دردشة حوامل أهل القصيم - دردشة بنات القصيم - تجمع حوامل القصيم

[ام البنيات]

السلام عليكم كيفكم حريم ياحلوحريم القصيم والله منورات المنتدى والله
شوفن ابقولكن شي صدقوني ان تسهيل الولاده من الله لا مستشفى ولا غيره اهم شي انك تقرين وتتوكلين على الله اما عن تجربتي انا عندي 3 بنات كلهم ولدتهم بمستشفى الفريح ومرتاحه لهم حيل رغم مسبه كل الناس لهم حتى شكل المستشفى ماياهله بس فيه دكتوره اعتبرها استشاريه من اخلاق ومتدينه ولان حملي الرابع اذكرو الله مافكر اغير هالمستشفى لاني متوكله عالى الله رب العالمين

[ام البنيات]

بنت اميمتي اذا كنتي من بريده ترا حتى مستشفى الفريح عندهم الكمامه الاكسجين حقت الولاده بدون الم سعرها 200 ريال بس انا مانصحك فيها لاني جربتها وماراح اكررها تقولين ليش ؟اقولك هي فعلا تريحك يروح كل شي يوجعك لا طلق ولا غيره بس يخليك ماتحسين بشي حتى التزحر اللي هو ظروري ماتحسين فيه انا لولا الدكتوره شالته عني شوي وقالت لي تزحري لو ماتحسي بطلق عشان نساعد البيبي

[عاشقة طيور الجنه]

وهــ بــــس

[تولاي22]

السلام عليكم انا جديده بالمنتدى وسعدت كثيرا بوجود تجمع لحوامل القصيم اشكركم على المعلومات الحلوه والله ييسر للجميع .......آميــــــــــــــــــــــن

[قمر1]

اهلين بنوتات>>> كيفكم
ليش بارد التجمع وبطىء يالله كثرو اسئله واجوبه >>>>>على باله فى مدرسه

[*الفجر القادم*]

السلام عليكم
أخباركم كروشات
بغيت أسألكم بأي مستشفى تفضلي تتابعي حملك بالحكومي أو الخاص..؟
وأي مستشفى تراجعي

[شازل]

أهلين حوامل ... الله يثبت حملكم ويسعدكم ...

عندي أسئلة ودي تجاوبونه...

أنا من بريدة بس متزوجة بالحجاز وبانزل أولد في بريدة ... قلت قصة حياتي

المهم بما أني توأم يعني لازم حكومي - أقصد مستشفى الولادة - أولا حبيت أسئل مين حامل بتوأم مثلي ؟؟؟ أو ولدت توأم في مستشفى بريدة ... كيف تعاملهم مع المواليد وكيف حضاناتهم - الله لا يحوجنا للحضانة - ...

كيف تكون العملية القيصرية الثالثة ؟؟؟؟ هل تتعب أو ... تجاربكم لو سمحتوا ...

مير على القيصرية الي سئلت عن النصفي ، فيه نصفي لأني قبل سنة والدة وأحس إن بنجي نصفي بس كنت تعبانة فعطون منوم قبل العملية ... بس اللي كانت معي بالغرفة تقول إنها كانت صاحية مع البنج النصفي ...

على العموم هذي الحلقة الأولى من الأسئلة نلتقي في الحلقة الثانية ...

[محجبه]

المشاركة الأصلية كتبت بواسطة شازل

أهلين حوامل ... الله يثبت حملكم ويسعدكم ...

عندي أسئلة ودي تجاوبونه...

أنا من بريدة بس متزوجة بالحجاز وبانزل أولد في بريدة ... قلت قصة حياتي

المهم بما أني توأم يعني لازم حكومي - أقصد مستشفى الولادة - أولا حبيت أسئل مين حامل بتوأم مثلي ؟؟؟ أو ولدت توأم في مستشفى بريدة ... كيف تعاملهم مع المواليد وكيف حضاناتهم - الله لا يحوجنا للحضانة - ...

كيف تكون العملية القيصرية الثالثة ؟؟؟؟ هل تتعب أو ... تجاربكم لو سمحتوا ...

مير على القيصرية الي سئلت عن النصفي ، فيه نصفي لأني قبل سنة والدة وأحس إن بنجي نصفي بس كنت تعبانة فعطون منوم قبل العملية ... بس اللي كانت معي بالغرفة تقول إنها كانت صاحية مع البنج النصفي ...

على العموم هذي الحلقة الأولى من الأسئلة نلتقي في الحلقة الثانية ...

[SIZE="5"]اهلين شازل نورتي طحت بك اشوفك بتجمع التوام واقرا ردودك واستفيدانا مثلك من بريده وحامل بتوام واراجع بمستشفى الولاده واتمنى اتي انا استفيد منك بحملك لان[/ على بدايه الثقل الله يكون بعونك ويهون عليك انا خاااااايفة من شبحين الثقل
لان ماعندي احد يساعدني يعني انتظر احد يجي يساعدني شغاله كل اسبوع
والثاني الولاده المبكره شازل انتي تحركين عااادي ولا لا انا بادخل الخامس واحس بالثقل الله يعين بالشهور الاخيره شسوي
وعندي اطفال يبون خدمة

[شازل]

أهليييين محجبة ... الله يثبت حملك وييسر ولادتك ...
أنا صراحة من أول ما عرفت إني حامل بتوأم إعتزلت شغل البيت - خليته على زوجي - وصايرة الدار حوسة مرة ... بس كلها شهور و أولد ويكبرونوهم اللي يضفون البيت ، أنصحك وبشدة لاتشتغلين أبدا علشان ما يجيك نزيف أو ولادة مبكرة عاد خلاص قربتي للمرحلة الصعبة أي خطأء راح تندمين أنتي وكلن يلومك فمن الأفضل إعتزلي ... صح عندي 3 عيال و2 توهم صغار سنتين ونصف وسنة بس أهتم فيهم ملبسهم مشربهم تغيير لهم ... أنا ما عندي شغالة ولا أفكر أجيب وبإذن الله راح أقدر عليهم بعد عون ربي وزوجي وولدي الكبير 6 سنوات من الحين أحط عليه بعض الأشغال علشان كلما يكبر يكون متعود ،هالحين الله يحفظه هو يهتم بإخوانه إذا صرت تعبانه يوكلهم ويشربهم ويلعب معهم ...الشهر الخامس مر بسرعة بس السادس طول مرة الله يعين ... هالحين أنا بالسابع بدايته ... على فكرة من تراجعين عنده في الولادة وكيف تحسينه المستشفى ...

[محجبه]

اهلين شازل والله وسعتي صدري تصدقين كنك تكلمين عن حالتي انا شغل البيت اذا ضروري زوجي مايقصر يرتب هو وولدي حتى ترويش عيالي على اخوهم الكبير عشر سنين بس انا البسهم واهتم بس باكلهم وبس حتى اكل زوجي هو اللي يسويه بس الكوي عندي غساله توماتك والكوي للشغاله اللي تجي كل عشر ايام
الله يطمنك والله وسعتي صدري احس اني شايله هم بس مادري وش عليه كل هالهم
اراجع عند ليلى ومرررره متفهمه لوضعي لا ن عندي انخفاض وانا نحيفه مااتحمل وياليتك ماتخلينن عشان مااحس اني بروحي واخذ من تجربتك بالشهر السابع شازل صدق يقولون ماتقوين من فراشك للحمام ربي يكرمك ولا تحركين يعني توصلين مطبخك واشياء بسيطه انتظرك الله يوفقك