تجمع حوامل ليبيا

[ساجدة]

المشاركة الأصلية كتبت بواسطة لولى2010

كيف حالك صابرة وماشاء الله عليه عبد الهادى سموحه شوفى لو ساجده مابتش تعالى اخطبي لينه عادى نعطيها حتى فى قفطانه ههههههههههههههههههههههه

فكينا من السرقه خلاص هذا عريس بنتي ايوه

[صابرة]

خلاص اللي تحط صورة بنتها الاولى ناخذها لولدي
والذهب والحوش واتيين من توا

[عيون زوجي]

السلام عليكم ورحمة الله
شن اخباركم يا بنااااااااات بلادي
صابرة ماشاءالله ناشطة هاليومين شكله عبدو عاقل وانتي خايفه من العين وتقولي عياط
حلوة فكرة صور الاطفال والفضل لصابرة في الفكرة حتى انا لو فضيت رح انحط صورة بنتي انشاءالله بس مش في مزاد الزواج هههههههههه لا لانها اكبر من عبدو بعام
خيرهم البقية مسكتات وفاشلات من قبل رمضان ما يبدا ربي يستر شكلنا مش رح نلقاهم الا بعد العيد
انا هاليومين تعبانه وفاشله حاشاكم وبنتي تشد وترخي شكله من كثرة المشي
سورينام وينك بنسئلك على حملك وبنتك يارب تمام

[عيون زوجي]

ههههههههههههههههه
قصدي بطني تشد وترخي مش بنتي

[ام روفيدة]

السلام عليكم إدعولي بالله عليكم اليوم عندي وجاع يجيني كل ساعة إن شاء الله يكون وجاع جياب والرحم بدي ينفتح دعواتكم بالله عليكم ووعد مني ندعيلكم بإدن الله

[صابرة]

والله عياط هلبة بس لما نشوفه ساكت نوط نجري انصوره (نادرة صوره وهو يضحك).. ياعيون امتى مروحة وخششي البنت في الزيجة

[صابرة]

يارب يسهلك وتنوضي بالسلام
يارب سهل ولادة ام رفيدة يا ارحم الراحمين

[صابرة]

حاولي تتمشي هلبة يا ام رفيدة لغاية ساعة الولادة

[ام روفيدة]

إن شاء الله نحاول نتمشى هلبة

[لولى2010]

ربي يسهل عليك ام رفيده
ساجده خوديه هدا من تو امه تبيله اربعه خشت فى الشرع حى عليك