دردشة حوامل أهل جدة - دردشة بنات جدة - تجمع حوامل مدينة جدة

[um yuseef]

المشاركة الأصلية كتبت بواسطة ~lady~

ماشاء الله انجااااااز ياام يوسف ..

في تاجره اسمها مودل .. اغراضها مرتبه وبراندس اصلي واسعارها حلوه..

طلبت منها لحاف ولبس الاستقبال بيوصلني يوم الاثنين ان شاء الله..

اليوم طلعت ادور على لحاف ليا وسرير بدولاب ..للاسف مالقيت شي حلو ومرتب..واذا لقيت سرير بدولاب مالاقي لون ابيض..

فين ممكن الاقي سرير نوم للبيبي مو استقبال ؟!! وسمعت ايكيا فيه ..من شافت جودته و ثقيل والا لا ؟!!

لان بديت اطفش من المقاضي ولله الحمد ..

الحمدلله أول مره احس اني انجزت

بس مره مره شايله هم اللحاف ربنا يستر و أنتي يارب يوصلك لحافك و يرضيكي

ممكن ترسليلي موقع التاجره

و بالنسبه سرير دولاب ابيض شوفت في سنتربوينت بس ماركزت عليه

و ايكيا اكيد موجود و جودتهم لا يعلى عليها

بس عارفه فيه كتير سارو يروحو ايكيا ياخدو الديزاين و يفصلوه

[um yuseef]

مره سألت لو أحد يعرف دادات كويسين و مسحو لي المشاركة

ماني فاهمه اش السبب لو على الارقام قصدهم كتير تاجرات منزلي ارقامهم

اللي تعرف بليز ترسل لي ع الخاص

[محبتكم نينو]

المشاركة الأصلية كتبت بواسطة أم عبدالرحمن السلفية

بنات اش انظف مكان يسوي مفرزات معجنات .وكيف الاسعار؟

أم عبد الرحمن ياقلبي سنابل السلام رووووعه في منه فروع في كل مكان خخخ اللي يعجبني فيه انه معجناته مشكلة أكثر وصغنونة تفتح النفس أشكالها تقدري تجيبي صحن من عندك ويعبوا لك

وفي المبتغى في النهضة أظن مرة فخم ووا وحجم معجناته اكس اكس سمووول يناسي وتجي بأشكال غريبة جدا! بس المبتغى أغلى من سنابل السلام

المشاركة الأصلية كتبت بواسطة um yuseef

هههههه طيب أنا ح استنى الاولاد يكبرو

و اختار بينهم

ام عبدالرحمن

نفس حوستنا ندور محل لانو بصراحه جربنا من حرمه مررره ماحبيناه

وحده دلتنا على محل صحه و صحتين

موجود في النسيم و الصفا و الرويس و السلامه

بس لسى ما جربناه

المشاركة الأصلية كتبت بواسطة um yuseef

اشتريت روب الاستقبال من واحة الجلابيه

و باقي روب المستشفى كمان من عندو لانو اعدل الموجود

و كمان غيرت لحاف لانو اورانج ما قصر في كل مول عارضو حتى في الاندلس :*،*:

رحت المفتي عملت لحاف مع سرير النونو و لبس السابع حق النونو مع برواز صوره و مدس و سلة مهملات

طقم ماعرف كيف حيطلع ربي يستر و يجبر بخاطري يطلع حاجه كويسه ♡

و ملابس ست الحسن و الدلال تقريبا خلصت بس باقي مهاد الاستقبال حاطلبو من تاجره

و بس ،،،،

المشاركة الأصلية كتبت بواسطة ~lady~

ماشاء الله انجااااااز ياام يوسف ..

في تاجره اسمها مودل .. اغراضها مرتبه وبراندس اصلي واسعارها حلوه..

طلبت منها لحاف ولبس الاستقبال بيوصلني يوم الاثنين ان شاء الله..

اليوم طلعت ادور على لحاف ليا وسرير بدولاب ..للاسف مالقيت شي حلو ومرتب..واذا لقيت سرير بدولاب مالاقي لون ابيض..

