دردشة حوامل مصر - دردشة بنات مصر - تجمع حوامل مصر

[MALAK2010]

بقولك صحيح اخت جوزى هى صيدلانيه برضة بتقول انها ماخدتش حقنه التيتانوس ولا هى ولا اختها ولا سلفتى
وبتقول اللى بياخدوها اللى بيولدوا بدايه ؟؟؟
صحيح الكلام دة
دة هنا المستشفيات فى الامارات على اعلى مستوى من النظافه والتعقيم وبياخدوها مابالك مصر واللى بيحصل فيها
لخبطتنى بس انا ان شاء الله هاخدها
ولا اية رايك

[MALAK2010]

والله ما انا عارفه هقعد ولا هنزل ربنا يسهل والايام الجايه هيبان
اصلى لو قعدت احتمال كبير ماما ماتعرفش تيجى

[dr.princess]

هى فعلا التيتانوس بتتاخد علشان يمنع اى تلوث ممكن يحصل اثناء الولادة من سوء تعقيم الادوات او او وماما سألت دكتور نساء جارنا قالها هو فى حد لسه بياخدها معدش بياخدها الا الفلاحين
بس انا قلقانة من المستشفى اللى هولد فيها باذن الله فقلت اخدها محدش عارف ايه اللى ممكن يحصل وانتى وراحتك عايزة تاخديها خديها مش عايزة بلاش مش كل الناس بتاخدها

[dr.princess]

والله استنى وشوفى الاحوال فى مصر شكلها بدأ يهدى لو كده ابقى انزلى
ولو منفعش يبقى ربنا كاتب فى ده الخير

[MALAK2010]

انا قدامى الشهر دة لو الدنيا هديت خلاص هنزل لو لاء مش هقدر انزل علشان هكون دخلت فى السابع وبيقولوا مش بينفع السفر بعد السابع ربنا يعمل اللى فية الخير

[MALAK2010]

ماما كمان فقدت الامل انى انزل هههههههههه
اصل دى تانى مرة اعملها فيها كنت نازلة فى العيد الكبير بس حصل الحمل الحمد لله فمعرفتش انزل والوقتى مصر اتقلبت كلها ههههههههههههه

[MALAK2010]

صحيح انا سالت نورا على عدد المتابعات بعد الشهر السابع بس هى زى مرات اخويا واكتر هههههههههه بتروح للدكتورة للضرورة بس

[dr.princess]

ربنا يكتب الخير ان شاء الله
صحيح نسيت اقولك مش انا دخلت السابع اول امبارح الحمدلله

[MALAK2010]

مبروك يا حبيبتى عقبال التاسع وبعدها الولادة ان شاء الله
وانا برضة الشريط دخلنى السادس امبارح بس على الحساب التانى فبكرة ان شاء الله هدخل السادس
كدة يبقى احنا حوامل بحق وحقيقى ههههههههه مش الرابع والتالت والحاجات دى هههههههههههه

[dr.princess]

هههههههههههههههههه ايوه انا شفت رد نورا وقعدت اقول لنفسى احنا اللى مش طبيعين ولا هم ههههههههههههههههههه
شكرا على اهتمامك