دردشة بنات ليبيا , دردشة حوامل ليبيا , تجمع بنات ليبيا

[أم ورد]

الحمد لله أم سعد كيف حالك إنتي وسنافرك

[أم سعد]

أم معاد ايييييه على السنون ولدي ماحسسيتش بيهم إلا لما طلع النياب

وبنتي لتوا ماطلعتش لكن منفوخات

والمرد لالا اطيح على بطنها وتنوض تعيط

لكن تكبش في الحاجة وتوقف على ركابها

بالك بتمشي طول خخخخخخخ


أم ورد سلمك نشادة

[أم سعد]

شن تغديتو وشن تعشيتو

وشن غداكم غدوة

[ام معاد]

اتغديت طبيخة قوليات والعشي برااااااااك

[ام معاد]

وتوا زوزي روح تصبحوا علي خير

[أم سعد]

قدامك كل خير وصحتين

[أم ورد]

صحتين أني اليوم غداي بيرغر وبطاطا مقلية وسلطة

[سوما ليبيا]

تعرفو اني تزوجت فشهر 12 فالشتي فالاول قالي بنمشو مالطا قتله لالا صقع واني نبي نهيج مانبيش نمشو فالصقع المهم فاتو شهور قلنا خلي نمشو لتونس واني اصلا مانبيهاش هدا بعد مارميت المرة الاولي لقينا الجواز طايح بدي يتمهل يتمهل لين حملت تاني قلنا به فاتو 3 شهور وحم والشهر الرابع رمضان وماصار شي فالجواز مليييييييييييييييييييييييييييييييييت طلع الجواز

سلفتي وحدة مشت لتونس بصغارها
سلفتي الكبيرة مشت لمصر تجدد في شهر العسل خلت بنت ولد يقرو صف اول وتاني لسلفتي اللي كانت في تونس والولد الصغير خلتهولي بديت عاد في جو الشمالات واني مش متعودة عالصغار وانوض موخر المهم قعدت عشرة اياه
اما سلفتي الاخيرة رااااجها يترجا فيها تمشي معاه لدبي لكن مايبيش يرفع الصغار وهيا قتله لا ياصغاري معاي يا لا

واني نترجا فيه نمشو لمصر تقول نقوله نبي تركيا
وتوا مازالي 10 ايام ونخش السابع وقتله كان خشيت السابع فووووووووووووووووت الموضوه وهو ولااا هامه الايام تفوت واني بنطربق



وزايدني لتوا ماشريت شي للبيبي الا حاجات بسيطة



واللي زايدني اكتر سلفتي الاخيرة بتبدا تقري وبتخليلي ولدها الصغير عمره عام ونص ماهو اني ناقصة استانسو المشكلة ماعندي وين نهرب منها نسكنو في نفس العمارة
وامس تبشر فيا القراية تبدا الاحد

واللي قاهرني اكتر واكتر راجلها شرالها سيارة

واني الفالح حتي خدمة قالي ماتفكريش فيها


ماتقولوش ضروف ماضروف حالتة راجلي زي حالة خوته

[sosolibya]

السلام عليكم ورحمة الله وبركاته

مشكورة ام اجنادين بارك الله فيك
انتم تقدرو تطلعو بس بصراحة مع الصغار وخاصة عمر بنتى الطلوع صعب
نخلى فيها لامى وخلاص

ام ورد وين هالغيبة ليك وحشة ياغالية

ام معاد لاباس على بنتك
معاك الحق حتى احنا لما نمشو لخوالى نروح مهبووووووووووولة
صغارهم سلامتكم نفس العمر وزى المجانين

سوما خيرك حتى انتى زينى بنتفجر
الحمد لله على كل النعم غيرنا مش لاقى حتى حوش يتأوى فيه


اترى لاهية فى التفريش شكلها

[sosolibya]

اااااااه حبيبتى سوما والله حاسة بيك
ان شاء الله ربى يهدى زوجك ويطلع يدسللك فيها ويكبرهالك ويجيبلك تداكر سفر مفاجأة

علاش سلفتك صغيرة هلبة شكلها