.·¤ تجمع الحوامل اللي ولادتهم في محرم¤·.

[بنت تبوك]

المشاركة الأصلية كتبت بواسطة mishael

هلا بنت تبوك الحمدالله تعرفين مع البرد والله تعبتني انا جاني اللوز واعديتها اذا عندك حل
والحمدالله بطنها ارتاح عسى ربي يريحك بعد ماشربتها الاعشاب كم مره حتى انا صرة اشربها
سألت عنك العافيه ياقلبي ماقصرتي

سلامتك والله وسلامة العسوله اللي عندك جربي لها ملعقه صغيييييييييييره من زيت السمسم او دفي زيت زيتون مع زنجبيل مطحون ودهني صدرها وضهرها وهو دافي
هذا دوا لللحساسية الصدر والبلغم والكحه بس انشاءالله يفيدها باللوز
واذا دهنتيها دفيها زييييييين

[بنت تبوك]

مشاعل احنا عندنا يدهنو المولود بزيوت واعشاب يسمونه دلوج مادري انتم تسون كذا والا لا ؟؟
المهم انا ماكنت احب هالشغلات ولا احب ريحتهم بس والله طلعت غلطانه لأنهم يفيدو المولود وحتى لمن يكبر ماينمرض وقت التسنين ويكون جلدهم مشدود ** انا في بنتي كانت امي مجهزه الزيت وكل يومين تدهنها وثاني يوم تروشها وماشاء الله طلعت جلدها مشدووود وقوي بس اخوها لمن جبته ماحطيت له شي وقلت هذي كلها خرااابيط وبس لمن كبر شوي لاحظت ان بشرته رخوه مو زي اخته ومن اربع شهور بدأ يتعب من بداية اعراض التسنين والله تبهذلت معاه استفراغ واسهال كان يوصل شهرين مايوقف ويصير عنده جفاف ويتنوم بالمستشفى .. وقتها بس عرفت فايدة الزيوت والاعشاب اللي تنحط على الطفل اول شهرين..
ووحده قريبتي ولدها كمل سنه وطلعت اسنانه ولامره تعب ولا سخن عليها ولاحست بمعاناة السنين وتقول من فوائد الزيوت..

[دلع الأحساء]

