دردشة بنات مصر , دردشة حوامل مصر , تجمع بنات مصر

[احلى نونو]

دودى بقولك صحيح وانتى بتشترى حاجات حمودى مشفوتيش فى اى محل البتاع اللى هو اسمه غطاء الرضاعه ده ؟

[دودى مجدى]

بتعمل اية يا دودو قولى قولى
لا قالتلى يا دعاء انا برضو دكتورتى كانت بتقولى عادى ومن الحمل بس الموضوع طول معايا اوى لحد السادس اهو ولا فى فايدة قولتلها امبارح لان دى كانت اخر مرة اروحلها فيها قالتلى لا انتى ضهرك كدة فية حاجة ابقى عالجية بعد الحمل فقولتلها طب والالم انا هموت منو لدرجة انو بقى فى العصعوص حاجة مقرفة كتبتلى على فولتارين ادهنو عند اللزوم ودهنت منو امبارح ريحنى اوى الحمد لله لحد ما اولد واروح لدكتور عظام كويس بقى احسن استويت منو

[دودى مجدى]

قصدك يا دودو اللى الام بتلبسو عشان ترضع براحتها ومحدش يشوفها اة شوفتو كنت عاوزة اجيبو ولسة هفتحو عشان اشوف فكرتو اية ولا بيتلبس ازاى اصدمت من سعرو كان ب190 ريال محمد قالى هاتية بس انا استخسرت الصراحة اجيب بيهم هدوم للواد احسن وقولت هدور علية فى مصر يمكن يكون حلو ورخيص او لو زنقت معايا ممكن افصل عند الخياط حاجة تتلبس كدة تدارى عشان الخروج

[احلى نونو]

ربنا يسهل يابنتى وبعد الولاده ان شاء الله تروحى لدكتور عظام ويديكى علاج

انا مره قولت لسما قالبتلى ع الفولتارين ده بحطه والله بس ربع ساعه والجع يرجع تانى ويقول لصاحبتى هيا فى التاسع دلوقتى ربنا معاها بتقولى انتى لسه مشوفتيش حاجه اومال فى السادس وانتى طالعه هتقولى ايه قولتلها ربنا يبشرك ياختى
لا فعلا ده انا بحس انى هتشل من كتر الوجع مابينزل على رجلى , شكلى محتاجه مصنع فولتارين جنبى عشان كل شويه ادهن منه

[دودى مجدى]

بس لنا اصلا شايلة هم الرضاعة مع الخروج اوى عشان البديهات الكارينا

[دودى مجدى]

ارتاحى يا دعاء على قد ما تقدرى دة تقل اجسامنا مع كمان تقل البيبى لان وزنو ماشاء الله كل يوم بيزيد فالله يكون فى عون ضهورنا الصراحة انا كمان قبل ما اتجوز باسبوع شيلت شنطة تقيلة اوى وطلعتها من شقة حماتى لشقتى شكلها دى هى اللى مزقت ضهرى

[احلى نونو]

يانهااااارى يعنى 200 رياااااااال عشان بس يتلبس وقت الرضاعه ليه هو هو اللى هيرضع النونو هههههه
ايوه صح غالى اوى تجيبى بيهم حاجات لحمودى احسن . اكيد فى مصر عمره ماهيوصل للسعر ده انا شوفت صورته وقولت ابص عليه بس ملقتهوش عندى بس لو كده اشوفه من مصر او لو زنقت اوى اورى صورته لخياطه وتعمله واكيد مش هيكلف كل ده

[دودى مجدى]

طب لو عندك صورتو يا دعاء وريهولى لانى من صدمة السعر مفتحتوش ولا شوفت فكرتو اية

[احلى نونو]

انتى صح تلاقى اللى تعبك الشنطه دى يابنتى وتاعباكى لحد دلوقتى
والله برتاح يادودى كتيييير ده اوقات ابقى قاعده فى امان الله والمغص يشتغل ووجع الضهر

انا مش عارفه لييه مش بحب الكارينا دى بحسها بتخنقنى اوووى فى اللبس مش متعوده علييها
ده غير كده انا شايله هم اللبس عامه هنا النزول سهل بالعبايه طيب فى مصر اكيد هدومى مش هعرف البسها قبل الولاده ولا بعد الولاده برضه خالص
بقول لماما فكريلى فى الحوار ده عقبال مااجى

[دودى مجدى]

ايوة يا دعاء هدومك اللى فى مصر دى يا حبيبتى انسيها انا اول ما انزل ان شاء الله هشترى هدوم حمل بقى اللى هى فيستات بنوتاتى كدة عادية بس واسعة من عند البطن وهدور على بنطلون الحمل دة ابو كوبشة لو لقيتو جاهز هشترية ملقيتش هفصلو انما الكارينا انا لازم البسها تحت الهدوم مش بلاقى حاجة بكم كدة كلو نص وعلى حسب برضو موضة السنة دى هنزل بقى واشوف بس العبايات بجد فشولتنى وخلينى بقرة وكمان زهقت منها حاسة انى خيمة سودة ماشية