دردشة حوامل مصر - دردشة بنات مصر - تجمع حوامل مصر ‏

[gogo]

ازيك يانهاد

[malak ahmed]

ملك ازيك عامله ايه انتي وسلمي .. انا شميت ريحه سمك كده جيت لقيتكو انتو اللي بتعملوه ههههههههههه

جوجو ازيك عامله ايه

ما شاءالله عليكي بجد في المطبخ لما ابقي اروح شقتي هبقي استشيرك كده في كذا حاجه اصلي نسيت كل حاجه لاني من يوم ما حملت ما طبختش واكيد لما جوزي هييجي هيبهدلني علي نسياني ده

[malak ahmed]

الحمد لله يا هجوره ازيك انتي

[MALAK2010]

ازيك يا ملك عامله ايه والله قاعده اقول ياترى مادخلتش ليه لتكون عملتها وولدت

[gogo]

انا تمام يانهاد الحمد لله
استشيرى ياستى براحتك احنا تحت الامر والطلب

[MALAK2010]

ر بنا يخليلك مامتك يا جوجو ويباركلك فيها
هو كل الازواج بيقولوا كده
بس انا بقا بقول لجوزى ان اكلى احلى من اكل مامته ومامتى شوفتى الافترى ههههههههههههه

[malak ahmed]

هههههههههه لا متفكريش يا ملوكه انا اهو يختي واعملها ازاي قبل ما اقفل التاسع ليه هو انا اتجننت

امبارح كنت عماله ادعي اني اصحي الاقيني بولد وصحيت ملقتش حاجه اهو :((

[gogo]

ياجماعه انا هقوم اناملى ساعه كده وارجعلكم
سلام مؤقت

[malak ahmed]

ربنا يخليكي لينا يا جوجو هسميكي من هنا ورايح ابله نظيره هههههههه

انا الحمد لله عرفت اطبخ بعد الجواز لاني قبل ما اتجوز كانت دراستي واخداني وكده ويادوب عليا شغل البيت وماما هي اللي تعمل الاكل .. بس الحمد لله طلعت شطوره وعملت لجوزي كذا صنف كده عجبه اوى وقالي اني بطبخ احلي من مامته لان مامته بتزود تسبيكه الخضار اوى

بس فيه حاجات لسه خايبه فيها زي الحلويات وزي محشي الكرنب اااااااااااااااه يانا منه

انا عملت محشيات قبل كده في شقتي ( كالماري وورق عنب وبتنجان وكوسه وفلفل وطماطم وبطاطس ) بس انتو عارفين الكرنب بقي مطلوب اوى

يوم ما بناكلو بننزل ناكلو مع حماتي

[MALAK2010]

انا فضلت العشرين يوم بتوع التاسع مش حاسه باى اى اى وجع
غير التعب العادى
حتى قولت انى هدخل العاشر هههههههههه
وفجأه جت لى لى هانم الحمد لله