هلا بنات انا ولدت تاربخ15 /1
وجبت حمود ربي يقومه بسلامه هوا تعبان وفي العنايه ادعوله تكفون
اكشن ولادتي هوا
قررت ابي طلق صناعي وافتك و اولد فا اخترت يوم الثلوث اروح لهم
الثلثاء في الصباح كذا رحت لهم بعد ماسويت جماع توديعي خخخخ
رحت الطورى عند الاستشاري وخبرته اني تأخرإ 3ايام عن موعد
قال بس يعني انتي ليش جايه في مشكله قلت لا بس ابي اولد خايفه ع البيبي لان قبل مسقطه
قاست الممرضه ضغطي وطالع ضغطي حييييل مرتفع وتقيس ثانيه وهم بعد مرتفع حييل
قالت انتي معك ضغط قلت لا بس انا مسوية مجهود قبل اجي هنا اتوقع عشان كذا ضغطي مرتفع
المهم قال الدكتور سوي عينه من البول وسويت عينه وحطت شريط مادري ليه المهم ان كول شي بخير
وبعدين سوا الدكتور لي سونار وانا اقوله كم الاجازه لاني ادرس وكذا
وكان يبي يخفظ ضغطي يفكر مرتفع من الخوف خخخ مايدري انه مرتفع من ابو العيال
المهم طول ما يشوف بالسونار وهوا يهذر وياي انتي اي سنه واي قسم ويسألني عن معارك لان انا قسم تاريخ
وبعدين قال البيبي كويس خلاص اكتب لك ع تنويم
وبس طلعت فوق التنويم ع9الصبح وتمبت الثلوث كله ماجات دكتوره لي طفشت حييل ابي طلق صناعي وافتك
وكان التخطيط 3مرات باليوم
وعاد اذكر جاتني ممرضه بنص الليل بتسوي تخطيط وانا نايمه ركبت الجهاز وطلعت وانا كملت نوم
جات وصحتني معصبه ههه تقول مافي نوم ماما هذا بيبي ينام بعدين يصير مافي كويس في التخطيط
وتميت صحيت مفتحه عيوني وانا نعسانه بس عشان حمود يصحى وفعلا صحى قام يتحرك هه فديته المهم
وجا الربوع ع12الظهر جات الدكتوره وسوت لي كشفيه الحمدلله كانت يدها خفيفه وقالت مفتوح 1ونص وحطت التحميله
قالت ما اقوم من مكاني لمدت ساعتين عشان ماتطلع التحميله
وبعد ساعه من التحميله سوو تخطيط ومافي طلق ابد
انقهرت
بعد ست ساعات من التحميله الاولى جات دكتوره ثانيه تقيس وتحط تحميله ثانيه قاست قالت بس مفتوح 2ونص وحطت تحميله ثانيه
وبعد ساعه سوو تخيط ومافي طلق معني احس بالم تروح وتجي
وكان وقت الزياره وزوجي يمي وانا اطلق يحط يده في فمي يبي اعض عليها وقت الالم بس من الالم مافيني شده حتى امسك يده
وتميت ع هالحال متحمله الطلق واستنى يزيد ومب راضي يزيد تميت امشي في المستشفى
الا شفت دكتوره قلت لها لوسمحتي انا حطولي طلق صناعي تحميلتين ومابين في التخطيط ان معي طلق بس انا احس بألم قالت وصفي الالم
قلت لها اسفل بطني كذا يروح ويجي قالت هذا كلق ومو شرط بين في التخطيط يمكن الجهاز كان مو مركب عدل
قلت لها طيب اشلون اخليه يزيد عشاني بي مفتوخ الرحم 2ونص
قلت لها اكثر من المشي ويزيد
قالت لا اصلا لمشيتي مب يفيد بتمشين ع الفاضي وبتعبين روحك احسن لك روحي انسدحي في سريرك وريحي وراك ولاده
ورحت انسدحة وتميت اسمع قراءن وادعيه صاير قبل اروح المستشفى اخذت جوال من هالجةالات الي عندي وعبيته بطاريه فول ونزلت فيه ادعيه وقران قلت عشان لجاني الطلق اسمع لان بكون ماقدر اقراء
وفعلا جلست اسمع وكل اشوي اتصل ع امي واقول لها حار واصيح وامي راحت بيت جدي وتمو هناك خوالي واخواتي يدعون لي وانا كل اشوي اتصل اصيح ههه
تميت اطلق من العصر بدء معاي كذا اربع لين الساعه12بالليل حسيته صار شبه منتظم بس نفس الالم مازاد بس ترى يذبح
رحت الممرضه قلت لها حسيت الالم منتظم عندي
والا جات الدكتوره الي سألتها عن الطلق والمشي والحمدلله كانت طيبه ومتفهمه وحيل خلوقه
