تجمع حبايبنا في منتدنا الحبيب

[مرهفة الإحساس]

تخيلي بس الفشيلة اللي صرت فيها ان انا اصلا بسوي الكبسة كتيييير حلوة وزوجي لما عرف اني هعملها فرح اوي بعدين اكل عجينة واقوله وحشة صح يقولي لالا اهم شي الطعم سيبيكي من الشكل وانا حاسه انه نفسه يرمى الطبق عليا ههههههه

[أم ح ــنونـہ]

هلا اميرة
دلوعتي صراحه شطوره وما تغلب ما شاء الله ^^
الله يهديها وتبقى كده على طول هع

[أم ح ــنونـہ]

ام sara
هلا حبيبتي
الشر ما يجيك ان شاء الله
ممكن بس للآن ما شفت حتى خيال لسن واحد ههههههه

[غرااام]

المشاركة الأصلية كتبت بواسطة اميرة ليفربول

بالعافيه ياغرووووومه وانا برضو زيك سويييت حلا سهل لقمة القاضي. هلا ام حنونه كيفك وكيف الدلوعه حقتك

اميره يسلموا ابغى الطريقه لاني اموووووووووووووووت فيها ولا اعرف كيف اسويها
طبعا مو لازم دحين متى ماحبيتي
والله يعافيكي عيوني وانتي كمان بالعافيه على قلبك

[أم ح ــنونـہ]

مرهفه
مو مشكله يا قلبي بتحصل كثير
انا مره قلي زوجي اقلي بطاطس
وقليتها بس ما شلتها من المقلايه نسيت لأني كنت ارضع حنونه
ولما جا زوجي وششافها كده عصب عليا
لانه مسكين جاي جعان مره وانا خبصت الدنيا
ورحت عملت له مره ثانيه

[أم ح ــنونـہ]

يلا لازم اروح ارتاح شوي
لأن القعده الكثير مو كويسه عشاني عشان الحمل
احبكم كثيييييييير
سلام ♥

[اميرة ليفربول]

غرووووومه ابشري حبيبتي انا اخذتها من المنتدى وراح اكتبها لكي انشالله

[4يو]

ماشاء الله شاطرين سواليف هههههه
ام غراام بعد ماتولد تسحب علينا سيفون

[غرااام]

4يو ايش الي يخليكي تتكلمي عني وبثقه كانك عايشه معايا
وربي ضحكتيني ....بكرى نشوف يا عسل

[4يو]

لا ي غراام انا انصدمت قبل كذا ومافيني حيل لصدمات ثاني الله يسعدكي