الغاليات بنات فلسطين اتفضلو هون.....

[فوفو89]

المشاركة الأصلية كتبت بواسطة حلا الماس

هلا فوفو

يسعد صباحك يا رب

تسلمي حبيبتي ،، هيو يوسف بحضني عم بيقلك ميرثي يا خاتو :)
بالنسبة للتطعيمات الي أخدها يوسف
عال شهر كأنو ابرتين وحدة بالفخد والتانية بالكتف مع نقطتين بالتم
عال الشهرين 3 إبر بكل رجل إبرة والتالتة بالايد مع نقطتين بالتم ،، بالنسبة لميزانو ما اتوزن عالشهرين ولا أخدوا قياساتو
وتطعيم ال 4 أشهر لسه باقيلو 15 يوم رح أقلك التفاصيل وكيف قياسات يوسف ان شاء الله


طمنيني كيفها رزونة وكيفك انتي ؟؟؟

الله يسعدوو يوسف الاموور
شكرا ع الاجابة
لانه لما رحت اطعمها طعم الشهر ،طعموها ابرة بإيدها وبس ولما رجعت عليهم عشان طعم الشهرين حكتلي انه انا ما طعمتها طعم الشهر ،، حكيتلها امبلى طعمتيها ننحكتلي وين طعمتها ،، حكتلها في ايدها حكتلي ناقص تطعيم برجلها ،، وطعمتها امبارح برجلها ،، وأجلت طعم الشهرين ل بعد شهر ،،

هاي القصة ،، ما بعرف اذا فهمتي ع الحكاية حكيتلها وحكتلي وحكتلي وحكتلها هههههههههه

بدي اسألك يعني قبل تطعيم الشهر الي اعطوه فيه ابرتين ونقط ما اخذ تطعيم غيرو بإيده ؟

المشاركة الأصلية كتبت بواسطة ام عبدالله لولو

صباح الخير يا صبايا
كيفكم يا صبايا شو اخباركم
حلا ماشاء الله عنو يوسف الله يحمالك اياه يارب وين هالغيبة
بلشتني تعطيه شي انا كمان 14 يوم تطعيم ابني كمان راح احكيلكم كم قياستو وزنو
ام مروان ودموع وفوفو وحواء يسلمو حبيباتي ع السوال منيحة الحمدلله بس جوزي بياخد دورة زمالة مع معا بنابلس وبتعرفو بمل لحالي بطلع شي ع اهلي وع خواتي وعند حماتي مقضية الوقت اليوم هيني بدار هههههه بدي اعزل وممكن اعمل قراض زعتر
فوفو كيف عرفتي عنده طنطاف وشو اسمو الدكتور انا من طولكرم

هلا ام اسيد
كيفك وين هالغيبة
بالنسبه للطنطاف ،، بنتي كانت تغلبني كثير كثير وبتضل تعيط حتى لو شبعانة ،، ومرات كانت بتطلع صوت زي طقطقة لما ترضع ،، وكمان شفت حبة بيضا في سقف حلقا من ورا وكمان كانت تراجع كثير،، واخذتها ع ستي تشوفها لانه ستي بتعرف كيف الطنطاف وحكتلي انه معها طنطاف ورحنا ع طولكرم عند دكتور اسمه احمد سليم جيوسي ،، و شال الطنطاف ،، والحمدلله اليوم صارت احسن
بس ياروحي كثييير عيطت واتوجعت

المشاركة الأصلية كتبت بواسطة نور العمر

مساا الخير كيفكم وشو اخباركم ...

انا هي جيتي من الدكتور بنتي كان معها حراره من اول امبارح بالليل وطلع معها اللوز وكتبلها دوا مضاد حيوي وابرة بنسلين بس

سبحان الله ما ارتحت للابره وحكيتي لزوجي شو رايك ماتاخد الابره حكالي لا عادي والدكتوره كتبها واكيد فاهم شغلو

المهم دعيت ربناا انه يبعد ضرر هالابره عن بنتي لانه مش مرتاحه للابره فسبحان الله لما اجت تاخدها حطت الابره بجسمها وبنتي شدت على حالها كتير لدرجة انه الدوا مش راضي يدخل بجسمها والدكتور استغرب جرب مره تانيه ونفس الشي صار يحكي معقول هيك طفلة بعمرها وتشد على حالها هيك الدوا مش راضي يدخل ولا نقطه وحده انا ساعتها حملت بنتي وطلعت وحكيتلو مابدي الابره من الاول مش مرتاحه للابره وربي استجاب لدعائي ...

طولت وانا بحكي خخخخ


حواء ماشاء الله على بنتوتك حلووه وكبرانه ...

حلا يوسف زي القمر ماشاء الله عنه.. طالع بشبه مين من اولادك...؟

فوفو سلامتها زوزو بس مافمهت شو يعني طنطاف...

دموع وكبرياء وام اسيد كيفكم وشو اخباركم..