جات وقالت ها اسمع عندك انك تتألم اكثر قلت اي بدء ينتظم اكشفت وقالت بس مفتوح 3سم مافي ولاده والا توها بطلع اطابيعها الا ينفتح ماي البيبي ويطلع يع شي مقرف الصراحه ريحته مو شي نفس ريحة مني الرجل وكان شفاف نفس الماي
وقالت الحين ولاده دخلي الحمطمام وبدلي ويلا بنوديك غرفت التحظير
بدلت و ودوني غرفت التحظير كذا ع الساعه 1بالليل سولي تخطيط تحت قالت ترى طلقك بارد لو اخليك ع التحميلتين بس احتمال ولادتك بتكون 10الصبح
بس لو احط لك طلق مره ثالثه في المغذي بتصير ولادتك بعد 3او4ساعات قلت لها اخاف من الطلق يتعب رحمي
قالت لا افا عليك انا دكتوره وافهم شغلي
حطولي طلق مره ثالثه
وقاست رحمي ع الساعه 2قالت 4سم
وانا اقول ياربي ع هالالم وبس اربعه
وطلبت منها شي مخدر ولا اي شي يخفف الالم طبعا ماعندهم ابرة الظهر
قالت لنفتح 5اعطيك
وجات لي بعد ساعتين كانت كذا 4الفجر وانا كنت اكلم امي واصيح اقول لها يعور حييل الطلق وبس مفتوح 4 الطلق عندي بارد تقول دكتورتي
وامي تهدي فيني ولما شفت الدكتور قفلت السماعه
اكشفت وقالت مفتوح5الحين اعطيك مخدر ومابتحسي بأي الم حطتلي في المغذي
وقالت غمضي وريحي لاتفتحين لان لفتحتين تحسين بدوخه وبتستفرغين
انا غمضت ومادري كيف صرت بوادي ثاني مادري ذاك الوقت وين انا في راح الالم او صار محتمل
الا رجع ثانيه والا بدخلت الدكتوره علي قالت طلقك حمى خل اكشف وكشفت قالت 9سم باقي1و تكون ولاده قلت لها طيب الالم زاد
قالت اي لان خلاص ولاده
الا بعد دقيقه حسيت بشي يدف ويخليني ادفع غصب عني
واصارح انادي الممرضات اقول لهم ولاده وقاسو قالو ولاده لاتدفين وانا ماقدر وقت الطلقه ادف من غير ماخس
عاد اهم مايبوني ادف الا لين ينقلوني من غرفة التحظير الى غرفة الولاده
وطفشوني لان يتبيطؤن ويصارخون لاتدفين وانا غصب عني ادف
المهم ودوني سرير الولاده ودفعت مرتين الا بطلعت حمود
طبعا سويت نفس الي قالت ميشو ماصارخت وقمت رفعت نفسي وقت الدفع
وفعلا بسرعه طلع
واسانسو علي الممرضات لان مالعورتهم
وصدفه كان الجوال عند راسي وبس طلع حمود راح الالم وذكرت الجوال وخذت وصورت حمود وهوا ماسكينه من رجوله وفيه الحبل والدم
والممرضه مستانسه علي ان اصور وخلتني اصوره
نظفوه وجابوه لي وهوا يصيح وقالو صوريه وماصدقت خبر وصورت ههه
الا جات الدكتوره عشان تخيطني
قالت الممرضات مبسوطين عليك يقلون مالعوزتيهم ابد وكنتي كأنك عندك خبرة في الولاده ماكن ذا اةل بيبي
وانا اهذر مع الدكتور طبعا بنجت المنطقه وهي تخيط
وانأ اسألها وهي تخيط كيف اعتني بالخياطه
كان في الم وقت الخياطه واحس بسحبة الخيط بس الم محتمل بقوه
الي عورني وقت التنضيف يدخلون قطن وينظفون
المهم صارت فيني خياطتين للأسف وحده هم اجروحوني والثانيه تمزقت
وبث صعدت فوق وحمود وياي اول يوم ماحسيت ابد ان ذا ولدي ومو داق قلبي له
الا ثاني يوم وانا في المستشفى طبعا بشيله ارضعه الا حسيت نفسي بسته من غير ماحس
قلت للي جنبي تصدقين من جبته توني ابوسه
ويافرحه ماتمت جات دكتورة الاطفال اكشفت عليه
قالت التنفس عنده مو طبيعي بيبقى معنا في العنياه وانتي خروج
وانا زعلت حييل وحاولت قد ناقدر ابعد الزعل عشان مو زين للوالد
وبس دعواتكم يطلع بسلامه
زرته في العنايه وكان يكسر الخاطر في مغذي و اكسوجين
والحين واحشني حييل اتمنى اروح اليوم ازوره ويقلون لي خروج ويبشروني انه بخير

