رموز في الحلم بشرتكي بحملك

[جوري الجنوب]

المشاركة الأصلية كتبت بواسطة مميزة بطبعي

السلام عليكم اخت جوري الجنوب عندي حلمين وابيك تفسرينها لي الحلم الاول حلمت انو كئني طالعه بس موعارفه وين انا وخواتي وبعدين كنا نبي نرجع البيت ودقيت على واحد كانوجيرانا قبل وقلت له تعال خذني انا وخواتي ويوم جاء رجعته وقلت له ماعدني رايحه معك وكئنه بالمنام طيب وخلوق مررررررره وراح ورجعت دقيت عليه وقلت له ارجع لي قال ماني راجع قلت له بليز قال خلاص برجع وبعدين دق اخوي علي وقال مع مين بترجعون قلت له بنرجع مع فلان قال ايه عادي هو ولد محترم وطيب يعني قاعد يمدح في الولد وبعدين جا الولد ونزلت تحت وقلت ماراح اركب قدام لان امي معنا وماراح اخذراحتي وبس الحلم الثاني امي حلمت انو جاها قدر وكان مغطى ولما فتحته لقت فيه دجاج ومرق وقالت لنا من وين هالقدر قلنا لها من عند جارتنا ام عبدالله

اعطيني بياناتك

[جوري الجنوب]

المشاركة الأصلية كتبت بواسطة blitz

مرحبا اختي جوري , شخبارج عساج طيبة ان شاء الله , انا حلمت في ثلاثة أيام من نفس الاسبوع ثلاثة أحلام شوية متشابهة , الحلم الاول حلمت اني اولد في طاولة طعام في منزلنا مع أهل زوجي وجبت توأم ولد وبنت , والحلم الثاني اني تزوجت رجلين غير زوجي واحد اسمه مسعود والثاني محمد وف نفس هذا الحلم شفت بنت اختي وهي ف سن الزواج الحين لابسة ذهب من فوق لتحت , والحلم الثالث ان اختي الكبيرة وعمرها 48 ومتوقفة عن الانجاب من عشرة سنوات وما تفكر تحمل خلاص حلمت انها انجبت توأم صبيان حلوين , واختي المتوفية في نفس الحلم انجبت طفل جميل , ممكن تفسري لي جزاك الله الف خير

ماشاء الله كلها تدل على بشارة حمل لكي والله اعلم

[جوري الجنوب]

المشاركة الأصلية كتبت بواسطة nadabonn

سلام اختي جوري الله يرزق لي تتمنيه يا رب انا حلمت اني كنت عند اختي في بيتها شوي لقينا ان ابنها فتح حنفية الماء و البيت كل صار ماء (مع العلم ان ابن اختي مزال رضيع 6 اشهر) بعدين حملت ابنها على ظهري و ابتدءت اجمع الماء من الأرض و في هذه اللحظة ظهرت صديقة لنا صار لنا كثير ما شفناها و اسمها مريم و عانقتني عناق حار و خلاص انتهى

ماشاء الله بشارة حمل لكي والله اعلم

[رحيق القلوب]

سلام يا احلى جوري
بقولك حلمي تحلمت اني فتحت خزانتي لقيت فستان معلق مرررررررره حلو وطلعته اشوفه بعلاقته ومره حلو حتى موديله قلت الحمدلله عندي فستان حلو يعني ببالي بالزواجات البسه لانه حلو
امممممممم انا الحين حامل
ممكن تفسرينه يالغلا

[جوري الجنوب]

المشاركة الأصلية كتبت بواسطة فوفو85

كيف حالك اختي جوري اثقلنا عليك بالاحلام الله يكون في عووووونك انا حلمت ان ضرسي كان في شي طالع منه ولما ادرت هذا الشي طلع مسمار صغير كانه مثبت الضرس وتركت الضرس وكانه بيطيح وقلت في قراره نفسي اني بروح لدكتور الاسنان عشان يثبته لي

ان شاء الله بشارة حمل لكي والله اعلم

[جوري الجنوب]

المشاركة الأصلية كتبت بواسطة بنت مكه20

اختى جوري اول مره احلم حلم بسيط


حلمت ان ام زوج اتصلت عليه في بيت اهلي وقالت ليه: زوجك (ولدها) مايبغي يشتري سيارة لكم ، اللي يبغاها غاليه وماعنده فلوس واحنا مانقدر نعطيه
وكلمت زوجي وقلت له : ليش ماتبغي تشتري سياره ؟ وتزاعلنا وصكيت التلفون في وجهه

