دردشة بنات ليبيا , دردشة حوامل ليبيا , تجمع بنات ليبيا

[عيون زوجي]

السلام عليكم ورحمة الله
ميمونه يا غاليه خلي بوك وخوتك يسئلوا ومش بعيد حتى لو مشوا للجبل غادي وسئلوا عن اصله وفصله والاهم جيرانه في طرابلس لانه مولود هنايا وعايش فيها
اهم شئ الدين ثم الدين لان الدين هو الخلق والباقي عادي
لان الشخص الكويس ويلي يخاف ربه اتاكدي انه يتقي الله في كل شي فيك وفي صغاره وحوشه وافعاله وما تخافيش منه بالعكس رح اتكبدي اعليه وتخافي اعليه اما الحاله الماديه فهي شي تانوي لو انه مرتاح ماديا مع دينه وخلقه يا زينك زين ولو لا عادي تقدروا تتعانوا عالحياة لانه المثل يقول يا واخذ القرد على ماله يروح المال ويبقى القرد على حاله
هههههههه سامحيني انبصر معاك انحاول انرطب الموضوع لانه موضوع حساس وجدي وخاصة ليك انا حاسة بيك
بس ما تكبريش الموضوع اتعاملي معاه وكانه اول مرة انسي كل شي فات وصلي استخارة وتوكلي وانخطبي وبشرينا لان صوابع ايديك مش زي بعض واكيد ربي يعوضك خيررر بعد زوجك الاول
انتي ادعي ونحن ندعولك يارب يكتبلك يلي فيه الخير

[ام معاد]

عيون كيف حالك

[أم ورد]

تفتح أبواب الجنة يومي الإثنين والخميس
عن أبي هريرة رضي الله عنه قال : قال رسول الله صلى الله عليه وسلم " تفتح أبواب الجنة في كل إثنين وخميس وتعرض الأعمال في كل إثنين وخميس فيغفر الله عز وجل لكل عبد لا يشرك به شيئا إلا المتشاحنين يقول الله تعالى للملائكة : ( ذروهما حتى يصطلحا ) "
جعلنا وإياكم ممن تعرض أعماله فتغفر له .

[ميمونة]

شكرا علي ردودكم ام معاد وام ورد وانشاءالله ربي يقدم اللي فيه الخير

[عيون زوجي]

الله يسلمكم ام معاد وام ورد
ميمونه انتي موجودة ولا طلعتي؟؟؟؟ نبيك؟؟

[ميمونة]

عيون بارك الله فيك كلامك مسح علي قلبي انت والبنات

بس حرام عليا الراجل ماجابو عليه الا كل خير وحالته الماديه كويسه والحمدلله واخلاقه مافي حد ذمه وانا في المقابله الشرعيه الحق استريحتله بس في خوف

اما قصه الجبل عندي فيها خوته بس لانهم كلهم هنا وهو من مواليد طرابلس عايشين هنا ليهم فتره اهم الشئ الهنا والراجل الباهي بس مش عارفه خيرني التجربه الاولي اثرت فيا

[ام معاد]

يا ميمونة هدا خوف عادي لانك مريتي بتجربة صعبة اهم شي انك ضني بالله ضن حسن والباهي والعافن في كل مكان

[ميمونة]

عيون ايوه معاك عالفيس افتحيه

[ام معاد]

وبعدين فيه حاجة تانية اسمها التوكل علي الله وما تنسيش قوله تعالي( ومن يتوكل علي الله فهو حسبه)

[ميمونة]

ام معاذ عندك الحق وربي يسهل حبيبتي انتم ماتنسونيش في الدعاء بس