هلا نوووور
سلامتها بنتك ما تشوف شر يارب

الطنطاف يا ستي حسب ما فهمت ،، بيكون زي قطعة صغيرة ملتهبة في اخر الحلق ،، والطفل ما بيعرف يرضع منها لانها بتكون زي الشوكة بتخزه ،، وبيظل يزن
وكمان ناس بيسموها اللهاة

المشاركة الأصلية كتبت بواسطة لولو حمادة

رحت لدكتورة يوم الاحد عشان اشوف النبض
عملتى فحص مهبلى مابان النبض معها وقالتي ارجعي كمان اسبوع واحتمال مايبان النبض
بتقلي كيس الجنين مو منتظم من تحت بيضاوي خوفتني
اخر دورة 11من شهر 10 ميلادي بتقلي انتي 5 اسابيع ؟؟ وقبل اسبوع كنت عندها وقالتلي انتي بالخامس
وعملت تحليل هرموني كانت النسبة 9723.81 النسبة كويسة ولا ضعيفة؟؟

امبارح نزل افراز ابيض شفاف معاه نقطة دم حمراء وعندي مغص

طيب شو يعني كيس الحمل متعرج او مو منتظم

لولو
سلامتك يارب
ما تشوفي شر
اتوكلي ع الله ،واقرأي الرقية الشرعية
انتي بتاخذي مثبت ؟ او مميع للدم؟



كبريا
هلا يا عسل
الله يسلمك
والله ما بعرف احنا عنا بيسموه طنطاف

[حلا الماس]

مسا الخير

ام أسيد
تسلمي حبيبتي ،، ربي يخليلك ابنك ويفرحك فيه يا رب

نور
الله يسعدك ويخليلك ولادك ،،، يوسف ما بيشبه حد من اخوتو التلاتة أحلا منو ،، ههههههههه

لولو حمادة
ربي يطمن قلبك ويثبت لك حملك ويتمملك على خير حبيبتي

فوفو
سلامتها رزان ،، بس ما فهمت شو هو الطنطاف ؟؟

الإبرة الي أخدها يوسف بكتفو عالشهر اسمها تخريسة هي تطعيم لمرض السل اللهم عافينا ،، بتكون تحت الجلد وبعدها بشهر بتعمل صديد (مدة) وبيكون لونها احمر ،، هاد دليل انو البيبي استفاد من الطعم

[حلا الماس]

صبايا ..

النجــــــــــــــــــــــــــــــــــــــــــــــ ــــــــــدة

من الصبح مع مغص ببطني ووجع بظهري .. وحاسة كأنو في شي بدو يبزل عفوا عالوصف .. بس معقول تكون الدورة ؟؟!!

ام اسيد
انا لسه ما اعطيت يوسف اي شي بس بيرضع مني

[ام عبدالله لولو]

مساء الخير يا صبايا
لولو حمادة الله يتمملك على خير يارب ويفرحك فيه وهو بين يدك
حواء ماشاء الله عنه كبرانة الله يخليك اياه
حلا ليكون حامل هههههه ممكن الدورة وممكن التهابات
فوفو الف سلامة عليه بس بعرف الجيوسي طبيب نسائي مو اطفال
ام مروان بدي اسهر مين بدها تسهر هههههههه نور ودموع وينكم باقي الصبايا يسعد مساكم يارب دودو ولولو وينكم بتختفو كثير

[فوفو89]

حلا
الله يسلمك
يعني هاي الابرة الي بتحكي عنها اخذ بنفس اليوم ابرة برجله ؟

والله انا زيك ما بعرفه الا بالاسم ولا عمري شفته وما بعرف شكله ،، هو ما بيعرفوه الا الحجات الختايرة الكبار وبيعالجو
بس بعرف انه شغلة ملتهبة في اخر الحلق وبتوجع الطفل مثل الشوكة ،، وبتطلع للاطفال لحد عمر 6 اشهر ،، بس مش كل الاطفال



ام اسيد
اه انا لاحظت انه مكتوب على الروشيته تبعت الدوا انه دكتور نسائي وكمان مكتوب دكتور عام وعائلة ،، بس هو اتعلم من وحدة في منطقة عتيل عن الطنطاف وكيف ينشال ،، ورحنا عليه ،، بس كثير مغلواني قال بياخذ 100 شيكل

[حلا الماس]

ام اسيد
الله لا يوطرزلك ههههههههههههههههه .. شو حامل ما حامل ؟؟ .. لا يختي ما انا حاطة لولب
بس ازا مش الدورة رح تكون التهابات ...

انا بسهر ازا كنت قادرة :)

فوفو
اه الابرتين بنفس اليوم .. الي برجله والي بكتفو .. والنقط الي بتمو

اها .. عمري ما سمعت عنو

المهم انو سلامتها الحلوة وبيروح الشر عنها

[ام عبدالله لولو]

هلا فوفو منورة ان شاء الله هديت بنتك
انا هيك بعرف ان شاء الله تكون استفادت منو

[حلا الماس]

ام اسيد
شو بتعملي ؟؟ وكيف اسيد ؟؟ خبريني عنو عم يلعب وبكاغي ..يعني وهيك شغلات

[ام عبدالله لولو]

الله يسعدك يا ام خليل هههههه الله يشفيك يارب شو الاخبار هاتي نتسلى تعو يا صبايا

[حلا الماس]

يلا انا هون يختي ..

سالتك عن اسيد فوق .. خبريني ؟؟

يوسف ما شاء الله بيعرفني وبيعرف ابوه واخوتو .. بيكاغي وبيدحك بصوت عالي .. كتير بينبسط لما الاعبو
بيمسك لعبتو وبيحطها بتمو . ولما اقعدو بيصمد شوي قبل ما يقلب هههههههه