تجمع حــوامل التوائم

[البرنسيسة..؟]

نورة نايف اخبارج؟؟؟ طمنينا عليج....

[أستاذة ذوق]

بنـــــات.. انا اليوم رحت سويت اشعه تخيلوا الاجنه تغير وضعهم
صاروا راس فوق وراس تحت
شكلهم بيجننوني معاهم مادري على ايش بيستقرون
فدييييييييييتهم

[ميمي الاموره]

ذكرتيني بنفسي ياتوامي
اللحين وهم قدامي مو مستوعبه انهم هم اللي كنت اشوفهم بالسونار

يالبى قلبهم صايرين دلوعين ماينامون الا اذا كانوا معي بنفس السرير
واذا حطيتهم باسرتهم كل شوي قايمين
عاد اقول تدلعوا اللحين دامني ببيت اهلي بس خليني اروح لبيتي مالكم الا اسرتكم

الله يقومك بالسلامه توامي والله يستر عليك من القيصريه

[ميمي الاموره]

دلوعة حبيبي ..

مرحبااااااا ..
كيفكم ؟؟
انا حامل بتوام بالشهر الخامس ..
مرره متضايقه صار لي فتره .. والسبب اني احاتي لما اولد شلون بقدر اعتني فيهم لحالي
يعني صحيح اني بنفس عند الوالد بس مسري يوم برجع بيتي .. وزوجي طوا النهار غايب
ما يجي الا المغرب .. طبعا انا امي قالت لي قدمي لك على خدامه تساعدك ولو بشغل البيت وانتي تتفرغين للصغار .. اقترحت هالفكره على زوجي وما عارض ولا شي بالبدايه .. والحين لما جا
وقت التقديم اعترض يقولي انه ما يحب الخدم ومدري ايش .. وانتي اعتني فيهم لحالك انا انصدمت لان ما كان هذا كلامه بالبدايه .. والله من قالي هالكلام وانا لا ليلي ليل ولا نهاري نهار
طول الوقت متضايقه حييييييييييل ودمعتي على خدي .. وربي احاتي المسؤوليه شلون بشيلها لحالي .. تعبت من التفكير .. وتعبت من الصياح .. ما ادري ايش اسوي ..ولا عارفه كيف اقنعه
ولا حتى كيف افتح الموضوع معه من جديد .. تكفون لا تردوني شوروا علي ايش اسوي ..
شالحل ؟؟؟وربي تعبانه..

لاياحبيبتي لاتضيقين نفسك مو زين لتوامك فكري فيهم مساكين

انتي ادعي ربك وربي بيسر لك وسالفة الخدامه انا نفس الحكايه ولا انا بعد عندي جامعه بس وش اسوي مالي الا الدعاء حتى الكل يوم ولدت يسالني قدمتي خدامه ضروري تقدمين
وهو ياجبل مايهزك ريح مع انه شايفني ببيت اهلي وامي واخواتي معي يركضون واحنا مو ملحقين وربي صاير النوم عندي بس 4 ساعات ولا باقي الوقت ياارضع هذا ولا اغير لهذا وانظف هذا
والمشكله مو اللحين المشكله اذا جت ايام الدوامات وبدات الدراسه وين احطهم خالتي موظفه وامي بعيده عني باخر الرياض وانا اول الرياض وانتي عارفه الرياض كيف زحمتها كيف الصباح وقت الدوامات

خليها على ربك الدموع وضيقة الصدر ماتفيد مالنا الا الدعاء

عسى الله يهديهم

[حزن الزمان]

هلا كروووووووووشات كيفكم ؟؟؟؟؟
نورة نايف افتقدتك كثير وعسى غيابك خير يارب ...
نارا كيفك طمنيني عليك حبيبتي ؟؟؟
ميمي يارب تكونين دايما بخير وطيبة ؟؟؟ المهم عندي سؤال عن العملية القيصرية كم يوم وتروح الآلام من الخياطة بليز علميني لأني لحالي وماعندي أحد لا أهلي ولا أهل زوجي ؟؟ وكم يوم اقعد بالمستشفى عشان إذا طلعت اكون بخير ؟؟؟
كوثرية وينك ؟؟؟؟؟؟؟؟؟؟؟ وباقي البنات افتقدناكم ؟؟؟
توامي قلنا بنفرح فيك طبيعي وش صار ؟؟؟؟؟؟؟؟؟؟؟؟؟؟؟

[حنان الهاجري]

المشاركة الأصلية كتبت بواسطة فراوله حمرا

بنات حبيت اشترك معكم في هذا التجمع الحلو طالما انا كمان والحمد لله والشكر حامل بتوائم

واليوم عرفت جنسهم انهم ولد وبنت ولا تلموني اذا قلت اني حزينه لانه كنت اتمني بتوائم اولاد

لكن قدر الله وماشاء فعل

الغاليه ممكن اسالج انتي باي شهر لاني ابا اعرف بعد شو جنس توامي

[البرنسيسة..؟]

استغفر الله

[أستاذة ذوق]

ميمي
الله يخليهم لك يارب

حزن
ماااااااادري شكلهم بيقعدون كل يوم شكل يلعبون بأعصابي

[زود الغلا]

صباح الخير على الرشيقااااااات
بصرااحة انا حيييييييييييل زعلانة منكم ماشفت اي تفاعل بالفكرة اللي طرحتها في ص 211 انه كل وحدة تذكر لنا طريقتها في التحصين والقراية والادعية اللي تقرينهم على نفسك وبخصوص هالفترة فترة الحمل بما ان الموجودين حوامل دبل :) توأم فلازم نتحصن عدل ومثل ما انتم عارفين احنا في زمن العين الله يكفينا شرها وبوقت الناس طماعه اللهم يكافي عندهم كل شي وطايره عيونهم على اللي يستاهل ومايستاهل ,,,, انا بس حبيت اطرح هالفكرة عشان الكل يستفيد وانا ذكرت لكم طريقتي واللي حابة تفيدنا جزاها الله خير ويجعلة الله في ميزان حسناتها .

["دلوعة حبيبي"]

ميمي الاموره .. مشكوره حبيبتي .. والله الحال من بعضه انا بعد ادرس ومدري ايش اسوي
امي ماهي بقوة اول صحيح مابتقصر معي بس والله ما ابي احملها فوق طاقتها .. وخالتي ونفس الشي اساسا ما عندها خدامه فشلون اجيب لها 2 تمسكهم ما بتقدر تنسق بين البيت ومتابعتهم..
وخواتي صغار وماعندهم خبره في الاطفال وغير كذا هم هم وراهم دراسه .. والله انشل راسي من التفكير .. والله ادعي ربي ليل نهار يرق قلبه علي بهالموضوع لانه وربي مومخلي علي قاصر الحمد لله .. وينفذ لي كل شي بس هالطلب معند فيه مدري ليه .. وهو يشوفني هاليومين متضايقه حيييييييل يسالني وش فيك واقوله ولاشي معقوله ما يدري ليش متضايقه .. المشكله
مو عارفه كيف افتح الموضوع معه من جديد خايفه افتحه ويعند .. وهذاني احاول ما اضايق نفسي
بس من اتذكر الموضوع اتضايق ما اقدر احس الوضع صعب .. ربي يهونها عليك وعلي ويرقق قلوب ازواجنا علينا يااااااااااااااارب ..