تجمع حبيباتي الكروشات اللي راح يولدون بشعبان

[ام الحلوين 5]

الله يقومك بالسلامة مس يويو ويفرحك بشوفة ولدك
الف سلامه عليك ام حمادة الله يعين ع الثقل وتعب التاسع
نعووووومه اسكتي يابنت الحلال قسم صار فيني خوف مب طبيعي صرت ارجف وخلاص مابي اولد هههههه ورجعت البيت وكلمت اخوي الله يحفظه وجاب لي ماي زمزم قرا عليه وجابه لي والحمد لله هجدت اسال الله العظيم ان يسهل علينا ولادتنا ويؤمن خوفنا ويقر عيونا بشوفة صغارنا يارب

[خوخه بريه]

اهلين بنات شخباركم

الحمدلله ع سلامتك مسس
باقي البنات يالله شدوا الهمه

معاي دوخه مدري ليه
واحس نفسي خلاص
وحراره في اطرافي
طول اليوم ارش بمويه واجلس عند المكيف
لو احس بالحر دوخه ع طول

مدري ليه

[قلب أمها]

مشكورات اخواتي ارتحت من ردكن الطيب الحمدلله طلع الفحص وماعندي زلال
بس شوي التهابات وترسبات
الله يقومنا بسلامه
ان شاءالله تمر الايام بسرعه

[شوق وغرام]

مرآحب كيفكم
بليز بسالكم عن زلال البول لان الدكتورة منعتني من اكل البيض لين أولد وعطتني مضاد حيويته هو وش اسبابه ووش يعني زلال مفهمت *

[ام لبنى 666]

كيفكم ياحلوات
مس يويو الحمدلله طمنتيني عليك وعليك استغلال فراغك بالستغفار تري والله تجنين
اشياء حلوه بحياتك حلو وراح تشوفين ابواب الخير والفرج تفتحلك من كل صوب انا مجربه
والله شفت الخير والرزق
سفن كيفك اليوم باقي،تحسين باعراض الطلق
نعومه الله يسلم بنتك من كل شر
دندوشه الصبر وانا اختك هههههههه
خوخه حاولي ماتتركين الحديد استمري عليه يمكن الدم ناقص عليك ولا احتمال اذانيك ملتهبه
انا الاسبوع الي راح ذبحتني الدوخه والتنمل والفتور وعدم التوازن بالاخير كشفت،
وطلع السبب التهاب بالاذن الوسطى حتى يخليني اعصب طول الوقت الله يبعد عنك شر هالاتهابات بس عليك
تتغذي زين والفيتامينات لاتتركينه والحديد والكالسيوم
بنت امها لاتهني الوزن ماوزن انا اطفالي 3 كلهم اجيبهم ع 3 كيلو وزياده اخر،واحد جبته 3و400 جرام كانو يقولو في الشهر الثامن وزنه
ببس كيلو،و700 بس مافكرت في كلامهم لما دخلت التاسع زاد الوزن جا اكبر اخوانه مشالله

[سفن بارد]

صباح الخيرات

ام لبني حبيبتي الطلق سبحان الله مايجيني الا الصبح ويقومني من عز نومي واذا جاء الظهر خف ونمت حمدالله وباقي اليوم ماشاء الله مافيني شي بس ثقل وتعب الحمل المعتاد الله يتمم علينا ويفرحنا يااارب
بس الحبوب اللي توقف الطلق متعبتني مرررره الله يعظم اجري والله حاولت ادور غيرها بديل عند كذا دكتور او دكتوره كلهم قالوا مافيه حل غيرها
قالت لي دكتورتي نصف حبه 3مرات باليوم انا مااكل الا نصف حبه بس واموت من التعب وافكر اتركها بعد وارتاح وانسدح وبس الله يرحمنا برحمته ابن ادم ضعيف

[السامره]

سلامتك سفونه وترا الطلق لابد منه هذي الايام
انا لي يومين عندي طلق كل بس متفاوت والله يسرها لنا ونولد بسلامه

[na3ooma]

مساء الخير يأحلى كروشأت
يلا شدو حيلكم مابقى احد قبلنا الا حوامل رجب وحاليا ماشأء الله جا شهرهم وصاروا تحت الاضواء

وممكن وحده مننا تسوي خيانة وتولد بداية التاسع وتلقى نفسها من نفوسات رجب هههههههه
ربي يرزقنا جميعا ولادة سهله ميسرة بطفل سليم معافى يارب العالمين

[تحكمني قناعاتي]

اهلا بنات منورين ما شاءلله عليكم
ان شاءلله كلنا نولد بداية شعبان ونرتاح احس خلاص تعبت
ومافيني على حركة بنتي ولا فيني شدة اراكض وراها واهي صايرة حواااسة كثير
احس مسكينة بعدها صغيرة وبتجيها اختها وبيصيرون مثل التؤم الله يعيني يارب

[نوره الأموره]

انا ولادتي 28 شعبان و ودي اولد بداية شعبان بس خايفه الله يعين