دردشة حوامل مملكة المغرب - تجمع بنات المغرب

[fatizora]

حتى انا سمعت بلا العملية صعيبة وكتحتاجي بزاف وقت باش تشافاي
هو بغاني انا نقرر عملية كيقول غادي تنعسي تفيقي تلقاي كلشي داز وتهناي
وهداك صاحبو مراتو ولدات هادي شهرين هي مزيانة واخا هي ولدات فالنهار الاول من التاسع

[مدام نسنس]

حبيبتي فاطمة الزهراء انا سماعت بلي المرا ملي كتولد بعملية قيصرية ماتقدرشي تزيد فوق 2 او لا 3 ديال العيال حييت كيكون صعيب بزاف عليها والحريق كيستمر من بعد العملية كخس ترتااح وكيكون عندك الحريق فالكرش...والولادة الطبيعية حتى هي فيها الحريييق بزاف وكاملين كنعرفوا هادشي.وعاد من بعد الغرازي ولكن مكايبقاوشي بزاف...ونقطة اخرى ملي كيكون مستشفى خاص كيتهلاو في المرا وكيهتموا بيها..وعلى حسب ما كنشوف المرا لي كتولد طبيعية دغيا كترجاع ن الصحة ديالها والطبيعية ديالا ولي كتكون بالعملية لا كتبقى شحال وهي في الفراش ما تحركشي ما تهوزشي............انا ما عنديشي شي تجربة شخصية ولكن هادشي لي كنسمع.....واخيرا طبيبة ديالك هي لي كتقرر

[siham-it]

المشاركة الأصلية كتبت بواسطة fatizora

ولكن انا مبغاش نولد بقيصرية خايفة من عملية منقدرش
يا ام مرام منين جاني الكوراج انا غنموت بالخلعة ههه
ولكن عملية معرفت غير الى كتابت عليا انا خوافة بزززززاف

شوف نساي خوف، أنا زوجة خوية ة ولدت سمانة فايتة قلت لي كلما زوينة ، قلت سهام حر ساعة يفوت خلاص ملي تقبط بيبي بين يديك

[مدام نسنس]

تبارك الله عليكم سمورة ام مرام سهاام قصصكم مزيونة.........كولشي مكتااب مكايعراف الوحيد ماين كايجيه

[fatizora]

شكرا ليكم مرومة نسنوسة سهام على مساندة والله تلفت
عطاني وقت قالي فكري باش نقرر ولكن تلفات بيا الوقت
انا كنت باغة نولد في مستشفى حكومي غير حيت سمعت ان المستشفيات الخصوصي كيعملو سبة باش يعملو ليك قيصرية طبعا حيت مصاريفها اغلى ولكن والو راجلي مبغاش وحتى انا خفت قالك تيخيطو الغراز بلا بنج فمستشفيات الحكومية الى مكنتيش كتعرفي شي وحدة نيت وتعطيها الرشوة
خلاصة الامر انا وافقت نولد فمستشفى خاص ولكن ماشي فكازا حدا ماما فالرباط حيت ختكم خواااافة هههه
دعيو معاي والله يسهل عليا وعليكم ويرزق كل واحدة كتسنى الحمل

[fatizora]

شكرا سهام حبيبة ولكن ملي كيقرب الوقت كتولي خايفة خاصة الى معندكش تجربة كتخافي بزاف

[siham-it]

المشاركة الأصلية كتبت بواسطة fatizora

شكرا ليكم مرومة نسنوسة سهام على مساندة والله تلفت
عطاني وقت قالي فكري باش نقرر ولكن تلفات بيا الوقت
انا كنت باغة نولد في مستشفى حكومي غير حيت سمعت ان المستشفيات الخصوصي كيعملو سبة باش يعملو ليك قيصرية طبعا حيت مصاريفها اغلى ولكن والو راجلي مبغاش وحتى انا خفت قالك تيخيطو الغراز بلا بنج فمستشفيات الحكومية الى مكنتيش كتعرفي شي وحدة نيت وتعطيها الرشوة
خلاصة الامر انا وافقت نولد فمستشفى خاص ولكن ماشي فكازا حدا ماما فالرباط حيت ختكم خواااافة هههه
دعيو معاي والله يسهل عليا وعليكم ويرزق كل واحدة كتسنى الحمل

آآآآمين حبيبة، أنا نعاوده ليك، خلي طبيبة تقر ولادة ديالك طبيعية ولا قيصرية، حداية صحبتي دابا إيطالية أصل عندها 56 سنة قالت ليك من أفضل ولادة طبيعية إلا ما كان مانع صحي محدد من طرف طبيبة ديالك قالت ليك بحكم تجربتها الشخصية

[مدام نسنس]

الللللللله يسرلك ويسهل علييك اختي فاطمة الزهراء وتكون ولادة ميسرة وسهلة...احنايا في المغرب المستشفيات الحكومية كارثة..ما نصحكشي تولد تماك حييت الغرازي فحالي قولتي بلا بنج وعاد معاملة ديال الفيرميرات صعيبة وبعد المرات كيضربو او كيقولو كلام ماشي مزيان..ومكايهتموشي بيك اذا ما عطيتهومشي الرشووة..ولي مكتاب هو لي غادي يكون وانشاءالله ما يكون غير الخير

[fatizora]

لهلا يخطيكم البنات خليها فيد الله غادي نخليها طبيعية وربي يسرها عليا
وتبارك الله عليكم منورين التجمع بالرومانسية والافكار الرائعة

[siham-it]

alah ybrekfik zinate labnate , alors chi fikra jdidaaaaa haboubateee