دردشة بنات فلسطين, دردشة حوامل فلسطين, تجمع بنات فلسطين

[إنبثاقة أمل]

ان شاء الله بيطلع سليم ومافي نقص

وبطمن قلبك ع جنينك ياقلبي


دودو ربي يسعدك ويفرحنا بسلامتك

ان شاء الله راح اهتم لان الصحه اهم شي

[ام عبدالله لولو]

مسا الخير صبايا .. هيني ارجعت خلصت الشغل وهيني ببطبخ

انبثاقة كم اليك متزوجة

[حيفا]

يسعدلي صبااااحهم اللي مجتمعييين وببرمووو هههههههه

غموض حبيبتي يسعد صباحك :)

وجع ظهري مش طبيعي بفكر اروح ع طبيب عظام يشوفلي المشكلة ، بس اقعد بيوجعني ، بيموتني ، لما امشي او اوقف عادي !!

[إنبثاقة أمل]

اهلين ام عبدالله يعطيك العافيه يارب

انا الي سنه وعشر شهور وكم يوم بدخل بالسنه و 11 شهر :)


يسعد صباحك حيفا

اه والله حسيت حالي حكيت كتير اليوم :)

سلامته ضهرك

ان شاء الله خير يارب

روحي اطمني ع حالك

[ام عبدالله لولو]

ان شاء الله يا حيفا بيكون حمل ئديش باقي لدورتك .. انا اما احملت كنت اما بدي اقعد يوجعني كثير مت اخر ظهري

[~{{ DoDo }}~]

عسولة ان شاء الله مابيطلع ناقص ولا شي

انبثاقة ربنا يكتبلك الي فيه الخير يارب

ام عبد الله يعطيكي الف عافية

حيفا اه روحي اطمني ع حالك مش غلط
وجع الضهر كتيييييييير سيئ الله يعينك بجد

اممممم زهقانة ما علي شغل بالبيت ولا طبخ اليوم قاعدة بلعب عالآي باد ومش عارفة شو اعمل

[ام عبدالله لولو]

الله يعافي قلبك يارب .. تعرفي يا ديدووو انا اما ما يكون عندي شغل بالبيت بحس حالي كسلانة الحركة بالبيت للحامل كويسة بس من غير مجهود

[حيفا]

حبيباتي انبثاقه وام عبد الله ودودو الله يسعدكم وعن الاوجاع يبعدكم ياااارب :)

دورتي مش منظمة ، بس هالوجع بحس فيه من الدورة الماضية !!
المفروض خلال الاسبوع الجاي تنزل الدورة
ان شاء الله خير ، بس ما بتوقع حمل لانه زوجي عنده مشاكل وانا وقفت كل العلاج اللي كنت ماشيه عليه هاد الشهر

بس ربنا كريم :)

[~{{ DoDo }}~]

معك حق مع انه مرات بكسل
بس هلا صرت انشط من اول
وبرضو زهقااااانة :(

[~{{ DoDo }}~]

ربنا كريم يا حيفا
وجع الضهر اله الف سبب انتي اهم شي تتطمني :)