.·¤ تجمع الحوامل اللي ولادتهم في محرم¤·.

[ام سلطان!]

يوووو يابنات

قعدت ابكييي بغرفة التخطيط حسيت جات ساعة الجد
وقعدت اتخيل نفسي ولاده وكيف بتحمل و و

وربي دموعي اربع اربع ومن امس مونااايمه والحين رجعت بيتي
بنااام موقادره خايفه

ولماسويت ورقة الدخول ليوم الثلاثا قعدت ابكييي وربي نقابي تبلل


يااارب انك ترحمممم ضعفي
تكفون ادعوولي

[ام سلطان!]

ام جنى مشكووووره حبيبتي ع الافااده
الله يسهل امررك ويهون عليك..

بس التحريض خلال كم اولد تقريباً يوم يومين..؟

قاعده اطالع شقتي واتخيل اني مابرجع لها الابعد شهروزود
وارتب الي محيوس واقول خلاص اخر مره <~فلم هندي سويت
ياربي وش هالشعوووور

[ام جنى الامورة]

حلو ام سلطان يله اشتغلي ونظفي شقتك وبعدها اشربي حليب بقرفه وخوذي لك شور دافي وخلي المويه تنزل على بطنك وظهرك اكثر شي وبعدها نامي وان شاء الله بتصحين على الم ولاده
ولو ماجاك شي بكره كمان اشربي حليب بقرفه وابدي مشي لاتقولين مايفيد واني اتعب صدقيني مع التحريض بيجيك الطلق الحقيقي وبتخلصين من هالمعاناة
يارب يسهل علي وعليك وعلى كل البنات

[Marawy]

مرحبا.. شلوونكم.. وحشتووني.. وحشتووني.. وحشتووني.. ولدت وما صار عندي وقت احك شعر راسي.. شواخه خذت وقتي ووقت اهلي كلهم..

الف مبرووك لكل اللي ولدوا وعقبال كل اللي ما ولدوا.. ربي يكتب لكم ساعة السلامه ويسهل ويهون عليكم الطلق..

ان شاء الله بكتب لكم قصة ولادتي بشكل شبه مفصل.. بعدين..

[Mishael]

ام سلطااان ياحياتي انتي تووحفه سويتي فلم حرام عليك
صدقيني بس تنزل ديم من بطنك بتحسين اليوم كللللله حلم بتضحكين على نفسك وبتستغربين انه عدا على خير الحمدالله وافرحي وانبسطي كلها كم يوم وديوم بحضنك
والله كنت كل ماتعبت بالطلق اتذكر انها قربت واني بشوفها اتحمس وادفع اكثر وانبسط حاولي تهدين نفسك وتعطينها حافز ودعم ويجابي مو سيء
واشربيلك كاس عصفر اللحين
،،

مرررراااوووي ياأهلا وسهلا بام شيخه ياحي الله هالطله مابغيتي تطمنينا ،، ياحبيلك معذوووره ياعمري انتي اهم شي تكونين انتي وشيوخ بخير يارب

[Marawy]

مرحبا..
شلونكم؟؟
ولدت وما صار عندي وقت احك شعر راسي..
وقررت اكتب لكم قصة ولادتي.. وصرت كل يوم اكتب شوي منها..
وقبلها ابغي اشكر بنات تجمعي.. تجمع حوامل محرم وتجمع صفر وبالاخص. ملكتني بهمسك.. لانها ساعدتني كثير فديتها..

انا ولدت الحمدلله رب العالمين بتاريخ 23 نوفمبر 2012 يوافق 9 محرم.. الساعه 2:54 العصر..

طبعا 3 ايام قبل تنومت بالمستشفى لاني كنت رايحه موعدي وقلت لها عن الالام اللي تجيني وسوت لي تخطيط وشيكتني وشافت ان فيني طلق ومفتوحه 2 سم داخله ع ال3 سم..
تنومت عندهم وكل يوم يجيني طلق بشكل متواصل بس ما يزيد.. ويبان بالتخطيط عندهم.. وما كان الرحم يفتح اكثر من 3 سم.. يوم قبل الولاده عملوا لي تخطيط وشافوا ان دقات قلب البيبي تضعف وترجع طبيعيه.. بسبب الطلق البارد..
بعدها قرروا يعطوني طلق صناعي.. اليوم الثاني 23 نوفمبر جاو لي الصبح الساعه 8 ونص تقريبا قالوا يالله بننزلج للولاده.. نزلوني تحت.. واول ما دخلت بدلت ملابسي ودخلت الحمام الله يعزكم.. وبعدها نمت ع السرير.. والغرفه كانت بارده.. يمكن من الخوف شوي ههههه..
اول ما تمددت جاتني ممرضه حليوه سلمت علي وقالت لي انا بكون معاج من البدايه للنهايه وما بتركج الا لين ولدتي.. طمنتني شوي وصارت تنصحني ان لو شنو الالم اللي بيجيني بعدها ما بيتكرر ف عمري كله لان كل ولاده غير عن الثانيه.. وارتحت من كلامها وصرت اسولف واضحك معاها..
وصارت تسألني شنو فيني قلت لها بنوته وانتظرناها 6 سنين
.. استانست وحسيتها مثل اختي.. ربي يجزيها الجنه.. هي هنديه.. بس بصراحه راعتني كثير لدرجة ان امي وزوجي لما خلصت وولدت نادوها وعطوها فلوس على اللي سوته معاي لانها تستاهل فديتها.. ركبت لي مغذي قالت هذا بس مغذي مو طلق.. عشان ما نقدر نعطيج اكل او شي وانتي تطلقين.. اللهم تشربين شوي ماي..وانا كنت ما ماكله شي من يوم قبل غير تمر ع الساعه 2 ونص بالليل..


