دردشة حوامل مصر - دردشة بنات مصر - تجمع حوامل مصر ‏

نولارا · 08-16-2011, 12:18 PM

انا هنا ياايه
مالك مخنوقه من ايه

نولارا · 08-16-2011, 12:32 PM

روحتى فين ياايه

منتظرة فرج الله · 08-16-2011, 12:41 PM

السلام عليكم

نولارا · 08-16-2011, 12:45 PM

وعليكم السلام
ازيك يااميره
اخبار النونه ايه

أم إياد · 08-16-2011, 12:48 PM

انا هنا يانورا
معلش افتكرت ماحدش هنا
مخنوقة يانورا اصل انا تعبانة شوية اليومين دول
من كليتي وعاملة تحاليل طالع فيها حاجات كتير مش مظبوطة

الدكتور بتاعي رخم وحاساه مهمل وقررت ما اروحلوش تاني
كان كاتبلي على ادوية وطلعت ماتنفعش نهائي
بناء على نتيجة المزرعة

قلت لجوزي نجيب الدوا المناسب احنا وخلاص
يقولي لاء لما نروح للدكتور

والدكتور ده اصلا خنقني وكل البنات هنا نصحوني ما اكملش معاه

المواضيع كلها مزنقة معايا شوية
التعب ع الحمل ع الصيام على شوية خناق مع جوزي وربنا باليني بدكتور استغفر الله اللهم اني صائمة

مانمتش من امبارح على فكرة
ودماغي مشغولة وكل ما انام 5دقايق اصحى على كوابيس
كنت باحاول اخرج من المود وقعدت اتلكم مع البنات كتير بالليل
واول مابقيت لوحدي عمالة اعيط ومش طايقة نفسي

أم إياد · 08-16-2011, 12:52 PM

معلش يانورا دوشتك معايا
كنت عايزة اطلع اللي مضايقني وخلاص
كده فكيت شوية

أخبارك ايه وازي الواد موكشة؟

نولارا · 08-16-2011, 12:54 PM

طيب اقنعى جوزك ياايه تغييروا الدكتور ده
وربنا ييسرلك اللى فيه الخير
وقوليله ان اللى فى بطنك دى امانه لازم تحافظوا عليها
طالما موش مرتاحه للدكتور غيروه
ان شاء الله جوزك يقتنع

أم إياد · 08-16-2011, 12:56 PM

ازيك يا أميرة واخبار الحمل معاكي ايه؟
وايه آخر مغامراتك مع حماتك ههههههههه

رجعتي تاخدي الكالسيوم زي ماسما قالتلك ولا بتسمعي كلام الدكتور
انا مش عارفة الدكاترة بقى مالهم بصراحة !!!!!

نولارا · 08-16-2011, 12:58 PM

ياستى ولا يهمك فكى وانبسطى
احنا اكتر من الاخوات
موكشه نايم
وعايزه اخد دوش
موش عاوزه ادخل الاوضه اخد غيار احسن يصحى
وخايفه ادخل اخد دوش والبس البرنس حد يخبط على الباب هفتح ازااااااااااااى
شوفتى مشكلتى حليهالى بقى
ههههههههههههههههههههههه
ايوا كده ياشيخه روقى واضحكى

أم إياد · 08-16-2011, 12:59 PM

اقتباس:

المشاركة الأصلية كتبت بواسطة نولارا

طيب اقنعى جوزك ياايه تغييروا الدكتور ده
وربنا ييسرلك اللى فيه الخير
وقوليله ان اللى فى بطنك دى امانه لازم تحافظوا عليها
طالما موش مرتاحه للدكتور غيروه
ان شاء الله جوزك يقتنع

اصل احنا عاملين معاه كارت متابعة
من الاول للآخر
ودافعينله 500 مقدما من اول الحمل

اضحكي اضحكي هههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM