دردشة بنات العراق, دردشة حوامل العراق , تجمع بنات العراق

[زينب السعدي]

ها هلو رويدة
سولفيلي انتي باي شهر من الحمل بالسلامة واتاكدتي انه بنية لو لسه مو اكيد

[رويدة_ أم ألق]

اهلا بيج عزيزتي
حاليا بالخامس
السونار أكد لي بنية بس هذا الحجي بالرابع
بعد كم يوم وأروح اتأكد باذن الله.

[زينب السعدي]

ولد او بنية مو مشكلة اهم شي اتمام الخلقة وتكومين انتي والطفل بالسلامة
بالنسبة الي عرفتي قصة حملي واسقاطي واني اصلا من كربلا بس مقيمة بدبي وقبل 3 ايام اجيت من العراق لان اسقاطي صار بالعراق وظليت 3 اشهر يم اهلي لان نفسيتي تعبت حييييييييييييل الطفل كان كبير كنت داخلة الخامس اسم الله عليج

[رويدة_ أم ألق]

اي قريت حالتج كان الله بعونج
اصبري وان شاءالله العوض عنده
صارلج شكد متزوجة؟

[زينب السعدي]

اني تزوجت بشهر الخامس 2010 بس السنة الاولى سوينه مانع ومحبلت كلنه نتونس وبعد عيد زواجنا شلنا المانع وراسا حبلت والحمد لله بس الله مكتبله يجي للدنيا وهسه صارلي 3 اشهر مسقطة وكل هالفترة مشفت زوجي الا قبل 3 ايام وهسه مسوين مانع علساس بعد 3 اشهر يلا اشيله ع حجي الدكتورات بس مااعرف راح استمر عالمانع لو لا؟؟؟ حايرة

[رويدة_ أم ألق]

اي اي فهمت حالتج
اخذي برأي الحالات المماثلة ورأي غالبية الأطباء
والرزق من الله لا تيأسين.

[زينب السعدي]

هسه انفال مثل حالتي بس انفال بعد 9 اشهر يلا مصفر عدها الهرمون بينما اني شهرين ونص صار صفر يعني الحمد لله بسرعة صفر لان هالحاله اكثر اعتمادها ع تصفير الهرمون كلما يصفر من وكت احسن انفال بعد شهرين من التصفير حبلت وممنعتها الدكتورة اني صارلي اسبوعين مصفرة... ماادري هو المفروض بقالي اغسل 4 دورات يلا اشيل المانع فهسه اني حاطة احتمال ببالي اغسل دورتين واشيه لان احتمال مو من اول شهر يصير حمل والرازق حي

[رويدة_ أم ألق]

اللي يصبر شهرين يكدر يصبر شهرين بعد مثلهن
برأيي لا تستعجلين وصدكيني الكاتبه ربنا الج هو اللي راح يصير
انطفت المولدة والكهرباء تجي بعد 10 دقايق
طمني بالج ولتخلين التفكير يتعب نفسيتج.

[زينب السعدي]

الله كريم الكاتبه الله نشوفها
المهم عوفينه من قصتي الحزينة
دتتحرك بنتج لو هادئة

[توتايه]

هلو بنات اجيت فتت سبحت وجلفت الحمام وهسه طلعت ويوسف يصيح ممه يعني ماما نومته واجيتكم باجر مرة حماية تجينا وتبات والله اليستر لان كلما تشوفني واشوفها اني ويوسف ننمطل بالفراش