بعدين ع للساعه 9 تقريبا جاوني دكتورتين وحده باكستانيه والثانيه مصريه ربي يجزيهم كل خير.. طيبين وصبروا علي لاني بكريه وحسيتهم فاهمين عدل شغلهم..
قالت لي الدكتوره الباكستانيه ان بنقيسج ولنفتح لج الماي عشان يجي الطلق الطبيعي لج ويمكن ما نحتاج الصناعي.. قاستني قالت 2 سم والرحم سمكه 1 سم.. يعني الراس قريب.. وفكت الماي.. حسيت بشي دافي ينزل ويريح.. قالت الحين بيبتدي الالم شوي شوي بس ترا احنا تونا في البدايه يعني بتطولين لانج بكريه.. قلت لها اي اوكي ادري.. وتوقعت وهم توقعوا اني اولد بالليل الساعه 9 او 10 بالليل

طلعوا الدكاتره.. وزوجي وامي معاي واختي وزوجة اخوي يجون يطلون علي ويكلموني ويطلعون.. وامي قاعده وتقرا علي.. عطتني الممرضه ابرة العضل.. شوي الا زاد الالم وصارت تجيني طلقه قويه كل نص ساعه.. بعدها بفتره صارت الطلقه تجي كل 10 دقايق تقريبا. . قالت الممرضه الحين بيزيد الالم فبشيل الاوكسجين العادي عنج وبعطيج الاكسجين الكبير عشان الالم يخف.. قلت اوكي.. جابته وصرت اشفط منه لما يجيني الالم.. وكانت تقول لي بتحسين راسج يدور عادي.. قالت الحين بقيسج.. قاستني قالت 3 سم والرحم سمكه نص سانتي.. وامي كانت جنب راسي.. قالت يااربي كل هالالم و3 سم.. شكلج مطوله وكانت خايفه علي اتعب.. بعدها قالت بتجي القابله بتركب جهاز في راس البيبي من تحت عشان يقيس دقات القلب لان خلاص التخطيط ما عاد ينفع لان راس البيبي تحت كلش.. جات وركبته وهي تركبه قاستني وقالت صرتي 4 سم وسمك الرحم صفر.. وكانت مستانسه تقول توقعنا تطولين.. واختي كانت جنبي قالت لها يعني لين العصر تولد قالت اي ان شاء الله.. وهالكلام كان على الساعه 10 ونص او 11 يمكن..

ظليت كل ما يجيني الم الطلق اشفط الاكسجين.. وكل ماله يزيد.. بس ترا يا بنات الالم محتمل مو اللي يذبح.. فيه بنات الله يهديهم يبالغون.. انا احس الالم كان يجيني ويروح يعني فيه فتره بين الطلقه والثانيه ارتاح فيها.. وصح الالم يصيح لكن مو لدرجة الشي اللي مستحيل اجربه مره ثانيه.. بالعكس كل ما اتذكره احس انها مغامره حلوه والوحده تدخل ما تدري وش ينتظرها..

