دردشة حوامل من الشهر السابع للتاسع ( جديد )

[ورد القلوب]

المشاركة الأصلية كتبت بواسطة جويداء

عضوة جديدة في تجمعكم

تخرجت من من تجمع الشهر الرابع للسادس

والحين انضممت لكم

والله يعدي الايام على خير

جويداء مبروك دخولك الثلث الاخير من الحمل
وربي يهونها علينا

ونشوف البيبيات بسلامة

[رنيم1]

السلام عليكم وصباحكم خير بأذن الله
انا بعد جديدة بتجمعكم وداخله ب السابع ربي يتمم علينا جميعاً يارب
وسبق سألتكم عن الم السره ماحدعطاني وجه >>فيس حزين

يالله ربي يعدي هالشهووور على خير يارب
خلاااص انا احس تعبت الله يهونها علينا

[sukar]

سلا كروشات

اخباركم ؟!! والله لكم فقدة
المهم ابشركم ..

ام تركي ولدت الحمدلله امس الفجر


حبيت ابشركم نفس ما بشرتكم بولادتي

وعقبالكم يارب*

[طفلة خذت قلبي]

الحمد لله على سلامتها
يلا منو بتقطع الشريط بعد ام تركي هههههههه
انا البارح جاني الم في ظهري وبطني بس خفيف
ماخفت فرحت قلت هاذي بشارة الولادة هههههههه
بنات نصيحة لاوحده تاخذ ادوية وهي شاكة 1% ان فيها ضرر على الجنين او عليها
لاني اعرف وحده معرفة قوية
كانت حامل في بداية شهورها وراحت لدكتورة جلدية
سألتها اذا علاج الحبوب ياثر على الجنين او لا قالت لها لا
واستعملته وبعد ماولدت اكتشفت ان بنتها ماتشوف
ولما راحت المستشفى قالوا لها مافي امل تشوف لان في الاساس مافي شبكية
كل هذا بسبب المرهم
ترى حتى انا قالت لي الدكتورة المفروض انا الحين بدخل الاسبوع 35 وانا على حسابي اقل
يعني مستحيل اكون حامل قبل الدورة لانها قالت لي بحسب على السونار لان دورتج مو منتظمة ولا ادري
منو اصدق حساب السونار ولا حساب الدورة

[حكااية صمت]

صباح الخير للجميع
كيفكم ؟؟؟
إن شاء الله بخير

بالنسبة لألم الأسنان أنا انصحك تروحين للدكتور وتكشفي وتشوفي علاجه
إذا ناسبك خذيه وإذا لا فــ تحملي والله يكتب لك الأجر حبيبتي ...

[حكااية صمت]

كروشات
أنا من بداية حملي والجنين وضعه طبيعي
وقبل نهاية السابع رحت سويت سونار
قالت الدكتور ان الجنين مقعدي
وهذا طبيعي انه يتحرك ويتشقلب وياخذ راحته بكرشتي
بس والله أنا خفت من هالشئ لأنه لو ماتعدل لاقدر الله
بتكون العملية هي الحل الوحيد
بس من أسبوع تقريبا أو اقل صرت احس بضيق بالتنفس
بالقوة اتنفس واكثر شئ بعد الأكل
وكمان احس الأذن عندي تنسد كأني نازلة من جبل مدري هو هبوط بالضغط وإلا إرتفاع
أو له علاقه بوضع الجنين ..
أنا إلى الآن ماقدرت أروح للدكتورة حتى استفسر منها
قلت اسألكم ممكن فيه أحد مثلي
<<<< ياكثر هذرتي واخيرا خلصت القصة حقتي

[!اميرة الورد!]

رنيم

حياك الله اختي العزيزة

بالنسبه للسرة ماعندي خلفية تعرفين بكرية ودجة

سكر
نورتي ياعسل
والحمدلله على سلامة ام تركي


طفلة خذت قلبي

ماسالتي الدكتورة ايات يعتمدون عية بالحساب الدورة او السونار

حكاية صمت

انتي باي اسبوع
وان شاء الله يتحرك جنيينك ويتعدل وضعه

[حكااية صمت]

اميرة الورد
ما أعرف ب الأسابيع دائما تقول
لي الدكتورة وما اهتم لــ هالشئ
.,,.
بس أنا الحين بالثامن ممكن لي فيه 18 يوم تقريباً
آمين يارب
.,,.

[ورد القلوب]

طفلة خذت قلبي

اني بحملي الاول لاضبط معي السوناار ولا الدورة

الدورة كانت غير منتظمة ... ومتأخره ثلاث شهور
فما اعتمدوا عليها بالحسبة

الي اعتمدوا علية السونااار
وكان حجم البيبي كبير فحسبوا لي اني دخلت العاشر
لان السونار قدمني اسبوعين

[طفلة خذت قلبي]

ههههههههههههه
اجل انا وشلون بحسب
ولا اخليها على الصدفة متى ماجاني الم ولادة بروح اسبح اذا زاد يعني هاذي ولادة ههههههه
اميرة الورد
قالت لي الدكتورة لان الدورة مو منتظمة بتحسب لي على السونار
بين حساب الدورة وحساب السونار
حساب السونار متقدم اسبوع بس على حساب الدورة
والله اعلم