دردشة حوامل مصر - دردشة بنات مصر - تجمع حوامل مصر

[MALAK2010]

والله يا لولو من كتر اللى بشوفه مش بقدر ادير على حاجة حاسة انه مش وقتة الفرجة على اى حاجة والناس كدة وتعبانة ومتبهدله وانا اتفرج على اغنية ولا مسلسل ماينفعش طبعا
من الصبح بفتح الجزيرة او الجزيرة مباشر او العربيه اوbbc
يعنى اخبار فى اخبار ههههه
وكل شوية اعيط على اللى بيجرى وعلى الشباب ربنا يكون فى عون امهاتهم يارب ويصبرهم

[dr.princess]

انا كمان بفتح على العربية وبرامج الحياة بس مش طول الوقت اخبار شوية كده وشوية كده

[MALAK2010]

وانتى زهقانه من اية يا لولو

[dr.princess]

زهقانة مفيش جديد وكل يوم زى اللى قبله ومفيش بنى ادمين وطبعا الحمدلله اصحابى ولا كأنهم بقى يعرفونى

[MALAK2010]

بصى اول حاجة الحمد لله على الروتين دة لانى اكتر من مرة اقول كدة الايام شكل بعضها وحاسة بملل سبحان الله يجيلى حاجات بعد الشر علليكى تقلب حياتى اقول ولا يوم من ايام الملل دول على الاقل الحياه مستقرة

انتى عندك كام صاحبة وكلهم متجوزين ومتعودين تتكلموا على النت كل اد اية

[dr.princess]

لالالالالالالا الحمدلله كده احسن مايجى حاجة وحشة لاقدر الله
والله انا عندى اصحاب كتير معظمهم متجوزين بس من بعد ماتجوزت وجيت هنا حتى الرنة بقت كتيرة عليا ولو حابين مثلا يتطمنوا عليا يسيبولى اوف لاين على الياهو تخيلى يعنى حتى تمن الرسالة اغلى منى عندهم

[MALAK2010]

معلش ماتزعليش منهم كل واحده بتنشغل بحاجات كتير وبالذات بعد الجواز وممكن يكون عندهم اطفال وساعات الاوف لاين بيقى اسهل
انتى عاوزة تغرميهم وخلاص علشان تعرفى محبتك عندهم هههههههههه

وعلى فكرة اللى بيكون فى مصر بيبقى مشغول اكتر من اللى مسافر لان بيبقى حياتهم مليانه بجوزها واخواتها ومامتها وحماتها والعيله كلها

[dr.princess]

بس برده يابنتى اللى بيهمه حد والله لو عنده ايه ميتأخرش عنه
صحيح نسيت اقولك صاحبتى لولو ام جودى اللى كلمتك عنها قبل كده تقريبا حامل

[MALAK2010]

وبعدين مش انا صاحبتك يا لولو دة انا بدخلك مخصوص والله علشان ماتقعديش لوحدك

[MALAK2010]

مبروك لها ايوا كده شكلها هتدخل معايا نادى الستة ان شاء الله هههههههههههه
عقبالك يا لولو لما تدخلى معانا اوام اوم كده ههههههههههههه