تجمع حوامل ليبيا

[ام وسونة]

هي تصبحوا على الف خير وليلتكم سعيدة

[ام قصى محمد]

السلام عليكم
يعنى جت الشياطين غابت الملائكه

[حبل الوصل]

السلام عليكم كيف حالكم كلكم
اففففففف دهشت وانا نقرا في الصفحات شنو الجو عندكم احنى الصقع بيجمدنا كان عندنا فرح ولد عمى قريب يبست من الصقع

[حبل الوصل]

المشاركة الأصلية كتبت بواسطة ام اسيل

اية وزهرة الله سلمكم
البيبي كويس بس متعبني عنده غازات وصدري مفش حليب واجد
وانا جبت يوم 3_11
حبل الوصل دزيتلك رسالة مش عارفة وصلاتك ولا لا
انا مشغولة عليك شن صار فيكم في الاحداث
والف مبروك شذى تتربى في عزك وكيف حال عويلتك الاخرين

ربي مايشغلك بال يالغالية والف سلامة على يوسف ويتربى في عزك عطيه فلية والا يانسون كويس بس ابعدى عن السكر العادى عطيه سكر نبات
انى اموري تمام وصغاري كويسين قريب يهبلونى وفرحانين بوخيتهم واااجد وهيا ماشاءالله عليها مش نكدية وماتعبتنيش بس في الاول الصفير جاها واجد واثرلها على المعدة لكن توة الحمد لله

[حبل الوصل]

المشاركة الأصلية كتبت بواسطة ام اسيل

خير يابنات
نبي نطمنكم على ميرنا جابت وليد بالعملية من اسبوع وهي وعموري ماشاء الله عليهم مش عارفة كان في حد قبلي قاللكم ولا لا

الف الف الف مبروك لميرنا والحمدالله على السلامة والله فرحتلها من كل قلبي بلغيها سلامى

[يقين]

السلام عليكم صباح الخير كيف حالكم جميييييييعا

[يقين]

امس مرض بعد مامتت جاني مغص في ضهر وقعد ينزل علي بطني تفكرت وجع الجياب هكي بالزبط وبعدين قعدوا جوني افرازات داكنات حاشاكم وخلاص قلت ميه في الميه بيصيرلي شي المهم مش قادره ننزل حتي من الدروج باش نمشي للعياده الله يلعن العمارات وساعتهن
المهم امتديت عالسرير وخلالالالالاص اهو اليوم احسن الحمد لله اليوم نمشي للدكتوره ان شالله وربي يستر

[رغوده2006]

يقونه صباح الخيرات كيف حالك وحال فروتي انشاءالله مش امتعباتك
لابأس عليك انشاءالله ونقولك كثري من شرب الميه اكيد عندك التهاب في المسالك لان الحمل يتعب المسالك هلبه وردي بالك على روحك

[رغوده2006]

ام اجنادين جارتي العزيزه وينك والله الا فقدك انشاءالله المانع خير يارب

[رغوده2006]

الاء صباح الخير
تي وين امغطسه حتى انت الباين خدمه امكدسه ربي يعينك واخلاص