دردشة حوامل أهل الرياض - دردشة بنات الرياض - تجمع حوامل الرياض

jewels1 · 03-01-2011, 06:54 PM

مشكووووووره لووورا

المهم اااخر وحده من القروووب اللي قبلنا قبل لا ترووح تولد تعطينا مفتاااح التجمممع عشاان ما يتقفل علينا خخخخخخخخخخخخ

نوره القحطاني · 03-01-2011, 08:05 PM

السلام عليكم ورحمه الله وبركاته

مساء الورد

كيف حالكم ان شاء الله طيبين

الله يتمم لنا ولكم على خير

انا يابنات كنت مريضه بالقالون مرض (الكرون) والى الآن وانا اكل حبوب اسمها الايموران وتعالجت في مستشفى الملك خاد الجامعي عند الدكتور الجبرين وسالته عن الحبوب اثناء الحمل قال مافيها ضرر وبعض الدكاتره يقول فيها ضرر على الجنين وحولني على دكتور نساء وولاده اسمه حازم المنديل في نفس المستشفى وبرضوه قال مافيه ضرر واستخدم بعد ابره عن طريق الوريد اسمها (انفلكسي ماب) كل شهرين وانا حامل بالشهر الرابع واراجع في مستشفى خاص وسويه اشعه وقالت البيبي سليم بس انا خايفه من الحبوب وتكفون اللي تعرف احد زي حالتي تطمني ووولادتي بتكون في مستشفى الجامعي بس مواعيدهم تتأخر ...

زهــــور · 03-01-2011, 11:18 PM

بنات ساعدوني بنصايحكم وطمنوني الله يطمن قلوبكم

اليوم رحت لموعدي واول موعد لي بعد ماجيت من اهلي

وتقول الدكتوره الجنين راسه تحت ونازل بالحوض

ويمكن تكون عندك ولاده مبكره

والمشيمه نازله واعطتني مثبت من جديد وانا موقفته من دخلت الخامس ..

وخوفتني مووووت على البيبي .

وكنت ناويه اتقضى للبيبي الشهر هاذا

وبعد قالت لي الدكتوره هالكلام

رجعت فلوس مقاضي البيبي على زوجي

وقلت مو متقضيه الا لما ادخل التاسع

.................................

لوووورا · 03-01-2011, 11:29 PM

اقتباس:

المشاركة الأصلية كتبت بواسطة زهور الورد

بنات ساعدوني بنصايحكم وطمنوني الله يطمن قلوبكم

اليوم رحت لموعدي واول موعد لي بعد ماجيت من اهلي

وتقول الدكتوره الجنين راسه تحت ونازل بالحوض

ويمكن تكون عندك ولاده مبكره

والمشيمه نازله واعطتني مثبت من جديد وانا موقفته من دخلت الخامس ..

وخوفتني مووووت على البيبي .

وكنت ناويه اتقضى للبيبي الشهر هاذا

وبعد قالت لي الدكتوره هالكلام

رجعت فلوس مقاضي البيبي على زوجي

وقلت مو متقضيه الا لما ادخل التاسع

.................................

ياعمري انتي الله يطمن قلبك عليها يار بولا تخافين بس عليك انك ترتاحي الله يطمن قلبك ياروحي

كآدي · 03-02-2011, 08:48 AM

يآآآآآآآآآآآآآآآآآآآآآآآآآآآآآآآآي

احس مالي داااعي < الحمد الله والشكر

بنات مرره مشتاقه لكم بس ما فيني حيل

زهور احس فيه شي بيني وبينك حتى انا قالت لي الدكتوره يمكن تجيك ولاده مبكره

يا ربيه واحس بلالم اسفل بطني

وطلوقي جايه من الشهر السادس لين الحين

كانت الدكتوره تظن نه من الجماع

وربي موقفه عن الجماع وتجيني طلوق وتنزل مني مويه بيضاء لو اجلس ساعه على نفس الوضعيه