[دلع الأحساء]

تدرون وش المفاجئه ان بسونار الرباعي حمود كان نسخة ابوه
حتى يوم ولدته يشبه اهل ابوه بس يوم صعت فوق
تغير وصار يشبهني
واقول لخواتي وطبعا صج حسو.بالفرق
لان مصورته في كل المراحل
وهةا في بطني شافو صورته
واول ماطلع شافو صورته
ويوم صعت فوق شافو صورته
وبجد كل صوره بيبي ثاني ههه
وطبعا حاليا يشبه اهل عمي

[دلع الأحساء]

ع فكره ملوكا حتى انا الغازات زايده عندي وتطلع غصب عني ههه انحرج

[بنت تبوك]

ماشاء الله عليك يادلع طلعتي مره سنعه مع انو مالك خبره
الحمدلله على سلامتك والف مبروك ماجاك ويتربى بعزكم يارب .. هااااااااه بتكررينها مره ثانيه والا خلاص توبه ..ههههههه
بالنسبه للغازات اشربي كمون ويانسون مغليه مع شوي سكر او عسل
والله يشفيلك حمودي ويطلعه انشاءالله بالسلامه وعقبال ماتفرحي فيه انشاءالله.

[عيون احمد]

روعة النسيان

مشكورة ع الردانا بجرب الجماع وان شاءالله اولد لانو خلاص تعبت من الثقل ولااقدر اتحرك
وامس ظهري وبطني الم موطبيعي بس مارحت المستشفى استحملته حتى النوم مانمت من العوار وكل شوي قايمه قاعده

Mishael

مشكورة ع الرد لاانا طاحت في البيت بعد ماركبت الدرج مرتين ومشيت واكلت اناناس
ان شاءالله الله يسهل علينا ونولد بسلامه ..

[ام يارا القادمه]