فين ممكن الاقي سرير نوم للبيبي مو استقبال ؟!! وسمعت ايكيا فيه ..من شافت جودته و ثقيل والا لا ؟!!

لان بديت اطفش من المقاضي ولله الحمد ..

أم يوسف حبيبتي ربي يتمم لك على خير ويبارك لك ولنا في كل خطوة يارب وعقبالي خخخ


لايدي يا حلوة ايكيا قبل 15 سنة اشترت أمي منه سرير لأخوي خشب سنديان روووووعه كجودة

صراحة وتوارثته الجيال ماشاء الله لدرجة اننا الى الآن معطينه وحدة تقربلنا الين مايكبر ابنها وكذا =)

مرة تمام وجيد شوفيها بنفسك أحسن.... وشفت سرر قماش حلوة في سنتر بوينت عليها تخفيض

20% برضو حلوة وعملية ويناسب الأطفال الين 3 سنوات ماشاء الله لكن الخشب مو مرة عجبني

زي حق ايكيا

وموفقييين يارب

[moone]

كيفكم كروشات
الله يسعدكم مرا محتارة من فين اخود مفرش النفاس
روحت اورانج بس مالقيت نفس اللي في خاطري
انا نفسي القى نفر ويكون ابيض مع فضي وكيدا

[um yuseef]

المشاركة الأصلية كتبت بواسطة moone

كيفكم كروشات
الله يسعدكم مرا محتارة من فين اخود مفرش النفاس
روحت اورانج بس مالقيت نفس اللي في خاطري
انا نفسي القى نفر ويكون ابيض مع فضي وكيدا

سيبيكي من اورانج أي حاجه تاخديها حتلاقيه عارضها في كل مكان

لحد ما تقرفي منها < عن تجربه

[um yuseef]

كان عندي موعد عند الدكتورة اليوم

الدم نازل عندي كان 11.5 سار 10 :(

[أم عبدالرحمن السلفية]

نينو
مشكورة احب البريك تبع سنابل السلام بس كنت اسال عن السنبوسه و الكروسون وشغلات طبخ بيتت .
ام يوسف :
الف لا باس عليك .. كم لك حامل ؟ و كم اطفال او لسى اول حمل ..

[moone]

ام يوسف طيب فين القى مفرش حلو وفخم ؟
اسفة طفشكم باسلتي واللي تعرف تاجرات عندهم بضايع حلوة تسدح لي روابط خخخخ

[محبتكم نينو]

المشاركة الأصلية كتبت بواسطة um yuseef

كان عندي موعد عند الدكتورة اليوم

الدم نازل عندي كان 11.5 سار 10 :(

بسم الله عليكي ربي يشفيكي ياقلبي ولا تخافي انت بس اهتمي بأكل الزبيب والجرجير وكل الأشياء اللي ترفع الدم, وربي يقويكي

المشاركة الأصلية كتبت بواسطة أم عبدالرحمن السلفية

نينو
مشكورة احب البريك تبع سنابل السلام بس كنت اسال عن السنبوسه و الكروسون وشغلات طبخ بيتت .
ام يوسف :
الف لا باس عليك .. كم لك حامل ؟ و كم اطفال او لسى اول حمل ..

اهاااا الدانوب افتكر كانت معجناته تعجبني مدري ليه خخخ شوفيها يمكن تستفيدي بإذن الله

[*الأميره*]

بنات فين الاقي سرير النونو للاستقبال ماحصلت حاجة مرتبة وناعمة

وابغ اعرف من فين اشتري شنطة البيبي المقسمة

وعزيز مول اعرف انو في اغراض اطفال اش ممكن استفيد منه ؟

انا شريت بس لحافي وملابس النونو من سنتر بوينت ومذركير وزادي

احس باقي لي اشياء كثيرة لي وله واغراض الصيدلية وووو شايله هم

انا بالثامن ومافيني الفلف مع اني بكرية

وكيف ازين غرفتي بالبيت والمستشفي ان شاء الله والتوزيعات