.·¤ تجمع الحوامل اللي ولادتهم في محرم¤·.

[أم ريوم]

بنات بقولكم خلطه للخياطه ع شان ماتلتهب عليك

تجيبي زيت زيتون وتحطين فيه خواجوا وقشر بصل وكسره بسيطه مره يعني نص حبة الحمص

وتغليه ع النار واذا برد عبيه بعلبه وحطيه في الحمام الله يكرمكم

وكل ماتغيرين الفوطه امسحي عليها منه والبسيها والله راح تدعون لي


وابي منكم دعوه صادقه ان ربي ييسر عمليتي ويرزقني الوظيفه ياااااارب

[هدوء الماضي]

المشاركة الأصلية كتبت بواسطة قلبها فيصل

لايابنات انتبهوا من المره ماتصلح للخيوط نهائيا وش فيكم نسيتوا انها تشد اللحم وبذالك راح تشد الخيوط على اللحم ويصير الخيط قاسي هذا الي يسبب الم والتهاب لانها الخيوط صارت قاسيه وتسوي احتكاك مع اللحم واحيانا تعلق بالفوطه - اه ياقلبي مره توجع اذا تعلقت بالفوطه يمه تذكرتها قد صارت لي بنفاسي الاول - لما تطيح الخئوط يجي وقت المره لانها تشد اللحم وهذا المطلوب وانا كنت انقعها بمويا حاره لين تذوب شوي واحط شوي من جوا والباقي من برا طبعا بعد شهر من الولاده يعني قبل اطلع من الاربعين المهم فيه خلطه روعه الي هي اتوقع زيت زيتون وخوا وجوا بس مدي كيف الطريقه بالضبط الي تعرف تفيدنا بس اذكر انو يمدحونها وترا لازم من الم الخيوط اول الايام وانا الله يعيني افكر تفكير جدي بعد الولاده باسبوع بروح لدكتورتي الي بالخاص تفك الخيوط وتسوي لي تجميليه من برا وجوا سمعت بنات مره يمدحونها وانا قررت اسويها شرايكم؟ بس طبعا ابيها بدون علم زوجي فكيف اروح بعد اسبوع احس بيكتشف وبتفشل لان وحده انصحتني تقول انتبهي يدري ان درا ماكأنك سويتي شي شرايكم؟

انا امي قالت المره تستخدم بعد ماتطيح الخيوط عشان تشد اللحم من تحت وتضيق

[أم ولودي]

هدوء الماضي نفس كلامي بعد ماتطيح الخيوط تنحط المره لكن انا ماتوفرت عندي المره الا باخر الايام لكن كلامي انها بعد ماتطيح الخيوط عاد بكيفك متى مابغيتي اهم شي بعد ماتطيح الخيوط

[Malloka]

شنو اشرب بنات علشان اتبرز
والغازات زايده
بسكر فمي مو ماكله خايفه
اليوم ثالث لي

[Malloka]

يصلح اسبح اليوم واغسل شعري

[أم ولودي]

اكيد لا ماتتروشين نهائيا وترى اذا مااكلتي راح تنعدمين وتخربين خراب مايصلحه الا النفاس الثاني بالنسبه عشان الامساك في بالصيدليه اشياء كثير ممكن تفيدك كثير ارسلي احد واذا كنت مستحيه كلمي الصيدليه يجهزه لك وارسلي اح يجيبها والغازات مافي احسن من الكمون لها ياتغلينه وتحلينه بشوي يكر او عسل وتشربينه عادي او يكون مطحون وتلهمينه وبعده اشري مويا دافيه يجنن للغازات انا جربته بنفاسي الاول

[بنت تبوك]

صبااااااااااااااااح الخير عالموجودين اخباااااااااااااااااركم
اليوم النفسيه الحمدلله زيييييييييييينه رحت المزرعه من العصر ورجعت 12 بالليل وغيرت جو والله ماكنت ابي اروح بس بنتي اصرت علي لأنها طفشت هي واخوها ورحت..
سبحان الله يابنات توني اقتنع ان الجلسه تحلو بالناس اللي فيها مو بالمكان جاتنا وحده ماعرفها اول مره اشوفها بس ماشاءالله عليها تدخل القلب بسرررررررررعه نكتيه وعلى البركه وسوالفها تجننننننن مع انها حرمه كبيره مو من عمرنا
بس والله اني مابغيتها تروح من كثر ماهي حبابه ومتوااااااضعه وحتى لمن راحت وصت ام زوجي وامنتها اذا ولدت تعطيها خبر علشان تجيني تقولي مررررره حبيتك وحسيت كأنك وحده من بناتي .. وانا اول مره اقابلها وحبيتها مررررره

[انا المستحيل]

من قال
ماتتسبحين
طيب الدم وتعب الولاده
انا تسبحت الحمدلله وتدفيت بصراحه ماعرفت انام الا لما تنظفت اهم شي تدفي كويس ولفي راسك

[مامة اولادي]

ملكتني يالغاليه باذن الله يوم السبت الجاي بتاريخ 24 محرم تكوني دخلتي التاسع يعني بعد اسبوع بالضبط على خير يارب
سامحينا على التاخير يا روح المنتدى

[اللهم سترك وعفوك]

الحمدلله من قبل ومن بعد واسال ربي تمام النعمه هذي قصة ولاادتي

يوم الثلاثاء بالليل قررت اروح اسوي تحليل بول واشوف إذا عندي التهابات لاني ملاحظه الم وقت البول وافرازات صفراء وخضراء فاتحه قلت اخاف ياثر ع الجنين وقت خروجه اسوي مسحه افضل دقيت ع دكتورتي قالت زحمه مافدر استقبلك قلت مالي الا اروح طواري الحكومه جاني زوجي الساعه 12بالليل ورحنا وطول الطريق اذكر ربي ولاني بالتاسع ع طول دخلوني ع الدكتوره طبعا قلت خليني اقول معي مويه عشان تشوف رحمي كم كذبه بيضاء هع قاست بطني وقالت بكشف تحت اخذت نفس وخليتها تكشف والمفاجئه الحلوه المرعبه انها قالت ما شاء الله الرحم مفتوح 4سانتي أنا طارت عيني قلت دكتوره مامعي طلق قالت انتي ولاده خلي زوجك يخلص الاجراءات صراحه جلست ابكي لاني ماشفت بنتي قبل اروح ولا بوستها ولاضميتها وادق ع اهلي ابكي واوصيهم ع بنتي واطلع لزوجي قلت ولاده وابكي وامنته بنتي واستودعتها ربي صعدوني غرفة الولاده على الساعه 2تقريبا واستقبلتني القابله ربي يسعدها ويوفقها وجهه بشوش ومرا اخلاقها عسل حطت الجهاز على بطني النبض والطلق قالت مافي طلق عندك حاسه بالم قلت لا قالت بشوف إذا نبض البيبي كويس بعطيك حقنه تنظف بطنك واعطتني الحقنه ورحت الحمام مرتين بعدها حطت المغذي والاكسجين علي واخذت تحليل دم جت الدكتوره كشفت قالت 5سانتي وشافت التخطيط قالت في طلقتين باينين يلانفتح الكيس وحاولت تفتح كيس الماء مافتح معها نادت دكتوره هنديه وانا صراحه متعقده من الهنديات دفشات اول مادخلت يدها شديت وجلست اصرخ وهي تحاول تخليني افك وحاولو فيني يهدوني لين فكته كانت الساعه 3ونص تقريبا الفجر بعدها بدا الطلق يحمى وانا طول الفتره اقرا قران وادعي ربي واذكره وكل ماجت طلقه اقول لاحول ولاقوة الابالله واطلب ربي يهونها بس الطلق وصلني لمرحلة الجنون قطعت جلد. السرير واقولها عطيني مسكن تقول ماينفعك خلاص الرحم يفتح بسرعه ما شاء الله اعطتني بالمغذي باسكوبان عشان يلين عنق الرحم ويفتح اكثر وجابت لي الاكسجين المخدر وقالت لاتشمينه الا وقت الطلقه عشان يكون له مفعول واسوي زي ماقالت والالم يشتد وانا ابكي وادعي لامي واصرخ وفمي بالكمام وكل ماقاست رحمي اسالها كم واحلفها تقول الصدق بعدها جاني دفع وانا توي 9 واصرخ وهي تقول لاتدفين خذي نفس خطر عليك وع البيبي وانا ابكي واقول لها مو أنا هو يدف قالت خذي نفس لاتدفعين واطلب ربي يسهل علي ويفتح 9ونص وكل ماجتني طلقه تقيس ماتغير 9ونص واشد ع يدها وهي تقول امسكي بالسرير زين ما كسرت يدها مسكينه وجو دكتورتين ورفعو رجلي قالت الراس باينه بس لاتدفعين توه 9ونص يمكن مع الطلق يفتح عشره وانا ربي عالم بحالي اني ذايقه الويل بس رحمة ربي واسعه فتح الحمدلله ويلا ادفعي ايوا شاطره وتشجيع وانا ادفع ادفع وطلع الراس وادفعي ادفعي لين طلع الجسم وخلاص أنا انتهيت حطوه ع بطني على الساعه 5ونص الفجر وقصو السر وخذو البيبي وجلست أنا رجولي طايره لين خلصت النونو وانا ارجف من البرد وتسحب المشيمه وجت الدكتوره خيطتني طبعا وسعولي جوا وبرا وصابتني تمزقات من فوق قريبه من البظر كرمتو وخيطتني بعد غرزتين ونظفتني وراحت ربي يسعدها وعقبال كل حامل ربي يهون عليها عموما أنا فترة التاسع كنت امشي اجلس بماء حار جماع كل ماقدرت والتمررر والتساهيل من رب العالمين وسلامتكم حمودي وصل يوم الاربعاء الساعه 5ونص الفجر ربي يخليه لي هو واخته و صل اللهم وسلم على خير البشرية