المشاركة الأصلية كتبت بواسطة قلبها فيصل

ام يارا انا بقولكم قصتي بولادتي البكريه الصباح كنت نايمه وكل البيت نايم (بهذيك الفتره كانت اخت زوجي جالسه عندنا موقتا) وكانت شغالتها توها واصله لها يوم وبما انو زوجي يتااخر هي راحت تنام وقالت تكفين انتبهي للباب اذا جا زوجك قفلي الباب وخذي المفتاح عشان ماتهرب شغالتي لان الشغاله كانت تبكي ومتضايقه عليها بوادر هروب المهم جا زوجي متااخر زياده بحكم ظروف دوامه وكان تعبان قفل الباب بس خلى المفتاح على الباب نسى يجيب المفتاح معاه جا نام على طول انا من التعب نمت قبل اخت زوجي اذكر اني وصيت زوجي على المفتاح المهم الساعه تسعه الصباح صحيت على طق باب غرفتي قمت انا فتحت لقيتها اخت زوجي تقولي وش سويتي الله يهديك انا امنتك على الباب الشغاله هربت انا هنا تفشلت بس وربي كنت تعبانه ماني يم شي المهم زوجي بعد صحى على طق الباب وشاف اخته تصيح وانا كنت عروس لسى توني ماكملت سنه لسى وكنت مستحيه وخصوصا اني السبب المهم قام و،طبعا كانت الشرطه داقه عليها تقول شغالتكم عندنا المهم راح زوجي وجابها لان زوجها ماكان موجود المهم اول ماجت صارت سالفه وكذا المهم مالكم بالطويله -هذا كله ومالكم بالطويله- هههه لا بس قلت القصه عشان اقولكم يمكن الخرعه هي سبب الولاده ماادري المهم انا ساكنه فوق اهل زوجي هم كلهم انشغلوا بسالفة الشغاله وانا واقفه معهم بس منبلهه ولا ادري عن شي كاأني مخدره بعدين جلسنا عند خالتي تحت وهي تناظرني وتقول فيك شي اقولها لا ابد بس يمكن انخرعت يوم تصحينا اخت زوجي وجلست عندها انا وزوجي هي تقول لا الا فيك شي وقامت تقول لزوجي ودها زوجتك شكل طلقها بارد وشربتني حليب فيه زيت زيتون وعطتني بخور اعتقد انه الميرميه اعتقد والله ماتذكر وشوي بعد ماتبخرت فيه من تحت رحت المستشفى وقالوا فاتح 2سانتي او 3 ونوموني لان النظام اذا 2خلاص تنويم وجلست عادي مافيني شي والناس اسمع صراخهم وخايفه بس خوات زوجي يوم رحت سالتهم وش بيصير قالت وحده الي هي صاحبة الشغاله لا ماعليك عادي مره سهله والثانيه جنبها تقول لا بيجيك الم ماعمرك توقعتيه قالت لها اختها حرام عليك ليش تخوفينها قالت لازم تعرف انا هنا حقدت عليها ليش تخوفني بس بعدين ولين اللحين ادعي لها من قلبي وبقولكم بالنهايه السبب المهم الساعه 3العصر فتح الرحم زياده وجاني الطلق بدا خفيف بعدين متوسط بعدين شد قوه وانا كل هذا واقول اللحين بيجي الي تقول عنه اخت زوجي الالم القوي وولدت وانا انتظر هذاك الالم ههههههه عشان كذا دعيت لها وانا اولد وعرفت قصدها يوم خوفتني كانت تبي تخليني انشغل بالتفكير بهذاك الالم وانسى الطلق وفعلا هذا الي صار الله يسهل لها كل امورها المهم باليل ولدت تكفون بنات اذكروا الله بس بقولكم الاسباب الي ان شاءالله تسهل اول شي الدعاء طبعا وثانيا الدكتوره الزينه لانها الله يوفقها هي الي ساعدتني كان عندي مغص خفيف رحت لها مستوصف خاص كانت كبيره شوي بالسن وعندها خبره جت تقيس قالت انتي عنق الرحم عندك بعيد وسحبته وماعلمتني عشان مااخاف ويوم خلصت علمتني وانهبلت انا كيف تسحب عنق الرحم المهم سهلتها علي من بكرا ولدت وزيت الزيتون مع الحليب هو الي ساعدني كثير والي تبخرت فيه واظنه ميرميه بس مو متااكده اسألوا احد كبير بس لاتتهورون قبل تسألون ويمكن الخرعه حقة الشغاله فادتني بس ارد على سؤالك ام يارا انا رحت المستشفى وانا عادي ماكأنه فيني شي واصلا الطلق من كم يوم بس بارد جدا لكن وقت الولاده طلع كله علي بغيت اموت وربي حسيت بالموت الا شوي نسيت اقولكم قبلها بيومين ينزل معاي افراز بالدم وانتو بكرامه ،،، طولت مره عليكم بس قلت يمكن يفيد احد كلامي

تسلمين ربي يسعدك صراحه استمتعت بقصتك واستفدت منها ردك كان شافي ومفيد لٱن هالسؤال كان محيرني مالقيت جوابه عند احد بس بعد الي صارلك صار واضح عندي


واتوقع الروعه والخوف تجيب الولاده البارح زوجي يقولي امه تحكيله عن وحده تااخرت ولادتها وجابلها زوجها ضب رماه عليها وولدت نفس اليوم خخخخ عاد شكلهم ناوين علي الله يستر

[@ام عبدالله]

الف مبروك لكل الولدو

[ام يارا القادمه]

المشاركة الأصلية كتبت بواسطة ملكتني بهمسك

والله خطير لازم تراجعي يا الغاليه اهم شهر التاسع والي بعده
وليش سرتي ماتدخلين كثير فقدك انتي واعز وجلستنا هنا بتجمع

صباح الورد يالبى قلبك ملكتني ملكتي التجمع بحنانك وحبك


يعني ضروري اراجع حتى لو ماحس بااي شي

مدري خفت صراحه يارب يحميه لي وانا من امس طريحه الفراش زكممممه عذبتني وحلقي مبحوح مره مو وقته


والله انا بعد اشتقت لجمعتنا مع اعز ياه تذكري سهرتنا قبل رمضان بيوم كانت احلى دردشه وربي


ذكريات تهئ تهئ