشة حوامل مصر - دردشة بنات مصر - تجمع حوامل مصر ‏

[نولارا]

اميره
حقنه التيتانوس خديها احتياطى
هى بتبقى عشان اى تلوث لاقدر الله وقت الولاده
خديها احسن
انا اخدتهم فى الوحده الصحيه هما حقنتين واحده فى السادس وواحده فى السابع تقريبا

[malak ahmed]

المشاركة الأصلية كتبت بواسطة rania negm

صحيييييييييييييييييح هى نهاد ولدت ولا خيار مخلل فى بطنها ؟؟؟؟؟ انا بنسى خالص اسأل

وده سؤال تساليه بردو يا ام احمد ... طبعا لسه مخلله اهو

ادعوووووولي يا بنات رايحه للدكتور النهارده يارب يطمني

[نولارا]

ربنا يطمنك يانهاد
ويرزقك ساعه سهله وتقومى بالسلامه انتى والنونه
يارب

[malak ahmed]

المشاركة الأصلية كتبت بواسطة أم إياد

انا هنا يانورا
معلش افتكرت ماحدش هنا
مخنوقة يانورا اصل انا تعبانة شوية اليومين دول
من كليتي وعاملة تحاليل طالع فيها حاجات كتير مش مظبوطة

الدكتور بتاعي رخم وحاساه مهمل وقررت ما اروحلوش تاني
كان كاتبلي على ادوية وطلعت ماتنفعش نهائي
بناء على نتيجة المزرعة

قلت لجوزي نجيب الدوا المناسب احنا وخلاص
يقولي لاء لما نروح للدكتور

والدكتور ده اصلا خنقني وكل البنات هنا نصحوني ما اكملش معاه

المواضيع كلها مزنقة معايا شوية
التعب ع الحمل ع الصيام على شوية خناق مع جوزي وربنا باليني بدكتور استغفر الله اللهم اني صائمة

مانمتش من امبارح على فكرة
ودماغي مشغولة وكل ما انام 5دقايق اصحى على كوابيس
كنت باحاول اخرج من المود وقعدت اتلكم مع البنات كتير بالليل
واول مابقيت لوحدي عمالة اعيط ومش طايقة نفسي

لالالا يا ايه روقي نفسك كده هانت ان شاءالله وبكره تشوفيها في حضنك وتفرحي بيها

سبيها علي ربنا وربنا يقومك بالسلامه يارب

[malak ahmed]

امين يا رب يا نورا .. النهارده هكشف نساااااا

تاتاتاتاتاتاااااااااا ... قمه الرعب ربنا يستر

اخبار الواد موكشه ايه قلعتيه البامبرز ولا لسه

اختي اليومين دول بعد ما فطمت ابنها قلعته البامبرز وبتعلمه يقول اس هههههههههه

[malak ahmed]

ازيك يا اميره عامله ايه

بنات هقوم اخد شاور اصلي دايخه اوى م الحر ده وهرجع تاني ان شاءالله بعد شويه

[نولارا]

يااااااه
يابنتى احمد قلع البامبرز من اول الصيف حتى موش بنيمه بيه فى الخروج بس
بس عاديكى بقى اوقات بيستهبل ويزروطلى الدنيا
واوقات بيبقى عاوز يقلع البنطلون فيضحك عليا ويقول اءح اءح وميعملش حاجه
ويطلع يجرى منى عشان ما يلبسش البنطلون تانى
بس موضوع الفطام بقى اللى قالقنى موت ومخوفنى
خصوصا انه موش بينام غير وهو بيرضع
بس لسه فاضل 3 شهور
يعنى هيطعم السنه ونص فى اول شهر 11
واسيبه شويه يفوق من التطعيم لانه بيبقى
حقنتين وتحليل هيموجلوبين
فشويه لحد ما يفوق من التطعيم
هافطمه ان شاء الله
حاسه انها حاجه موش سهله خااااالص

[نولارا]

يعنى اختك فطمت ابنها وانتى هتبتدى ترضعى ان شاء الله
خلى بالك بقى وموش تررضعى ادامه عشان ما يزعلش
الاطفال بيبقوا حساسين قوى بعد الفطام
بالنسبه لكشف النسا ما تقلقيش
ان شاء الله هيعدى بسهوله
انا برضه كنت قلقانه خالص
بس الحمد لله كله بيهون
اومال هتولدى ازاى ياقمر ههههههههههههههههههههه

[نولارا]

اوك
اميره شكلها نامت
انتى روحى خدى شاور
وانا هاقوم اضبط الشقه شويه وارجعلك اوك

[malak ahmed]

طب كويس يا نورا الحمد لله انه قلعه .. لا اختي قالت هتفطمه الاول بس بعد تطعيم السنه والنص وعلي فكره الفطاه كان اسهل بكتييييييييييييير من البامبرز ده .. هو بردو كان زي موكشه كده متعلق بيه اوى وخصوصا في النوم بس هي مره راحت اسكندريه وسابته عندنا ولما جت كان تقريبا تلت تربع اليوم عدي من غير رضاعه فماما قالتلها كملي اليوم ومش ترضعيه دهنت صدرها ليمون وقالتله كخ سبحان الله الولد اول ما داقه قرف علطول وكل شويه يقول عليه كخ لغايه ما اتعود بسرعه الحمد لله

بس فيه حاجه غريبه بيعملها .. الواد ده بيمسك الليمونه يمصها عادي وبيحب الليمون اوى فاحنا مستغربين اتفطم بيه ازاي ههههههههه بقول لاختي يمكن الليمون عامل ميكس مع صدرك طعمه مش حلو

ولسه اليومين دول بقي المغامرات شغاله مع البامبرز وياما بيقولها وبردو بيكون عشان يقلع هدومه ويسيبها ويجري هههههههههه