بعدها جاو الدكتورتين لان دقات قلب البيبي صارت تضعف والاوكسجين يقل علي وعلى البيبي.. وهذا كله بسبب الطلق البارد اللي كان يجيني طول الثلاث ايام اللي قبل الولاده..
قالت الدكتوره.. مروه بندخل ابره صغيره نسحب دم من راس البيبي عشان نشوف مستوى الاكسجين عندها لانها تعبت.. قلت اوكي.. وكنت هاديه ومستسلمه لكل شي.. حتى الممرضات مستانسين يقولون اول مره تجينا مريضه متساعده معانا مثلج هههههه.. كنت احاول قد ما اقدر ما اصيح.. او اصرخ.. والحمدلله ربي سهلها علي.. على التعب اللي جاني..
جابت عدة وبدوا يدخلون شغلات ومادري شيسوون والالم ذبحني.. وتجيني الطلقه وهم مدخلين انابيب فيني وغير ايدها وسحبوا الدم من راس شواخه بنتي فديتها.. وقالت لي انتي الحين 6 ونص سم.. 7 سم.. وهذا كله في وقت قصير ما شاء الله تبارك الله.. <وهذا من عقب فضل الله يرجع لملكتني بهمسك اللي علمتني على كف مريم لان هذا مفعوله وحسيت جاب نتيجه.. والكل متعجب لليوم اني بكريه وولدت في 6 ساعات ماشاء الله تبارك الرحمن ماشاء الله>
قالوا لامي خلاص اطلعي بره الحين.. ولما طلعت هي وزوجي وقفوا بره عند الباب ينتظرون ومره وحده اسمع الممرضه تقول 9 سم.. 9 ونص.. وصاروا يجهزون الاغراض والعده.. والدكتوره لما سأللها زوجي عن الدم اللي اسحبوه من س شواخه قالت لانها تعبت ولو رجعت اتعبت مره ثانيه بنسوي لها قيصريه.. وراحت الممرضه تقول لزوجي وامي اني الحين 10 سم ومسكينه من الوناسه ضمت امي وكأنها وحده من الاهل فديتها..
ف
وبعدها بدت مرحلة الدف.. بوش بوش هههههه.. هالمرحله يجي شعور غريب وكأن طول عمري بتم ادف وما بيطلع شي.. هههههه.. سبحان الله البيبي يطلع بروحه انا مجرد اساعده بالدف.. والا هو يطلع بقدرة ربي والله.. لاني كل ما ادف ما احس ان شي بيطلع.. ظليت ادف ادف لحد ما طلعت شواخه وفديتها ما صاحت عشان جي ما جابوها عندي بس رفعوها وروني اياها من بعيد.. وعلى طول خذوها ودخل لها دكتور الاطفال في غرفه صغيره داخل غرفة الولاده..

بعدين سمعت صياحها.. وهي داخل.. والله يا بنات شعور غريب جاني.. بس ولدت وطلع الراس حسيت كأني كذابه.. الالم كله اختفى سبحان الله.. حسيت براحه عجيبه.. وصرت اقول حبيبتي ايه عليج وانا اصيح..

شعوور حلوو وغريب بنفس الوقت والله اتمنى ما تنحرم وحده منه.. ودعيت للكل بالتجمع ربي يرزقهم اللي يتمنون.. وملكتني ربي ييسر امرها ان شاء الله ويفرج همها وهم كل بنات التجمع.. ويسهل على كل حامل بالتجمع..

اسمحولي بطلع الحين عشان جايتني مراخه تمرخني واليوم اول يوم معاها.. ارجع لكم لما يصير لي وقت..

استودعكم الله..

[Noga88]

ام سلطان ،،،، وش هالفيلم ههههههههههههههههه
والله ميته من الضحك وانا اقرا يعنني قويه لما سالتك الدكتوره افحصك او لا
المووووهم عاد ترى مسختيها يالله عاد
عليك بالدافي والقرررفه واللي ينصحونك فيه البنات
احسسن لك من الصناعي



مراوي ،،، وحشتينا ياااااااشيخه ،،، واالله يعينك حاااسه فيك والله ،،، بس ننتظر الاكشن ولا تغيبي واجد مابقى شي ويقفل التجمع نبي نوقف مع الصامدات

[غايتي الجنة]

لا تسوينها وتولدين يام سلطان بعدين اجلس لحالي

الله يهون عليك يارب

[ام بشرى 1434]

كيفكم كروشات والله يا انا داخله معكم جو.....وانا اقرا قصصكم انسى اني بالسابع واحسب نفسي بالتاسع هههههه

[أم جنى فديتها]

مرحبا ....
ماشاء الله لا اله الا الله
الحمد لله على سلامتك مراوي وباقي النفوسات

بس حبيت اقولك لما قلتي مدري ليش الحوامل يهولون الولاده والمها ويقولون انه غير محتمل
انا باجاوبك عن نفسي
انا وحده منهم وبصراحه لمن اروح المستشفى وقت الولاده اطلب منهم مسكن بس مايرضون يعطون اي نوع من المهدئات عشان يسكن الالم
اللهم بس يعطونك اكسجين على قولتهم انه يخفف الالم بس مايسوي ولاشي
هاذا غير معاملتهم الزفت اللي تصعب علينا زياده
بس انا هالمره قررت قبل ولدتي بكم اسبوع نروح نشتكي عند مدير المستشفى ومايجي وقت ولادتي الا كلشي كويس وماشوف اي شي مو كويس لان بتصير شكوى ثانيه عليهم