تجمع حبيباتي الكروشات اللي راح يولدون بشعبان

[Miss YoYo]

أخباركم ا حلوات كلكم ؟
اعذروني ابطيت عليكم بس ماكان عندي نت
استهلكت الحد اللي حاطته على شبكة الجوال عشاني اكل امي كل يوم من المستشفى
انا الحمدلله ماشي حالي ، باقي بالمستشفى وشكلي بقعد عندهم لين الولاده
مستوى المويه مايرتفع بسرعه
قالو لي الحدي الطبيعي لنسبه المويه من 8 إلى 20
وانا كانت عندي بس 5 والحين الحمدلله وصلت إلى 6 ونص
ولو وصلت لـ 8 او فوقها بشوي يطلعوني بس الحين قالو اذا بتطلعين اطلعي على مسؤليتك
فكرت اطلع بس خفت يصير للبيبي شي واتندم بعدين .. انا قاعده قاعده
غرفتي خاصه وزوجي معي بالغرفه عندهكل شي والأكل يوصلني للسرير وعندي تلفزيون مو ناقصني شي
ربي يسهلهاوترتفع واطلع ابي اريح تعبت من المستفى
هذا غير اغراض عبود باقي ماخلصتها ... كل شي طلبناه من النت وانا بالمستشفى
اغراضه يبيلها غسيل وكوي وترتيب بالأدراج وانا ماسويت شي
ولا جهزت شنطة المستشفى وباقي ماركبنا السرير ولا فرشناه
ولا كملت باقي اغراضي عشان نزلتي للسعوديه ولا خذيت باقي الهدايا اللي بنزلها معي
وزوجي بدأ الصيفي عنده وصار يداوم ويرجع دوبه ينام ويريح ويحل واجباته ويذاكر
يارب يفرجها .. أحس حياتي صارت سلطه

[سفن بارد]

اهلا ياكروشات الله يتمم علينا يارب ياكريم

قلب امها طبيعي جدا ماشاء الله مو صغير انا مثلك خلصت33اسبوع ووزن الجنين2كيلو ماشاء الله الله يتمم علينا ويفرحنا بسلامتنا وسلامه اطفالنا

ام حماده الله يسمع منك وفعلا الراحه مطلوبه الله يرزقنا بها

[Miss YoYo]

سفن ... سلامتك والله ماتشوفين شر ، قللي حركتك عشان لاتتعبين وربي يتمم لك على خير وتكملين للتاسع ان شاء الله وتجين تشكين لنا متى أولد متى أولد

دندوشه .. يا اختي ريحي بالك لاتخافين من الولاده ولاتتوترين
بالعكس شي حلو قربت شوفتك للنونو ربي يسلمه لك هذا لحاله يخليك تتحمسين للولاده مو تتوترين
ربي يسهلها عليك إن شاء الله

نعومه .. أخبارك وأخبار البنوته ؟ ... وش صار مع بنتكوعملي اللحميه قال لكم الدكتور شي ؟

قلب امها .. حبيبتي لا يقعدون يهذرون عليك ع الوزن اهم شي السلامه لا تخافين منهم
انا ولدي لحين ماوصل كيلو ونص ... وامي كانت تجيبنا بس كيلوين و 300 غرام او كيلوين و 400 وهذا حنا وش زينا مافينا البلا ..اذا على الوزن لاطلع ان شاء الله يزيد وزنه
اهم شي صحته زينه ومافيه شي بس ، استودعيه ربك وربي يتمم لك على خير

[عشقي الاطفال]

ميس يويو الحمدالله طمنتينا عنك ..

