تجمع اللي بيولدون في شهر ذو الحجه

[أم ســـــامر...]

دادوووو الحمدلله انكم بخير والله يعينك ع الغرز
ان شاء الله ماتطول تنزل..
من جد اوصفي شعورك لنا..

[Dado]

الله يسلمكم يارب
كل يوم باخد ملعقه مرره عشان تعتبر زي المضاد
انا مرره احسو شبه ابوه بس ما اعرف النونوهات كل يوم بشكل

بصراحه يابنات احس لسا ماحسيت بالامومه مزبوط.. يعني لما اشيلو واشوفو ما اصدق انو ولدي
احاول اقنع نفسي بس احسها صعبه انو منجد انا صرت ام وفوق راسي مية علانة استفهام وتعجب
لاتفهموني غلط.. انا مرررررره احبو بس مو مصدقه انو ولدي وصرت ام كمان


بالنسبه للثقل وكل هداك الهم صار ماااااااضي الحمدلله
كل شي تمام ماعدا الغرز اللي تموت.. هنا مايعطو غير مسكنات حبوب لا مرهم ولا غيرو
اقلهم عالاقل مضاد عشان مايلتهب تقللي لو التهب نعطيكي مضاد انتي بس اتشطفي بمويه دافيه ونشفي مزبوط وخلاص

حذرتني الدكتوره بقوه من المغطس وانا نفسي اجرب المويه مع الملح يقولو كويسه بس برضو خايفه تزيد الحاله

[حبيبة موني]

يااااااااي داااادوو سرتي ام ،،،، الحمدلله ع سلامتك والخيوط جربي مرهم ميبو يقولو خطيييييير ينشفها ويخليها تطيح بسررررعه

يلا يلا يلا غرت من دااادووو سار نفسي يجيني نوووونووو خخخخخخخخخخخخخخ


الله يقوملك البيبي بصحه وسلامه ،،،،

بس سؤؤؤؤؤؤؤال الكرشه راحت؟؟؟؟؟؟؟؟؟ <<< اكبر همي هع

[Dado]

ماعندهم هنا لا ميبو ولا غيرو

الكرشه خفت ستين بالميه تقريبا بس الكل يقول عادي حتخف شوي شوي لانها مليانه دحين
بس اليوم بدأت البس مشد والله يستر

لا تستعجلي انشالله تولدي بالوقت المزبوط وترتاحي انتي والجميع يارب

اليوم رحت جبتلو بطانيه.. حبيبي مخطوط بسرير كلو قزاز ومغطا السرير بشرشف
المستشفى والاطفال التانيين بطاطينهم حلوه .. بس للاسف مارحتلو اليوم كنت تعبانه مررره بس اتصلت وقالولي انو وزنو زاد نقطه وصار ينام على بطنو يناثو عليه

عقبالك يارب تستمتعو باللحظات الحلوه وهما معاكم بصحه وعافيه ياااارب

[حبيبة موني]

اااااااامين يااااااارب



بس لاتلبسي مشد من دحين دااادوووو مو كويس خلي عالقليله يمر اسبوعين او 3 اسابيع

[قلبيــ مدينهــ]

سلاماات والله ياDado والله يحفظلك ولدك ويرجعه بالسلامه!!!

[أميره وين ماكنت]

مرحبا كروشات كيفكم
العالم مسافره وبتحتفل باليوم الوطني
وانا زي مانا عليه بس طايحه بعالم ثاني ولا لي خلق شي

[الصمت عشقي]

حبيبتي Dado
ان شاء الله يطلع ولدك بالسلامه وتفرحي بشوفة وهوا بحضنك
وان شاء الله تفرحي فيه وهوا عريس

[حبيبة موني]

بناااااااات فييينكم مأجزين مع اليوم الوطني ولا ايش؟؟؟؟؟

[جداويه مغتربه]

اميره وين ماكنت كلنا زي كدا على الله

دادو المويه والملح وتكون المويه دافيه بخمس ايام تنزل عن تجربه ببنتي والافضل الملح الخشن