اهلا باهل الجود والكرم **اهلا بسيدات ليبيا**

[هدية الخالق]

ام معاذ كيف حالك وكيف حال الصغار وخصوصا ابوني شن مداير معاك وشن اخر تطوراته وكيف حال ام ورد وسنفوراتها ربعنت والا مازال

[ام معاد]

السﻻﻻم عليكم كيف ال الجميع

[هدية الخالق]

تعرفوا يابنات اختي عندها مشكلة عزوزتها الله يهديها مهبلتها وقريب تخربلها حوشها لاسمح الله
هيا راجلها راس وليد لاعنده لاأخ ولا أخت وبوه متوفي يعني كاين ساكن هوا وأمه بس شكلها متعلقة بيه هلبة ولما تزوج هسترت وولت علي اختي
واختي مسكينة مش مقصرة ومدايرة اكثر من اللازم قالت من اول يوم الجمعة بعد العرس قالت الساعه تسعة الصبح عرسان طبيعي راقدين قالت خبطت علينا الباب قريب كسراته تبيهم ينوضواقالت نين انخلعت جيت مقعمزة والايام الاولي كلها تنوض فيهم بكري قالت اختي مسكينة والله مرات الساعة تمانية نبدا عين مفتوحة وعين مغمضة ومقعمزين معاها في هذاك الصبح نسايروا فيها تو عزوز ماوراها شي شن منوضها من الافجار وتنوض في العرسان اللي ساهرين ولما حامل قالت راجلي يطلع الصبح بكري للعمل تخشلي عزوزتي طول للدار توقف علي راسي وتنوض فيا نين ننخلع شن دخلها للدار بدون استئذان وزيادة لابسة حاجة مش مستورة
وفي رمضان عز الوحم تخلي فيها بروحها في المطبخ في النو ولما ادوخ والا ترجع حشاكم تقوللها دلع هذا وبعد هذا كله تمشي لجاراتها العزوز وتقوللهم زي درت كنة زي لا فطوري وغداي قدا الجيران !!!!!
وقالت ياكلوا بروحهم في دارهم ويخلوا فيا زي الكلبة حاشاكم بروحي
ولما جابت دارتلها حالة لانه مافيهاش حليب قالتلها رضعي البنت شني نوكلوا فيك في الشواء والجغوم بلاش .......
وديما تاخد في بنتها منها تقوللها هادي بنتي اني حتي لما تطلع ماتخليهاش فيها اطلعها معاها الا بالسيف وبالعراكات
وهذا كله كوم واخر موقف دارتلها في هاليومين كوم ثاني
قالت كملت من الاربعين وبيصير جماع بينها وبين زوجها امشي دارت روحها رقدت بكري وخشوا هما لدارهم ونسوا يصكروا بالمفتاح بعد شوية جت وبكل ثقة فتحت باب الدار عليهم قالت ستر ربي متغطيين ببطانية وقعدت تنادي في ولدها من وراء الباب تعال نبيك هوا مسكين مش لابس قعد يقوللها خيرك شن تبي شوية ونجي شن دارت سبلتها قاتلهم عطوني البنت نرقدها عندي تو تنوضوها وهيا البنية في سابع نومة مسكينة
وفي موقف دارتلها بعد الجياب قالت في الليل ديما نمش لداري نرضع في بنتي ونهدرز علي زوجي شوي نين يرقد وبعدين نجي نرقد احداها هيا وامي امشي شافتها شادة بنتها وماشية للدار نادتها قدام امي وقالتلها تعالي جاي تو نظفتي انتي اللي ماشية لراجلك ؟ بالله شن رايكم في هالعزوز مش شي يشيب الراس
اختي قلتلها منعطيك وسام التحمل ووسعة البال قالت والله تعودت الا تعودت في البداية كنت نتأثر ونخش اداري نبكي لين نعيا كلا توا معادش نعدل حفظتها تبدأ تدوي بروحها واني ندير في حاجتي وساكتة ماكأنه حد يدوي
ربي يفرج عليها وبس

[ام معاد]

جيجي الف ﻻباس طهورا ان شاء الله اني مع كﻻم هدية اوشي ثحة السفرة التشيز كيك طريقته ياحبوبة سوسو ما شاء الله علي التورتة وماكول الهنا
هد هد اني والسنافر الحمد لله وابان اممممم الاتنين القادم بادن الله ايسكر السنة ودخلتله الصناعي وااحق ما زال ما يمشيش حتي اني اعباد الميﻻد ﻻﻻﻻﻻﻻاحتفل بيهم حتي دكري الزواج ليا خمسة سنييييين ما فيش مرة احتفل بيه اكتفي برسالة حلوة لزوجي او هو يلعتلي وخﻻﻻﻻﻻص وربي يديمنا علي شرعه يارب

[ام معاد]

ام ورد الحمد حاﻻها اكويي هي وسنفوراتها ومازىلت ماربعنتش وروحت لحوشها وغدوا كتن سخر ربي بنمشيلها بارب ايصيرلي من المشي يارب

[ام معاد]

كﻻ عزوزت اختك ربي يهديها ووخﻻص قلها تتحملها وتعتبرها زي امها وخﻻص لكن ىلموقف ااخير صقعوني فيه عزايز هكي ايقولوك ماتقعمزيش مع راجلك وانت نافس تعرفي احنا عندنا خوي متزوجش ما يتقابلش هو ومرات وبوي لما ايقعمز هو وبوي واحنا بس المهم مراته ﻻ انقول ﻻمي عادي شن فيها مستغربة اني الصراحة وعندنا ابناء الاخ ما يتقابلوش مع بوهم قدام جدهم لين يمشوا جو عزايز اني مش مقتنعة خاااااالص

[ام معاد]

ام فراس كيف حالك وحال السنافر وشن جوفروس بدي يتكلم وىلولي شن جوها معاك وشن الطقس عندكم احنا امس نوو سبحان الله لين غيرت دبش واليوم صقععععات وضباب ومطر وريح قوي مسقع سبحان الله الحمد لله لما تصب المطر نفرررررررح

[ام معاد]

بنات كل وحدة اتقول علي عجينتها المفضلة للمعجنات والبيتزا بالاخص اني معادش يضبطوا معاي مع انه قبل والله اتجيني زي القطن

[ام معاد]

خاااااااطري في الحنة ياناس

[dr.loly]

السلام عليكم ورحمة الله وبركاته

مراحب بهدية وام معاااد

شخباركن ياحلواااات




أم معاااد عندي عجينه سحريه لكل المعجنااااااااااااات والبيتزا تطلع اروع حتي من المطعم شن رأأأأيك...

نديرلك جو تشويق قبل مانعطيك الطريقه هههه