لازم انسدح وطووووووووووووووووول وقتي منسدحه < تتحمد ربها

الحااااااااااااااله زفت خلاااااااااااااااص عادي ولاده مبكرره

لاني تعبت من وضعي والله العظيم

<< عيونها غرقانه

لكل بنات التجمع بووووووووووسه قويه

ولكل حبيباتي بوووووووووووسه اقوووووى

وحشتيني لورا ربي يسعدك ويهون عليك يا قلبي

ما تدري وين ربي قاطها...<<< الحمد الله على كل حال

كآدي · 03-02-2011, 08:56 AM

ايه نسيت اقول اني صايره غبيه
واعاااااااااااني من النسيان

بقولكم موقف صار ما هتميت فيه ويوم جيت انوم تذكرته
وضاااااااااااق صدري من كثره نساني وغبائي

كنت اسلم على بنت جيرنا شفتها في حفله
من كم يوم المهم

اقولها وش اخبار ام سعد ومتى اخر مره شفتيهآ

بنآت لو تدرون من ام سعد << متحطمه

ام سعد تصير امها والبنت توها ما تزوجت جالسه
اقولها متى اخر مره شفتي ام سعد اللي هي امها << هههههههههههه الحمد الله والشكر ايش هذا الغباء

والبنت تسايسني تقول ايه تووني شايفتها

وش ذا الفشله وطيحه الوجه

وموقف ثاني مع عمتي تسالني
متى كانت عزيمتكم

واقول لها من اسبوع

والعزيمه كانت امس

يااااااااااااااا ربيه ايش هذا

مخ متنح

بعدين قلت اسفه العزيمه كانت امس بس نسيت << ووجهي احمر

قالت عمتي ايه انا استغربت لاني سمعت انها امس
وانتي تقولين قبل اسبوع
يآآآآآآآآآآآآآآآآآآآآآآآآآآآآآآآآآآآآي وش فيني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟

الدلووعه · 03-02-2011, 05:04 PM

والله وحشتوووووووووووووووووني
حيل
شلوووووونكم ؟
لوووووورا *كدوووووشتي *زهووور
والله كلكم من غير استثنااااء اعذرووني لهيت شوووي
طمنوووني عليكم ؟ ان شاء الله تمااامو
بسألكم حبيبااتي أنا دخلت الرابع معي مغص اسفل بطني عااادي هذا الشيء
وهذا اول حمل وقاعده اقول بنفسي الرحم يكبر أش راايكم ؟؟
***
وبسألكم بعد انااا قلقاانه لما انام انام على احد الجنبين بس في كم يوم اصحى الاقي نفسي نايمه على بطني عادي والا في خطر على الببي
طمنوني الله يطمن قلووبكم ,,

أحبـــــــــــــــــــــكم

ميساء غز · 03-02-2011, 05:33 PM

كيفك لورا انتي باي اسبوع في التاسع لانو انا كملت الاول وبدي ادخل بالاسبوع التاني من التاسع لاشوف احنا مع بعض والا لا والله يتمملنا على خير

زهــــور · 03-02-2011, 07:26 PM

كااااااااااادي والله ماادري وش السالفه الله يهونها ياقلبي

انا تجيني اوجاع واحيانا مغص وحيانا مدري كيف اوصفه
هاذاا من غير النفسيه

واحيانا ادخل المنتدى واطلع على طووووول مالي نفس لااقرا ولا اكتب وااااف بس خليها على ربك والله ماادري وش صاير فينا

لووورا كيفك ياعسل الله يسمع منك ولايحرمنا منك ومن دعواتك الطيبه ..

الدلوووعه اشتقنا لك ياعسل الله يقومك بالسلامه

شووووووق جده اشتقنا لك وينك

بنات منو تدري متى تجي شوووق جده ..

بناااااااااات تكفوووووون خلونا نفرفش ونضحك شوي يمكن ننسى
ونضحك والله طفشانه ونفسيتي زفت اف ياربي ..ترحمنى ..

زهــــور · 03-02-2011, 08:03 PM

بنات انا دورتي

بالهجري يوم 21 /8 /1431

كيف اعرف موعد دورتي بالميلادي اللي تعرف تحسب لي تكفوووون

ابي التاريخ ماابي تحسبون كم باقي وواولد ..