دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

اموورة وكتكوتة · 10-13-2010, 01:11 PM

اذا مر يوم ولم اتذكر به ان اقول صباحكي سكر هههههههه

صباحكم سكر

ماشاء الله مجتمعين امس وانا راحت عليا زوجي امس جالس عالنت ونمت وانا استنى على الكنبة طفشت

دلوعة سمسم هلا فيكي بينا وخلينا نشوفك دايما معانا..
كوكب زحل ماشاء الله الفستان مرررره حلو وانا مرررره احب الاحمر
يارب تنبسطي فيه ولبس العافية حبيبتي.. والف مبروك

نانا يانانا ان شاء الله تولدي بالسلامة وعلى قولت اختي لما تستوي البطيخة تنزل لحالها هههه مو مهم اليوم ولابكرة المهم تولدي بسلامة

نلي خانم سلامة زوجك مايشوف شر.. دلعييه شوي عشان لما تولدي يدلعك اكتر .. هم كدة الرجال يحبو حريمهم يدلعهوم ههههههه

موني الله يكون بعونك بنوتتك زي بنت اختي ماتنام والله لما جو برمضان عند اهلي زي كدة تسوي وتبكي وتزعجنا لانها اخر العنقود بس والله قهرتني كنت حاضربها مع اني ما احب الضرب للاطفال بس يقهروني.. الله يكون بعونك

انا اقلك امسكيها ونيميها جنبك وحاولي معاها

نور القمر نورتينا حياتي كيفك وكيف نونتك؟
فوشية كيفك اليوم .. وان شاء الله تكون تحاليلك كويسة ربي يطمنك ..

سرقو منك المفتاح امس وانتي نايمة ههههه..

ابغا اسال عن ابرة الكزاز انا ما اخدتها هل هي ضرورية؟؟

اموورة وكتكوتة · 10-13-2010, 01:14 PM

رحيمة القلب فينك؟؟

شفتي كيف امس خفنا منك ونمنا هههههههه

شفتي كيف نحن مرررره بريئات ونسمع الكلام .. هههههههه

بس فينك لا حس ولا خبر طول امس

ان شاء الله خير

Nana.1985 · 10-13-2010, 02:36 PM

مساااؤو الخير ياشعب ..
منوررة ام شوووجي حياكي في التجمع وان شاءالله راح تنبسطي معاانا

كيفكم صبايا كلكن فردن فردن؟؟
ان شاءالله مبسووطين
والله رحيمة مو هينة خوفتكم امس يافوشية وامورة خخخخ

انا اليوم مرررررا فرحاااانة زوجي المصوون ح يجي من الرياض بس ادعولو يوصل بالسلامة المشوار 8 ساعااااات من بيتنا هناك لين مكة :(
حرام كزبت عليه .. قالي مابغا اجي الربوع وارجع الجمعه واخبط مشووار 8 ساعات الا ان كان ترجعي معايا (بيتي في محافظة حولين الرياض كمان مشوار 3 ساعات ونص عن الرياض يعني مكان جدا مو حلو)
قلتلو طيب اجي معاك لو اني طيبه ومافيا شئ ويبغاني حتى اولد هناك عشان لاتروح عليه لحظة الولادة بيكون معاياا هههه والله تعبني وحزني
مالو احد هناك وقرفاااان ووحيد وكل الي في المنطقة هنا قروويين جداا مايناسبو طبعوو ولا رجة شباب مكة .. فمرااا يطفش ويمل
المهم حكيتكم قصة حياتي ههههه ... اليوم بيجي هي هي هي مرررا مبسوطة d:
قلتلو ابغاك تاخدني نمشي سوا غرت من كروزة زوجها يمشي معاها تهىء تهىء تهىء ههههه قالي طيب ابشري ومرررا متحمسة وخلاص d:

دعواتكم قالي لو ماولدتي ربوع ولا خميس باخدك وتولدي هناك ويسير ولدي من مواليد الديرة هههه مو مكة ابغا ولدي مكااااااوي هههه
ياااارب اولد اليوم يارب يارب يارب يارب

ღضحڪْة*آلِدِنيًآღ · 10-13-2010, 02:42 PM

8
8
8

الله يعطيك ساعة السلامه خيتي

Nana.1985 · 10-13-2010, 02:47 PM

اميييييين ضحكة ومنورررة التجمع ياعسل
انتي حامل؟ وفي اي شهر؟

نلي خانم · 10-13-2010, 03:59 PM

سلام حبوبات
كيفكم

في تحسن اليوم في نومتي صحيت الساعه3 أحسن من كل يوم

أنشوده انا طيبه بخير أنتي كيفك والله صرتي ماتدخلين مثل أول ليش بلا كسل يااللا تعالي هنا ودردشي معانا
ثلجه الله يسهل لك دراستك ياقلبي وأش ناويه تتخصصين<<< سؤال أنتقامي

أموره
الله يسلمك ويعافيك يالغاليه وياليت زوجي يدلع والله أني أدلعه وأموت فيه بس هو مره مزكم ومسخن وحلقه تعبان لما جاء من الدوام قالي لاتصحيني خليني نايم وأنا بدأت أحس بحلقي ألحين شكله فيروس منتشر وألا الجو تغير الله يستر علينا عاد أحنا الحوامل مانقدر ناخذ أدويه عشان البيبيهات
نانا
كيف بطنك ألحين والله جلست أضحك أمس وحزنت عليك في نفس الوقت ياقلبي أنتي
الله يفرحك بشوفة زوجك طيب وبخير ويارب تولدي وهو موجود والله معاه حق أنا كمان أخويه كذا كان مغترب أول سنه زواجه وزوجته جابت بنت وهو بعيد ويمكن ماأستقروا ألين صار عمر البنت سنتين ماأحسه تهنا وماعاش لحضاتها لما تنقلب وتتكلم وبدأت تمشي ماشاف حاجه من هالأحداث ربك يعين كل بيت لازم فيه مغتربين

احساس · 10-13-2010, 04:05 PM

اهلين بنات مكه كيفكم
انا بنظم لكم

نلي خانم · 10-13-2010, 04:12 PM

أهلين أحساس الله يحييك بيننا

نلي خانم · 10-13-2010, 05:09 PM

بنات وينكم
لايكون نمتوا
وألا عشان اليوم أربعاء شديتوا الرحال وتركتوني لحالي

ترى تعرفوني أذا كنت فاضيه أش ممكن أسوي
أتسلا فيكم ترى.........ياويلكم مني

نلي خانم · 10-13-2010, 05:17 PM

ناويلك على نيه
بس انتم أصبروا شويه؟