بنات خاااااااااااااااااااايفة مووت بشوف مبارة الاهلي السعودي والجزيره

ادعو الاهلي يفوووووز احس بممغص من الخوف

[تحكمني قناعاتي]

هلا بك مس يويو نورتي الحمدلله انك طمنتينا

[king_ro7e]

آهلين مس يؤ يؤ
آلحمدآلله طمنتينآ علييك وآلله يسهل عليك ويقومك بالسلامه انتي وكل بنات التجمع يارب

بنت آمهآ مآعليك منهم آنآ قالت لي آنه مآكمل كيلو وانا بالثامن ماباقي شي على ولآدتي بس آهم شي هو بصحه وعآفيه ومآدري ويش يصير بموعدي الجآي بس قإلو آذآ مو مكمل كيلوين ماراح يطلع معيمن المستشفى الله يعين ويسهل علينآ ونشوفهم سليمين بين آحضآنآ يآرب

[سفن بارد]

اهلا

مس يويو ياحبي لك ربي يسمع منك ويتمم علي وعليك وعلى الجميع ياااارب

عشقي الاطفال بسم الله عليك من المغص عشان كوره هههههه حمدالله اجل ربي رحمك ومبرووووك فوزهم ياحبيبتي

[na3ooma]

السلام عليكم
كيفكم ياحلوات ياكروشات

دندوشة مو شرط تكملي التاسع , ترى فيه بكريات تولد من اول اسبوع ماشاء الله
انتي بس خليها على ربنا وتتسهل وامشي كل يوم وكلي رطب.

ام الحلوين سلامتك ,, انا لو مكانك اخليها تكشف وتسوي تحريض كمان ههههههه < حماس
ماشاء الله انتي بالاسبوع 35 يعني باذن رب العالمين على دخلة التاسع خلاص . يارب تسوي لي تحريض واخلص مره طفشت

عشقي الاطفال , اذا ماشاء الله مداومة يوميا على كريم التشققات لاتخافي ترى اللي بتشوفيها بعد الولادة حتكون مره بسيطة ويكون لونها قريب من لون الجلد .. بس لاتوقفي حتى بعد الولادة لحد ماترجع بطنك لحجمها , اعتبريها ترطيب يومي زي ماترطبي باقي جسمك . انا ماوقفته الحمدلله .. اتكاسل واوقف الفيتامينات بس الكريم لا

وكريمات الاطفال انا اشتريت سيباميد لان بنتي لاحظت جلدها صار جاف وبدأت معاها اكزيما وهي صغيرة ومااعرف السبب , فقلت احسن من البداية اجيب شي طبي للنونو الجاي . وعندك شركة فرنسية اسمها mustela تلقيها في صيدليات المستشفيات الكبيرة واشترت منها مس يويو . وانا جايبة منه كريم التشققات حقي.

[na3ooma]

سكر صلالة راس البيبي عادي البيبي عنده وقت للاسبوع 36 علشان راسه ينزل وبعدها يصير صعب لانه بيكبر ..ربي يسهل لنا كلنا

ام حمادة وكل عام وانتي بخير وبدأت اشهر الخير يارب يجعلها خير على الجميع

مس يويو واخيرا اتطمنا عليكي , الحمدلله لسه ماولدتي ووضعك مستقر ربي يتمم لك على خير وولادتك تتسهل وتكون بالتاسع , وهونيها وهي تهون معليش المستشفى كلها فترة مهما طالت علشان خاطر النونو , الله يساعدكم انتي وزوجك ولاتفكري بالاشياء اللي في البيت والشغل تراه مايخلص ... انتي بعد ولادتك بالسلامة يارب كملي المهم سلامة النونو .
وبنتي لسه موعدها السبت الدكتور يقرر لها على العملية ربي يسهل

قلب امها طنشي لاتخافي , واذا موسوسة من وزن البيبي اشربي حليب كثير وكلي موز مره مفيد ويزيد وزنه ,, ومو كل تحليل زلال معانه تسمم حمل لا تخافي ولا تفكري .. وابعدي هالفترة عن كل شي مالح وعن كل مخلل لحد الولادة وحيخف التورم ان شاء الله .

[ام الحلوين 5]

الله يقومك بالسلامة مس يويو ويفرحك بشوفة ولدك
الف سلامه عليك ام حمادة الله يعين ع الثقل وتعب التاسع
نعووووومه اسكتي يابنت الحلال قسم صار فيني خوف مب طبيعي صرت ارجف وخلاص مابي اولد هههههه ورجعت البيت وكلمت اخوي الله يحفظه وجاب لي ماي زمزم قرا عليه وجابه لي والحمد لله هجدت اسال الله العظيم ان يسهل علينا ولادتنا ويؤمن خوفنا ويقر عيونا بشوفة صغارنا يارب