حديث نفس والله اعلم

[جوري الجنوب]

المشاركة الأصلية كتبت بواسطة أم ميوش

اختي جوري اخت زوجي حلمت انه انا لابسه فستان ابيض وكان الموديل هي واختها عاطيني اياه وكان روعه عليه وبعدين اخذو الفستان يغسلوه بالماء صار الماي ذهب

ماشاء الله بشارة حمل لكي ان شاء الله والله اعلم

[سما عمري]

حلمت اني ابوي بشقتي منسدحه بالصاله وجيت له وبسته ع خده قريب شفايفه ولف وجهه بعدها واقول بنفسي بس بسته ماتكلمت بوجهه ورحت مطبخي ولقيت امي وشغالتنا وامي معاها قدر كبيرر مطبوخ فيه لحم بسس

انا متزوجه من سنه وكم شهر ماعندي اطفال

[فوفو85]

المشاركة الأصلية كتبت بواسطة جوري الجنوب

ان شاء الله بشارة حمل لكي والله اعلم

اختي جوري الله يبشرك بالخير يا قلبي انا الحين دورتي متاخر 4 ايام ان شاء الله اكون حامل ولك البشاره

[سحآبة فجر]

موضوع رائع ..
جزاك ربي كل خير وفرح قلبك أختي جوري
أول مشآركه لي معكم واتمنى تفيديني ياقلبي ..

من كم يوم قمت آخر الليل أخذت من زوجي فلوس ابغى اتصدق فيها وصليت آخر الليل ونمت وحلمت حلم غريب ،،

حلمت اني حملت وكنت في الشهر السابع وكنت مستغربه كيف اني بسرعه حملت سبحآن الله بعد الصدقه والاستغفار على طول ورحت لمستوصف علشان اكشف لأن عندي وجع ولما رحت للدكتوره شافتني وقالت ولاده الحين لازم أولدك خفت انا وجت هي تولدني كانت تقول لي دفي دفي وانا مااعرف (كأنه كان حقيقه) كنت اطلع هواء من فمي بس مااعرف ادف معها قامت هي قالت الحين لازم انا اطلعه وكأنها شقت بس مااعرف هل هي شقت بطني والا من تحت بس انها طلعته وكان ولد وقالت لي احنا مستوصف ماننوم وانا كنت كويسه يعني قالت لي ارتاحي الين نجي بنروح للبيت انت أخرجي وتعالي بكره بعدها لما خلصو الدوام خرجت وكان النونو بيدي وجاني اخوي (مع العلم ان اخوي في الواقع واهلي مو بنفس المدينه اللي انا فيها ) ولما جاني كأنه مايعرف اني ولدت ولما جيت بأطلع السياره مشى هو يعني كأنه يمزح معاي قمت انا جلست ابكي اقول هو مايدري انا اش فيني ليه كذا يسوي وقلت مابأطلع معاه قام راح وتركني شوي جاء هو وزوجي بالسياره ولما طلعت السياره طلع معانا رجال غريب يبيهم يوصلونه وبعدها شفتني جالسه بالصاله (بيت مااعرفه) وامي ماسكه ولدي وفرحانه مررررره مره فيه وكان عمره 5 شهور اللي في الحلم واختي المتزوجه جالسه تكوي ملابس وترتبها وتقول سبحآن الله انه يشبهني انا مره ودبدوب تقول باين انه ولدك يشبهك وعلى جنب جالسين ام زوجي وابوه وبنت صغيره عمرها يمكن 8 أو 9 سنوات كأنه في الحلم اخت زوجي (في الحقيقه ماعنده اخوات صغار ، وامه وابوه اللي بالحلم مااتذكر ملامحهم بس انهم في الحلم انهم امه وابوه .. الله يرحمهم )
وكان ولدي جداً جداً جميل ماشاء الله عيونه وساع ونفس انفي وابيض يعني يشبهني بس جدا جميل سبحان الله وبعدها كأنه مات لأني كنت ابكي واتذكره ..

متزوجه لي 8 شهور ، لم احمل ، مافي مشاكل بيني وبين زوجي ولله الحمد، ابوه وامه في الحلم متوفين رحمهم الله


وحلم ثاني ..
أمس حلمت اني لابسه فستان وفرحانه ..

اختي قبل اسبوعين حلمت اني لابسه فستان ومسويه تسريحه وشكلي مرررره حلو تقول ( في الواقع بعدها جاب لي زوجي ذهب هديه )


اعتذر اطلت عليك بالاحلام ارجو التفسير جزاك ربي الجنان