تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري •.•°

[noyr81]

اخت Orchid109
طمنينا ايش صار معاك
منتظرين اتطمنينا

[المياسه بوظبي]

مرحبا بنات كيف الحال ان شاء الله طيبين حبيت ادعي لكل وحده تعالج يارب ترزق الجميع يارب وتحملون كلكم هذا الشهر بنات نصيحتي لا تركزون على الاعراض لانه انا عن نفسي ماكنت احس باي شي وسبحان الله للحين ماحس باي شي مو شرط الم ومغص وفراز دم نقطه وهالخرابيط ربي اذا اراد بيرزقكم بدون هالاشياء كلها بس توكلو على الله وادعو رب العالمين بالذريه ولا تفكرون اشغلو نفسكم باي شي حاولو تابعون مسلسل افلام برامج ارتاحو بالنوم وعدم الحركه الكثيره اللي مالها داعي اجلو الزيارات واهم شي تفادو ركوب الدرج

اخذو الادوره ان كانت تثبيت او فولك اسيد حتى لو شفتو افراز كملو بالادويه وادعو رب العالمين في بنات وايد نزل عليهم دم والحمدالله وقف وطلعو حوامل

خلو ثقتكم بالله كبيره واهم شي لا تيأسون واذا ماضبطت هالمره عيدوها مره ومرتين وثلاث واهم شي النفسيه

ويارب يوفقكم اجمعين

تحياتي

[noyr81]

المياسه بوظبي الله يجزيكي الخير خليتينا نتفائل بكلامك الحلو
ربنا يكرم جميع الاخوات

[Orchid109]

هلا حبيبني الله يجزاكي خير
ويتمملك على خير حبيبتي

الاخت نوير لسه ماحللت دعواتك ان شاء الله ربي يرزقني

[noyr81]

Orchid109 يارب تبشرينا عن قريب

[أم الحلوات80]

السلام عليكم خواتي

انا اليوم الرابع للترجيع .. ورجعت الاجنه فاليوم الخامس ونظام مركز فقيه للأخصاب كل ٤ ايام تحليل دم .. واليوم سويت التحليل وانتظر النتيجة ..

بس من بعد الترجيع عطوني ابر تثبيت يوميا لان فالمره الأولى نزلت الدوره بعد الترجيع بأسبوع والسبب نزول هرمون البروجسترون لهذا السبب قررت الدكتوره أخذ ابر تثبيت لمنع نزول الهرمون لان جسمي ما يمتص التحاميل ..

هل تتوقعون الإبر بتغير في نتيجة تحليل الدم ؟؟ هل ممكن تبين حمل وهو مافي حمل بسبب الإبر ؟؟

[أم الحلوات80]

نتيجة تحليل الحمل فاليوم الرابع للترجيع ١.٩ وهرمون البروجسترون بعد ما كان ألفين وشي صار ٢٣٠ واعطوني أبره مثل ابرة التفجير ترفع النسبه وبعد ابرة تثبيت وطلبو أزيد جرعة الأدوية وبعد ٤ ايام أعيد التحليل

وعلى كلام الدكتوره تقول هالنتيجه ما تهمنا كثر ما تهمنا نتيجة اليوم الثامن واليوم ١٢ من الترجيع

دعواتكم نفسيتي جدااااااا تعبانه

[*عسل*]

ام الحلوات
الله يسرلك ويفرحك بالحمل السليم

[Orchid109]

ام الحلوات اول مرة اسمع بسالفة تحليل الدم كل اربعة ايام

شوفي حبيبتي لاتدققي على نسب هرمون الحمل في هالفترة حتى لو ارتفع هذي من الابر اللي تاخذيها

دكتورتك صادقة اهم شي الايام الاخيرة بالتحليل من اليوم ال ١٢ الى ١٤ ويارب يثبت اجنتك ويكرمك بالحمل يارب


فكرة الابر المثبته عجبتني اكثر من التحاميل لاني تضررت من التحاميل
بكتب تجربتي بموضوع عشان يستفيدوا الصبايا

موفقة

[Orchid109]

نوير الله يسعدك يارب على متابعتك
انا حللت امس بس جيتهم بوقت متاخر فاليوم جمعه مافيه عيادات وبكرة النتيجة ان شاء الله ابشركم
والحمدلله على ماقبل وبعد