.·¤ تجمع الحوامل اللي ولادتهم في محرم¤·.

[Marawy]

مشاعل.. فديت قلبج.. ربي يسلمج من كل شر.. اي والله ماعندي وقت لشي كلش.. غير اني من طلعت من المستشفى وانا بس ابكي وابغي زوجي يقعد معاي ما يطلع.. وهو مسكين ما يطلع من البيت بس قاعد مقابلني انا والبيبي.. والله احس من يجي المغرب بكتمه في قلبي.. والقران والرقيه ما تفارقني.. 24 ساعه شغاله بالجوال.. بس شنسوي الله كريم.. الحمدلله الحين احسن بكثير..




ام سلطان.. ياعمري.. مابقى شي هانت ان شاء الله.. وكلها كم يوم وتشوفين ديم فديت قلبها.. خلج ريلاكس وترا الولاده ماتخوف.. بس لو ظليتي تخوفين نفسج جي بتتعبين.. ونصيحه دايما لما فيج الطلق حطي في بالج انج ماتصرخين.. قولي في داخلج بيجيني الالم الاقوى.. وكل ما يجي اقوى قولي بيجي الاقوى وقتها بصرخ.. لين تولدين وتشوفين ان الالم الاقوى ما جا.. ربي يسهلها عليج..



نوقا.. حياتي وحشتيني يالدبه مع سوالفج..
شلون سارونه الحلوه معاج؟ وشلونج مع السهر؟
اااه يالسهر.. بنات اللي ماولدوا ناموا ناموا ناموا.. بتجيكم ايام ما تناموون والله هههههههه ما كنت استوعب لما يقولون لي نامي.. بس الحين حسيت بالشي..

فديتج انا هذا اللي خلاني احاول ادخل باسرع وقت عشان ما ودي يتقفل التجمع وما اشوفكم بعدين.. بتوحشوني..



ام جنى.. ربي يعينكم والله.. الحمدلله المستشفى كانوا حليوين معاي وطيبين وهم هونوا علي كثير والله ربي يجزيهم كل خير.. وزين تسوين تشتكين عليهم والله كفايه الم الطلق والاعصاب بعد معامله زفت.!

[mariam mohammd]

صاااااامدوووون ياكروشات
ام سلطان الله يسهلك يااااارب ويسهل لي ويسهل لكل الكروشات وان شاء الله مايتقفل التجمع الا واحنا والدات يارب
ماحس اني بالتاسع غير الحركه خفيفه مااحس فيها الا نادرا وحركه مره خفيفه انتو كذا ولا بس انا
غايتي طمنيني عنك في بوادر
بنت تبوك ملكتني ام يارا احب دادو
سامحوني أن نسيت احد طمنونا عنكم وكيف الطلوق

ياااااااااااارب اولد الفجر

[ام جنى الامورة]

ماشاء الله عليك مروة والحمدلله على سلامتك وسلامة شيخه يارب لك الحمد وجت على هالدنيا

ويارب عقبال الكروشات الباقيات الصامدات

[mariam mohammd]

ياهلا والله بام شواخه نورتي المنتدى يابعدي
ايش اخبار عرووووستك الله يحفظها

[أم ولودي]

ام سلطان ياحياتي ليه هذا كله الحمدلله كل امورك بخير والبيبي وضعه زين اجل الي عندهم مشاكل وش خليتي لهم نصيحه لك من القلب انتي بكذا بتصعبين على نفسك وحتى لو فتح الرحم بيقفل من الخوف الي فيك وتتعسر ولادتك بعيد الشر والله لايقوله لكن الخوف كذا يسوي والحمدلله كل الامور تساهيل اطلبي من الله العون واليسر وربي ارحم فيك من امك وترا سهام الليل لاتخطيء والقررفه ماودي تشربينه لان الرحم مافتح بس مدري انتي بكيفك بس المشي والمويا الدافيه هي احسن شي وبالعكس افرحي ترى حياتك بتتغير للاحسن والبيبي بيملى حياتك وحياة ابوه سعاده والله يسهل عليك يارب ياكريم

[ام سلطان!]

بنات والله غصببب عني الفلم الي سويته
انا ماحبببب الميتشفيات يجيني رعببببب..

اشكر كل الي ردووو علي
بس بسألكم انا نمت وصحيت احس راااااح الالم الي كان
ببطني !!! وماحس بشي
وش اسوي

امشي واتنقع عادي؟؟

[غايتي الجنة]

انا مازالت صامده وشكل بنات التجمع بيولدون وانا لسى

[أم ولودي]

مراوي الف مبروك ياقلبي الحمدلله على سلامتك وسلامة البيبي انا كنت اتابعكم من بداية حملنا بس توني اشتركت معكم

[ام سلطان!]

قلبها فيصل

الله يجزاااك خييير حبيبتي ويسهل اموررررك
يااارب ويهون عليييك..
هذاني احاول اقوي نفسييي واقول عادي وهانت
واشجع نفسي بخواتي الي ولدو قبلي بهاالتجمع...

الرحم مفتوح عندي2 عقب ماحااست بيدها لين طلعت روحي
وجتني من وقتها المممم بس جيت البيت ونمت لان من امس مانمت
وقمت الحين خف او راح الالمممم

وش تنصحووني اسوي هي ماقالت لي شي وانا من الرووعه ماسالتها
عادي امشي؟؟
ووش بعد

[أم ولودي]

عادي ام سلطان هو يروح ويجي لانه طلق بارد انتي امشي وتروشي بمويا حاره واشربي حلبه مره تنفع للطلق البارد اغليها بمويا وحليها بعسل احسن او سكر واشربي وحليب بملعقة زيت زيتون والله انا فادتني جربتها مع طلقي البارد ببكريتي طيب ماقلتي لنا وش صار على الدم وقف ؟ وكيف شكله دم صافي والا مخاطي مع افراز تكرمون