هنا تجمع حوامل الشهر (الرابع والخامس والسادس)

[حمرة الورررد]

ترا لو اتحرك لو شوي عادي يمكن يكون نايم او مريح انا مجربه عااادي لا تخافي وازا مره شايله هم كلي شوكولاته او عصير حالي زي المنجا وانسدحي صدقيني راح يتحرك طبيبعي

[..ام بدر..]

كل شوي اكل حلى واشرب عصيرات من يوم صحيت بس ابغاه يتحرك يمكن كل 4 او5ساعات يتحرك حركه وحده وخفييفه....مدري قلقت

[حمرة الورررد]

عادي حبيبتي انا قالتللي الدكتورة لو اتحرك لو حركه بسيطه عادي اهم شي انو اتحرك

[..ام بدر..]

حمرره...طمنتيني الله يطمن قلبك ويفرحك بشوفة طفلك كامل الخلق والخلقه من غير زياده او نقصان

[حمرة الورررد]

امين واياكي يا ام بدر وكل الحوامل يارب

[..ام بدر..]

حمره...بما ان جود في نفس عمر ولدي حابه اسألك بدت الغيره بدت تحس انو فيه طفل جاي ولا مو فارقه معاها؟

[حمرة الورررد]

ما حست اني حامل بس الله يعينني اصلا بنتي غيارة مرة وتزعل لو شلت طفل والا دلعت طفل تاني وتغار حتى لمن اخواتها الكبار يشيلو بنات عمهم والا يلعبو معا احد غيرها تزعل وتعصب وتبكي

تصدقي زوجي شال بنت اخوة وباسها جااات تمشي اللين عندو وقالتلو بابا انتا تحبني صح

[..ام بدر..]

انا ولدي بدت عندو الغيره وصاير يبكي يبغانا نشتريله رضاعه ويبغى يرجع يلبس البامبرز واحنا بس نحاول فيه...صار لمن ينام يبكي يتحلم ويدور على الرضاعه مع انه مفطوم منها من زمان ....واليوم جا يقولي ليش النونوات ياخذون الرضاعه وانا لا...عارف اني بجيب طفل وبيرضع وهو مقهووور...وكمان راح لابوه يقوله البسه برا تبكي تبغاك تشتريلها رضاعه مسكييينه(وهو نصاب يبغانا نشتريها وياخذذها له) وصاير يحبي ولا يرضى يمشي يبغانا نشيله صاير يسوي نفسه نونو.....مدري اذا ولدت اش بيسوي

[حمرة الورررد]

الله يعين طيب حاولي لمن يشوف الرضاعات تشتريله مثلا كاسات ملونه للاطفال وقولليله انتا تساعد ماما لا تخليه يفكر يغار اشغليه
انا اسوي في بنتى كدا لمن اروح لبنت اهلي والا اهل زوجي اخليها توزع حلويات على الاطفال والا اخد معايا بالونات واخليها هيا اللي تعطي الاطفال احاول احسسها بالمشاركه عشان تبطل تغار

[..ام بدر..]

اشتريناله كاسات ملونه وفيها سبونج بوب وبن تن وكل شي يحبه بس مارضي الا نشتريله رضاعه ازعجنااااا بالبكاء الموال صار له 3 اسابيع..عارفه بدا الموال عنده لمن سويت سونار واخذت معاي صور للجنين وجالسه اوري اخواتي وبنات اختي وووريته قلت له هذا النونو في بطن ماما من وقتها مسكين انهبل