تجمع حوامل المدينة المنورة

[حجازيه]

كروشات انا من المدينه

انا صارلي اسبوع دخلت السادس ربي يعينني ويعين الجميع

وياربي ولادتنا تكون زي شربة المويه..

[حجازيه]

أنآ عندي ولد اسمه فرآس عمره 3 ونص ياربي تحفظه

وهاذآ حملي التاني أرآجع عند الدكتوره فآطمه الخير في مستشفى صفا المدينه

ولدت عندها في ولدي الأول وكآنت ولادتي عسل ولله الحمد وكمان الدكتوره أعطتني بنج

أثنآء خروج الجنين يعني ماحسيت لا بخياطه ولا تنظيف ولا غيره

ودحين قالتلي إن اللي في بطني ولد إن شآء الله ..

بس عن جد أحس إني خآيفه من الولاده أكتر من حملي الأول

بس يارب يسهل ..

[منتهى]

بالنسبه للي يسألوا عن المستشفيات ..

أنا ماشاء الله في كل حمل لي اروح لأكثر من دكتوره وفي النهايه أولد

في مستشفى الولاده .. لاني ارتاح لها

وذحين حامل في الشهر السابع وراجعت بالبدايه ..شهرين ..
في الألماني عند د/سلوى

و الآن مازلت مستمره عند د/ فاطمه الخير .. في صفا المدينه

والولاده راح تكون إن شاء الله بمستشفى الولاده ..

الله يسهل علي وعلى كل حامل ..

بنات .. انا محتاجه دعاءكم ..لاتنسوني

[آلاء]

السلام عليكم لكل الكروشات
مرحبا منتها
انا كمان بالسابع صار لي خمس ايام
وبدي اولد بالولادة بس لسة ما سألت فيها لاني سورية
خايفة ما يقبلوني

["الأمورة"]

أهلين ببنات المدينه أنا من المدينه بس ساكنه في ينبع واراجع في ينبع بس الولادة ان شاءالله في المدينه بس حابه اسال في اي شهر ابدى اراجع في المدينه انا الحين في الشهر السابع واول حمل
واي مستشفى تنصحوني فيه عن تجربه؟؟؟؟
ياليت تفيدوني الله يسهل حملكم وولادتكم ويرزقكم الذريه الصالحه....

[بذخ~]

{.. اهلين بناات
اخبآآآركم ؟ّ
تصدقو صايرة اقرى وأضحك بجد المدينه مستشفياتها مدري كيف
كلنا محتااااااااارين فين نراجع وفين نولد !
وكل ما حطينا ببالنا مستشفى تسمعي ناس ما تنصحك فيها ..
ما نقول الا الله يعييننا ويختار لنا اللي فيه خير يآآرب }

[مهتاب]

السلام عليكم يابنات المدينة
والله أنا لما شفت هذا التجمع الحلو حبيت أنضم لكم ، الله يسعدكم بجد أستفدت من خبراتكم ولأني باقي على موعد ولادتي أسبوعين حابه أسألكم عن مستشفى الأحمدي وبالذات عن الدكتورة أمل كيف تعاملها وكيف الخياطة عندها؟؟ ياريت تفيدوني لأني راح أقرر في هاليومين أولد عندهم أو في الوطني... والسؤال الثاني كيف الغرفة اللي يخرجوني فيها بعد الولادة وفين راح تكون...لاتقولوا في البدروم لأنه راح يجيني إحبااااااااااااااااط....
آسفه على الإطالة.... وياريت ما تطنشوني...
والله يجزااااااكم ألف خير

[آلاء]

كيفك مهتاب
الله يقومك بالسلامة
انا كمان محتارة وين بدي اولد لاني اول حمل الي



يا منتهى احلامي ليش بتقولي الله لا يحيجنا للولادة

[منتهى أحلامي]

المشاركة الأصلية كتبت بواسطة آلاء

كيفك مهتاب
الله يقومك بالسلامة
انا كمان محتارة وين بدي اولد لاني اول حمل الي



يا منتهى احلامي ليش بتقولي الله لا يحيجنا للولادة

هلا فيك اختي
والله عني اكره مستشفى الولادة وما ادري ليه اخاف منه نادرا ما اسمع احد يمدحها سيئة جدا في تعاملهم والله مو وحدة ولا اثنين كثير حولي ومن قرايبي وجماعتنا
وحتى في الانترنت
صحيح مستشفى مجهز ومتخصص بس تعاملهم سئ والوحدة في الولادة موناقصها وتبغى اللي يحن عليها
حبيبتي الولادة تساهيل وتوفيق من ربي يعني الوحدة تدعى الله وتتوكل عليه وماتدري في ذيك الساعة كيف بتكون
انا ما اخوفك بس اقولك عن اللي اعرفه واسمعه والآن صحيح في ممرضات سعوديات ويمدحوهم بس للاسف عشانه مستشفى مجاني وفيه كثير فتلاقيهم احيانا ما لهم خلق
وفي بعضهم يتوفقوا بناس طيبين

والله حتى الاطفال تعاملهم مومرة معاهم عشان كذا اقول الله يحيجنا لهم لا انا ولا اطفالي

انا هذا ثاني حمل لي وبكري ولدته عند دكتورة كنت اراجع عندها طول حملي الله يجزاها كل خير
والله يتمم لي حملي هذا وييسر لي ولادته

والله يهون عليك اختي ويرزقك ولادة سهلة مريحة وين ما كان يكون
وارجع اكرر لا تخافي والله من واقع تجربة عليك بالدعاء في كل وقت وحين وربي يستجيب دعاءك واشربي ماء زمزم بنية تسهيل الولادة فماء زمزم لما شرب له

وفيه مستشفيات يمدحوها مثل المواساة والاحمدي
توكلي على الله
وتذكري( لا يكلف الله نفسا الا وسعها )

[دف القمر]

كيفكم كروشات المدينه
انا محتارة ويييييييين اراجع الدار وصفا المدينه والوطني يخوفون
فمحتارة بين العقالي او الدكتورة حسان بخش
الله يسهل لنا امورنا ويسسرها