تجمع حوامل ليبيا

[ام روفيدة]

السلام عليكم كيف حالكم اليوم

[ام روفيدة]

وينكم ما فيش حد معقولة هكي

[ام روفيدة]

شكلي بنهدرز بروحي اليوم

[ام روفيدة]

مليت من القعدة بروحي الراجل يخدم والبيبي مازااااااااااااال ما يبيش يطلع وإنتم لاحياة لمن تنادي كيف اندير قولولي ما عنديش غير الكوجينة نمشي إنطلع فيها غيظي وناكل ونكدس كيلوات الشحم مش خير من الكسااااااااااد اللي ضاربني وضاربكم ههههههههههههههههههه

[ام لقمان]

مساء الخير ام روفيده
كيف حالك ؟
انشالله بخير

[ام لقمان]

ام لقمان..وصابرة انا لليوم ما تلاقيتش مع وحدة منكم وحابه اتعرف اعليكم اكثر
شكرا ياوخيتى على السؤال وانا مثلك بالكى بعد ماتكبر بنتى اشويه نقدر انكون معاكم اكثر

[ام لقمان]

تصبحوا على خير
وكل عام وانتم بخير

[ღॐ آية ღॐ]

السلام عليكم
كيف الحال يا احلى حمولات ليبيات
وشكرا جداجدا لصاحبت الموضوع
سعيدة جدا لنضمامي ليكم
انا من طرابلس
عندي ولد ربي يحفضهولي
وتوه حامل بشهر التالت
تعبانه والحمد لله
من الوحام
مرات يخف وشبه يختفي ومرات يزيد
والله المستعان
ربي يسهل عليا وعليكم
اللهم امين

[ღॐ آية ღॐ]

وياريت كل حامل تقول وين تراجع
انا نراجع في مصحة الفردوس
بطرابلس قرقارش
عند الدكتور احمد الزروق
راجعت عنده في حملي الاول
وهو ولدني
والحمد لله ولادتي الاولى طبيعيه

[صابرة]

كيف حالكم يا بنات
ام رفيدة ياربي تولدي وتنوضي بالسلامة انت والبيبي نصيحة ارقدي توا هلبة وتمتعي بالنوم لأنك حتستاحشيه بعد ماتجيبي البيبي

كيف حالك ميمونة يارب تبشرينا بحملك عن قريب

ام لقمان ليك وحشة وكيف حال بنيتك وكل سنة وانت طيبة

مرحبا بيك يا اية في التجمع وربي يهون عليك الوحم وتكملي حملك على خير

عيون امتى بتروحي هيا تعالي ونوري طرابلس